الأمل المات فينا بسقوط مدني، حيا بطرد الجنجويد من قلب أم درمان
تاريخ النشر: 23rd, March 2024 GMT
يعني شنو حرّرًوا الإذاعة ????؟
هكذا سخر أولياء الجنجا المتذرّعين بدعوى الحياد؛
في الحقيقة فإخراج الجنجويد من الإذاعة وما حولها عنده أمّيّة أكبر بكتييير من القيمة الرمزيّة والإعلاميّة للإذاعة؛
وهي استعادة الأمل؛
تحرير الإذاعة كان المعركة الأخيرة مع الجنجويد في قلب أم درمان؛
ومن ثمّ انفتح شمال أمدرمان على جنوبها، وعاد الأمان لوسطها؛
رغم الدانات البتقع والإشاعات البتتتشر؛
المهم إنّه الجنجويد طلعوا منّها؛
وبخروجهم ولدت الحياة من جديد، زي ما ماتت بدخولهم.
قيمة الحاجة دي ما بتخص أبناء أم درمان وحدهم، بل صداها وصل كل السودانيّين على مدار الكوكب؛
عاد ليهم أمل العودة؛
بيشوفوا روحهم في أبناء أم درمان الرجعوا ليها وبدوا ينتشروا في شوارعها؛
فالأمل المات فينا بسقوط مدني، حيا بطرد الجنجويد من قلب أم درمان؛
عارف ح يجوا السفهاء هنا ويقولوا لي عثمان ميرغني ومش عارف؛
ف نوزّع ليهم حلاوة حربة يمصّوها!
????????????
عبد الله جعفر
المصدر: موقع النيلين
كلمات دلالية: أم درمان
إقرأ أيضاً:
لا وجود للسودان كدولة بوجود الجنجويد
اي شخص بتكلم عن إيقاف الحرب من غير ما يجيب سيرة لنهاية الجنجويد دا زول مستهبل ساي !! لا وجود للسودان كدولة بوجود الجنجويد ، لا أمان ولا حياة ولا مستقبل ولا كرامة ولا اي شئ بوجود هؤلاء الشياطين الملاعين .
نهاية الحرب من نهاية الجنجويد ولا نملك اي خيار اصلا غير كدة و #بل_بس لحد آخر جنجويدي في آخر شبر من ارض السودان ..
ضد الجنجويد وضد من ليس ضدهم ،وضد من تستر عليهم ،ضد من سكت علي جرائمهم ، ضد الصامتين علي الدماء والاعراض ، ضد المتفرجين والمحايدين كأن الامر لايعنيهم في شئ ، ضدكم جميعا والي آخر مدي ✌️
Suzy Khalil
إنضم لقناة النيلين على واتساب