“ماكنش جدع معايا”.. فنانة شهيرة تشن هجوماً على ياسر جلال

متابعة بتجــرد: خلال لقائها في برنامج “هي وهما” عبر قناة “الحدث اليوم” شنت الفنانة والمذيعة ميار الببلاوي هجوماً حاداً على الفنان ياسر جلال مؤكدة أنه لم يساعدها في فترة من الفترات كانت تحتاج فيها إلى عمل وتخلى عنها.

حكت ميار القصة قائلة: “كنت لسة لابسة الحجاب ووقتها ماديًا ومعنويًا كنت محتاجة اشتغل، طلبت من ياسر جلال أشارك في عمل معاه، وقالي أنا مليش دخل في اختيار الممثلين في المسلسل، أنا صعقت من رده لأني أنا ممثلة وعارفة إن النجم ليه حق اختيار، أنا مش واحدة من برا، ماكنش جدع معايا”.

وتابعت: “المرة اللي بعدها لما بعتله رسالة رد قالي أنا اللبيس وأنا عارفة إنه تليفونه، هو مش عايز يساعدني مع أنه من أجدع الشخصيات لكن الشهرة بتغير، إحنا كنا بنقسم اللقمة مع بعض أنا وهو ورامز جلال”.

وكانت ميار الببلاوي قد كشفت عبر حسابها الخاص في “فيسبوك” عن حزنها الشديد وقهرها بسبب إلغاء برنامجها الديني لشهر رمضان.

وكتبت ميار قائلة: “بجد حزنت من قلبى رمضان شهر الدين بلا دين، قدّر الله وما شاء فعل. اتقهرت من قلبى وأفوّض أمرى إلى الله، إن الله بصير بالعباد.. أحياناً بيكون القرار صعب أوي بس لازم لحفظ الكرامة ادعولي آه يا أمي محتجالك”. وأضافت: “بحبّكم أوي ومقدّرة زعلكم عليا ربنا يخليكم ليا كلكم بس سامحونى لأني تعبانة جداً ومش قادرة أتكلم”.

main 2024-03-23 Bitajarod

المصدر: بتجرد