كهربا: أنا النجم وليس شيكابالا ونجيب ساويرس ساعدني
تاريخ النشر: 24th, March 2024 GMT
أكد محمود عبدالمنعم كهربا لاعب الأهلي أنه لم يكن ينوي دفع الغرامة المالية التي أوقعت عليه لصالح الزمالك بعد أزمته الشهيرة مع الأبيض بعد حكم المحكمة الرياضية.
قال كهربا في تصريحات تلفزيونية: كنت أنوي تأجيل الغرامة لمدة سنتين وكنت سألعب، وفكرت في عدم الدفع والمماطلة حتى الاعتزال، ولكن الكابتن حسين لبيب شخصية محترمة وجميلة.
وواصل: كان ممكن اطول القضية لفترة طويلة، وبعدين اعتزل من غير ما ادفع الغرامة.. لكن انا طموحاتي كبيرة مع الأهلي ان استمر في الملاعب واحقق كل البطولات.
وتابع نجم الأهلي : ناس كتيرة ساعدتني في حوار دفع الغرامة، لانـهم بيحبوا النادي الأهلي اولا، وبيحبوا كهربا ثانيا وطبعا مهندس نجيب ساويرس ساعدني بس مش هاقول ازاي طبعا، لكن في تفاصيل واسرار ما ينفعش اقولها.
وأشار كهربا: أنا دفعت جزء كبير من الغرامة بنسبة 80% بس عادي ومفيش مشكلة، وربنا بيكرم، والفلوس مش بتوجعني، انا من طبعي نزيه والفلوس مش بتفرق معايا اصلا.
وواصل: كنت سامع جمهور الزمالك وهو يوجه لي شتائم بالأم ولما سجلت الهدف ذهبت ونظرت للكاميرا وقولتلهم "أنا الأهلي".
وأضاف: عندما تواجدت في الزمالك كنت أنا النجم وليس شيكابالا، وهذا ليس غرورا ولكن ثقة، والدليل على ذلك أرقامي وتأثيري ومساعدتي للفريق في الملعب (هو في حتة وأنا في حتة تانية).
المصدر: صدى البلد
إقرأ أيضاً:
"ميدو": "كهربا" سرطان داخل الأهلي
شن لاعب الزماك ومنتخب مصر سابقاً أحمد حسام "ميدو" هجوماً قوياً على لاعب الأهلي محمود عبدالمنعم "كهربا".
وقال "ميدو" في تغريدة عبر حسابه على منصة إكس إن "كهربا" سرطان داخل الأهلي أو أي فريق يتواجد فيه.
من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبه وده اللي عملوا فعلا جمهور #الاهلي قبل الماتش ورد…
— Mido (@midoahm) December 23, 2024وتحدث لاعب الزمالك عن موقف جمهور الأهلي والرسالة التي وجهت إلى لاعبي الفريق والإدارة والجهاز الفني، وقال إن غضب المشجعين أمر طبيعي في أي نادٍ كبير وهو حافز للاستمرار في النتائج الإيجابية.
وذكر أن الخلاف بين جمهور الأهلي واللاعبين لا يخدم مصلحة الفريق، بل يخدم مصلحة لاعب واحد وهو محمود عبدالمنعم "كهربا".
وتساءل نجم "الأبيض" ومنتخب "الفراعنة" سابقاً: "مين ورط الشناوي واللاعيبة في مشكلته مع الجمهور؟"، قبل أن يستطرد قائلاً: "الحقيقة هو لاعب واحد فقط وجوده سرطان داخل أي فريق هو كهربا".
وقال أحمد حسام: "من حق المشجع اللي هو أكثر واحد بيتأثر نفسياً بأي نتائج سلبية أو بأي تصرفات تقلل من النادي صدرت من أي شخص داخل المنظومة إنه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الإدارة والجهاز واللاعيبه وده اللي عملوا فعلاً جمهور الأهلي قبل الماتش ورد فعل اللاعيبة كان عظيم بالفوز الكبير، وطبيعي أن الجمهور لما يلاقوا لاعيبتهم موتوا نفسهم في الملعب إنهم يحيوهم بعد الماتش علشان يقفلوا الصفحة ويوصلوا للاعيبة رسالة أن بفوزك النهارده الكبير الصفحة اتقفلت ومش هنقبل إلا بالأداء والنتائج دي، وهي دي عقلية مشجع الأندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير..كان لازم اللاعيبة تروح تحيي الجمهور ويفهموا ان جمهورهم معاهم مش ضدهم إنما إيه اللي حصل مين المستفيد الأكبر أن يكون في خلاف ما بين الجمهور والمجموعه علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلاً كما قلت من قبل وبعض من اصدقائي الاهلاوية زعلوا مني قرار التوقيع معاه اكبر غلطة في تاريخ الأهلي!!".
كولر يستبعد كهربا من قائمة الأهلي أمام المصري