دينا ترد على منتقديها: اللي قال فلوس الراقصة حرام «بيفتي» (فيديو)

كشفت الفنانة الاستعراضية دينا، أنها تعاني من صراعات مع المجتمع لأن الناس في المجتمع لديهم حالة غريبة بينهم وبين الراقصة.

وأضافت دينا خلال استضافتها ببرنامج "ع المسرح" الذى تقدمه الإعلامية «منى عبد الوهاب» و المذاع على قناة الحياة: «الناس غريبة يحبوا الرقاصة، ويحضروها أفراحهم، لكن ممنوع تتزوج ابنهم، ولديهم حالة سلبية وعاجنين الدين بالفن فشايفينها حرام، أنا بعاني من الصراع طوال الوقت، وأنا شخصية غريبة عن الرقص، ولو كان وضعى الاجتماعي مختلف يمكن كنت أرى أن ده عادى».

وتابعت دينا: «أنا ست بيت عادية وأنا اللى بطبخ، بعمل كل حاجة وحياتى طبيعية، وتركيبتى مختلفة عن باقى الفنانين، ونظرة المجتمع حالة مجتمعية من أيام تحية كاريوكا، وهتفضل موجودة طول الوقت، وصعب تغيير وجهة النظر».

وردت الفنانة دينا، عن قول أحد رجال الدين: "إن أموال الراقصة حرام" قائلة: "هو حر بيفتى فى حاجات كتير، وقال عليا "خنفة" وده معتبروش شيخ وهو بيعيب فى خلقة الخالق، وانا مش "خنفة".

واوضحت دينا: «أنا بتكلم من قلبى، وبعد الولادة بـ40 يوما نزلت أرقص وكنت محتاجة ألم جسمى فلبست شورت فعجبت الرقابة، وقلت من منظور الدين إن أى "عرى" حرام، والوصول لمرحلة السلام النفسى يأتى بعد مشوار طويلة من كلام المجتمع والتخبط، وأنا عندى دايرتى المقفولة عليا".

وتحدثت دينا عن الخوف من الله قائلة: «كل الناس عندها خوف من ربنا وبتغلط وعندها التقوى والإيمان وبيغلطوا، ومن ضمن المصيبة أن الناس متخيلة إن الراقصة لا تخشى الله، أو حتى المغنى أو الممثلة».

وأضافت دينا: «قولت فالله خير حافظ وهو أرحم الراحمين، فبقيت تريند مش عارفة ليه، وبقول الآيات المنجيات وآية الكرسى قبل ما أنزل من بيتنا».

وقالت دينا: «مافيش مجتمع خالى من الأمراض النفسية لأن مش كل حاجة عاوزينها بيلاقوها أو كل حاجة بتتوفرلهم، وأنا فضلت أعمل الحاجة اللى بحبها حاولت عمل فكر، ويمكن وصلت للناس ويمكن بحاول أوصل».

واختتمت تصريحاتها: «كنت شايفها وأنا صغيرة هغير العالم وعشت أكثر صراع فى الجامعة، والطلبة طبلولى وصفرولى وانا باستلم الكارنية فى الجامعة، وحسيت إن دمهم خفيف».

اقرأ أيضاًالراقصة «دينا» عندما تتحدث عن القرآن وقرائتها آية الكرسي.. شاهد ماذا قالت

وقف «السلكاوي» عن قراءة القرآن.. يستفز مستمعيه بـ«رعشة دينا» (فيديو)

الراقصة جوهرة تسمي الله مع «رامز جاب من الآخر» والأخير يرد: اللهم قوي إيمانك

فستان إلهام شاهين في حفل «دير جيست» يخطف الأنظار

المصدر: الأسبوع