معلش كرسي القهوة أحن من صدرك
مبسوط / متضايق
مش فارقة معاه بيشيلني
ولا عمره بيسألني رايح فين أو جاي منين
يمكن مأحسابش
ويمكن أحاسبك لو مرة اتأخرتي
ويمكن مأحسابش
أنا زيي زي الكرسي مبقتش بتفرق ويايا
والزهر أهو مرة معايا ومرة عليا
واليوم بيفوت
بنهاره وليله بأشيله وبأمشي
لحد الصبح وأنام
عشان أصحى على كرسي القهوة
اللي مش فارقة معاه
أنا كرسي القهوة
اللي اتعتق حكايات
وخليط لروايح ناس
أغراب
أحباب
أصحاب
اتفقوا واختلفوا
بكيوا وضحكوا
خدوا قعدتهم وانصرفوا
وقبل ما يمشوا
فاتوا أوجاعهم في ضلوعيأنا عارف شيشتي وكوبايتي زي ما عارف اسمي
وبالظبط زي ما عارف كرسيا
الكرسي بتاعي ده
بأعرق في ضلوعه وهو كمان في ضلوعي بيعرق
بأغرق فيه وأسند دراعيني وأنام
“أول حد أديله ضهري وأنام”
الضهر ف عضم الضهر
والرجل ماتفرقهاش عن بعضيها
وحتى القعدة في القعدة
دماغي بس اللي بتدلدل ع الترابيزة وأنا نايم
أو صاحي وبأكتب آخر قصة عن الكرسي.
ابراهيم عبدالفتاح – جريدة الدستور
المصدر: موقع النيلين
إقرأ أيضاً:
بالفيديو هوكشتاين داخل مقهى في بيروت... شاهدوا ما حصل معه
حصل "لبنان 24" على فيديو للموفد الأميركيّ آموس هوكشتاين، داخل مقهى "ستاربكس" في منطقة فردان في بيروت. ودخل هوكشتاين إلى المقهى لشراء القهوة، بينما كان برفقة السفيرة الأميركيّة لدى لبنان ليزا جونسون. وتجمّع بعض المواطنين حول هوكشتاين، ورفضوا أنّ يقوم بدفع ثمن كوب القهوة، وقالوا له "أنت ضيفنا". (رصد لبنان 24)
هوكشتاين يشتري القهوة من ستاربكس - فردان pic.twitter.com/jFshRB9d1M
— Lebanon 24 (@Lebanon24) November 20, 2024
الشلف.. وفاة شخص اختناقا بالغاز ببوقادير