عصام صاصا: "أنا موجود في الشارع أكتر من ويجز.. وانبسطت لما أرقامي عدت عمرو دياب ومحمد رمضان"

كشف مطرب المهرجانات أرباحه الحقيقية من موقع الفيديوهات الشهير يوتيوب، وسر تفوقه على الهضبة عمرو دياب، موضحًا سبب نجاح محمد رمضان.

 

عصام صاصا ضيف برنامج أسرار 

 

وقال عصام صاصا، خلال ضيافته في برنامج أسرار الذي تقدمه الإعلامية أميرة بدر، المذاع عبر شاشة قناة النهار: “لما أرقامي على يوتيوب والمنصات عدت عمرو دياب ومحمد رمضان متغرتش ولكن انبسطت”.

 

وتابع: “عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي”.

 

واستكمل عصام صاصا: “بكسب من الفيديوهات على يوتيوب، اللي بيقولك مش بيكسب يبقى بيضحك عليكي، أنا بكسب  ولكن مش اللي في خيال الناس”.

 

وقال: “الناس فاكرة إني بكسب مليارات مفيش الكلام ده.. أنا عمر ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي”.

 

واصل عصام صاصا حديثه قائًلا: اتشرف أعمل دويتو مع محمد رمضان هو أكيد تعب في حياته بجد علشان كدة في اللي هوفيه ده.. أنا لو مكانه أو أي حد هيبقى مكانه هيبقى كدة.

 

كما تطرق عصام صاصا، للحديث عن أكثر جماهيريًا هو أو ويجز، قائلًا:أنا ممكن أكون موجود في الشارع أكترمن ويجز،  لأن ممكن يكون بيعمل أغنية كل شهرين أو البوم.. لكن أنا ممكن في الشهر أعمل 10 أغاني، وبحبله أغنية البخت.

 

المصدر: بوابة الفجر