النكتة المصرية

اسمحوا لي قرائي الأعزاء بالتحدث اليوم بالعامية..

بيقولوا إن الدم المصرى أخف دم.. بيقولوا نكت على طول فى أى موقف او مناسبة أو حتى فى المصائب، يعنى نلاقى على وسائل التواصل الاجتماعي كالفيسبوك وغيره العديد من النكت فى أى موقف أو حدث جديد بيحصل، مثلا فى شهر رمضان المبارك نكت عنه، وأثناء الغلاء نكت عنه وهكذا.

والنكتة معناها هزار هدفه التخفيف من الموقف الضاغط أو تنفيس انفعالى أو تعبير ساخر عن الحدث أو الموقف أو المناسبة أيا كانت إيجابية أو سلبية.

لكن إيه أصول النكتة أو الهزار؟

١- بلاش تهزر بهدف التنمر على الغلابة أو المساكين أو المرضى - دا مش هزار.

٢- النكتة يكون هدفها التخفيف من حدة الموقف الصادم مش بهدف الإحباط - دا مش هزار.

٣- ميكونش هدف النكتة إقلال عزيمة الناس أو خفض روحهم المعنوية أو نشر الشائعات المضللة - دا مش هزار.

٤- تكون النكتة فى مكانها مش مجرد كلام ساخر ثقيل الظل - دا مش هزار.

٥- متكونش النكتة تنمر بأى شكل على العبادات - دا مش هزار.

٦- ممكن تكون النكتة لجذب الانتباه لشيء معين، ومن المهم التنبيه عليه للصالح بطريقة كوميدية خفيفة.

٧- متكونش النكتة فيها ألفاظ أو أفعال غير لائقة - دا مش هزار.

٨- متكونش النكتة بهدف التنمر أو الإقلال من هيبة الكبار كالوالدين والمعلمين أو ولاة الأمور عموما وغيرهم - دا مش هزار.

٩- متهزرش على ما يخص السمعة أو على أحوال دول شقيقة - دا مش هزار.

١٠- تأدب دائما حتى فى هزارك، لتنال محبة الله وعباده، وتصبح مصر أفضل أصحاب النكتة الحلوة اللائقة.

رمضان كريم..

المصدر: الأسبوع