عن تجربة الإنجاب بعد الأربعين والإعتزال.. تصريحات مثيرة لـ منى زكي في Big Time

متابعة بتجــرد: خلال حلولها ضيفة على بودكاست BigTime الذي يقدمه الإعلامي عمرو أديب على قناة mbc، تحدثت الفنانة منى زكي عن العديد من تفاصيل حياتها الشخصية وعن تجربة إنجابها قعد سن الأربعين وعلاقتها بزوجها الفنان أحمد حلمي والصفات التي تراها في أولادها، مؤكدة أن المرأة تشعر بخيانة زوجها.

في السطور التالية أهم تصريحات منى زكي في البرنامج.

– مفيش ست مبتعرفش بخيانة زوجها، الرادار بيشتغل على طول، وكل الستات بتشك وبتعرف، ولكن أنا محصليش خيانة أبدًا.

– أنا وأحمد حلمي بنبوس بعض يومياً، والعلاقات الزوجية بعد ٢٠ سنة رائعة وأحمد أحسن راجل في حياتي بعد والدي.

– الإنجاب بعد الـ٤٠ أمر صعب للغاية ولكن يكون لدينا حنية كبيرة، وابني سليم دكتور في نفسه والثاني بلطجي وبيخوف البيت كله”.

– قبل مسلسل “أفراح القبة” كنت قاعدة في البيت ثلاث سنين تقريبًا، والأعمال المعروضة مش عاجباني، وقررت أفتح مركز صحي، أنا بحب الحاجات دي، لكن المخرج محمد ياسين أنقذني.

– “أفراح القبة” من أنجح أعمالي وكان عمل صعب جدا، ومفيش حد يقدر يعمله غير العبقري محمد ياسين، من غير ما يكون عندنا نص مكتوب، ومعتمد على رواية من أصغر روايات الأديب العالمي نجيب محفوظ خالية من التفاصيل.

– عادل ابني باعتبره ابن الناس الكويسين في فيلم “سهر الليالي”، سليم اللي عمره تسع سنين، دكتور في نفسه ومهذب أوي وحساس وزوق جداً.

– الثاني بلطجي خالص ومخوف البيت كله، وكفاية نظرته وإنك مش متوقع أبدًا رد فعله.

– كان عندنا صعوبة في التعامل مع الأولاد، وأنا شخصياً كان عندي صعوبة، روحت لحد يقدر يساعدني والموضوع اختلف.

– علموني إني لازم الأول أسمعه، وبعدها أفهمه ليه مش هنعمل اللي هو حاسس به، لكن بهدلني سنتين لغاية ما عرفت أتعامل معاه.

main 2024-03-23 Bitajarod

المصدر: بتجرد