صبري إسكندر: "دخولي عالم سمسم كان فرصة من ربنا.. وأنا مش مختفي بمزاجي"
تاريخ النشر: 23rd, March 2024 GMT
تحدث الفنان صبري إسكندر، عن تفاصيل دخوله الوسط الفني من خلال مسلسل الأطفال الشهير عالم سمسم، بجانب الكشف سبب غيابه عن الساحة الفنية.
وقال صبري إسكندر، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": أنا في مراحل حياتي بعشق الفن، وكان ليا صديق بيكلمني بيقولي أنت فين، قالي أنزل في الحتة الفلانية بيعملوا تيست كاميرا لبرنامج حلو أوي وبيشكروا فيه، بالصدفة أن كان اليوم ده آخر يوم وآخر ساعة، والتعامل مع العروسة شيء خطير، في ناس تبص للعروس من الجنب، وحطوا لي عروستين وأنا تفاعلت معاهم ولما شافوا الشرايط دي كلها وشاوروا عليا، وكلموني علشان أكتب العقد وكان نصيبي.
وتابع: أنا عايز أشكر ربنا علشان إداني الفرصة دي، أنا طبيعتي الحب والبشاشة والمودة والنصح، وعالم سمسم إداني الفرصة في ده، ومكنتش متوقع نجاحه بالشكل ده، ومكنش صعب عليا ألاقي نفسي مع مجموعة العرايس، وكل الكواليس كانت محبة مع الكاست كله.
الفنان صبري إسكندر يتحدث عن غيابه عن الساحه الفنية
أما عن سبب غيابه عن الساحة الفنية، فعلق صبري إسكندر: أنا مختفتش بمزاجي، إنما بعد عالم سمسم أنا اشتغلت مسرح مع عمالقة الفن في مصر، واشتغلت مع الفنانة سميحة أيوب، والوقوف جنبها شرف كبير، ولما شافت دوري استدعت الصحفيين وقالت الفنان ده أعلموا له لقاء وحديث لدرجة أن كتبوني مع العمالقة الكبار.
وأضاف: اشتغلت في مسرحية كانت بتجمع عمالقة الفن كله، زي حسين فهمي، ويسرا، وعلاء ولي الدين، ووحيد سيف، ومحمد سعد، وعزت أبو عوف، وكان من إخراج أستاذ شريف عرفة، هو مبدع وبيدي كل واحد مساحته.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الفجر
كلمات دلالية: برنامج المنسي عالم سمسم
إقرأ أيضاً:
مدحت شلبي يكشف سر غيابه.. ويتوعد بمقاضاة هؤلاء
كشف الإعلامي مدحت شلبي، سبب ابتعاده عن الظهور في برنامجه، وحقيقة تعرضه لوعكة صحية.
زقال مدحت شلبي في فيديو شاركه عبر حسابه الشخصي على فيسبوك: “النهاردة صحيت من النوم لاقيت أكتر من 40 مكالمة ورسالة، وكلمهم بيسألوني سلامتك مالك عندك إيه وأنا مش فاهم فيه ايه بصراحة”.
وتابع: "أحد أصدقائي بعتلي سكرين شوت لأحد الأشخاص، كاتب أني في العناية المركزة وتعبان جدا، وده عيب بصراحة وأنا هرفع قضية عليه طبعا لأنه أزعج الناس عليا".
واختتم مدحت شلبي: “عدم ظهوري في التلفزيون لإن إدارة القناة بتجهز البرامج وبتاخد بعض الإجراءات، وسوف نعود مرة أخرى بشكل أقوى ولدينا تغطية حصرية لمباريات كأس العالم”.
تفاصيل مرض مدحت شلبيبحسب تصريحاته خلال حلقة سابقة بتاريخ 7 ديسمبر الماضي من برنامج «يا مساء الأنوار»، قال مدحت شلبي: «ناس بتقولي إني خسيت، ده كويس، بس السبب تقيل».
وأضاف: «أنا جالي ما يسمى بارتجاع المريء، وده عندنا كتير كـ مصريين، أسبابه بعض العادات الخاطئة، زي الأكل الدسم، النوم بعد الأكل والتدخين».
وأكمل: «مريت بتجربة قاسية وفي طريقنا للتعافي. المهم حافظوا على نفسكم، لأن في ثانية الارتجاع ده بييجي، ويارب ما حد يحصله أي حاجة، أنا بقول التجربة عشان مهم الناس تسمعها مني».