صبري إسكندر: الرئيس كرمني على عالم سمسم.. واستمتع بنجوميتي في المواصلات
تاريخ النشر: 23rd, March 2024 GMT
تحدث الفنان صبري إسكندر، عن تكريمه من قِبل الرئيس عبد الفتاح السيسي، بسبب مسلسل الأطفال عالم سمسم، مشيرًا إلى أنه يشعر بنجوميته في الشوارع.
وقال، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": تم تكريمي تحت رعاية الرئيس عبدالفتاح السيسي، وطبعًا أنا شرف ليا وبشكره على هذا التكريم بحضور 5 وزراء، كرموني على عالم سمسم.
وتابع: أنا في فترة صغيرة حصلت على حاجات غيري يقعد فيها سنين علشان يحصل عليها، أنا مغيبتش عن الساحة، وأنا بستمتع في نجوميتي في وسائل المواصلات، لما الناس بيتلموا عليا وعايزين نتصور معاك يا عم جرجس.
وأضاف: معظم المخرجين الشباب يعرفوني لأنهم اتربوا على إيدي، والعروض اللي بتجيلي مش مناسبة وغير لائقة أني أعملها، أنا بقدم رسالة وليا بصمة كبيرة في الجيل، وكل اللي يشوفني يقولي إحنا اتربينا على إيديك وخدنا منك القيم، فأنا مش ممتنع عن الفن ولكن ملقتش حاجة كويسة.
وأردف: أني أروح أكلم حد وأروح للمخرجين والمنتجين، عايزة موهبة مش عندي، ممكن يكون اعتزاز بنفسي، وأنتم عارفين عم جرجس وقد إيه أنا ربيت جيل ومحبوب عندهم، ويفتكروا يكلموني عايزني في دور يقدم رسالة لـ أولادنا.
واستكمل: الفن بيبقى عامل زي الإدمان واللي بيحب الفن بيبقى منبهر بـ وجوده قدام الكاميرات، وأنا مكنش هدفي في الحياة أن أكل عيشي يبقى الفن، وأنا ليا وظيفة تانية في الأكاديمية.
وأضاف: الكُتاب ذهنهم متجه للتجارة، طالما الكاتب حط قلمه تحت قيادة المنتج يبقى العمل مش هيبقى كويس، عالم سمسم كان بيجمع بين أساتذة في الجامعة ودكاترة وأنا كنت بكتب في بعض الحلقات، وكان بيتعمل زي ورشة كتابة وده اللي نجح العمل، لأن كان في تكاتف وإشراف.
وعن كواليس عالم سمسم: كنا بنكتب عالم سمسم وكان في محاذير، زي أننا بنتعامل مع أطفال يعني أول حاجة الحب، وعدم استخدام العنف، إنما النهاردة الأولاد لما بيقعدوا أمام التلفزيون ويشوفوا الحاجات الخارجة، أو التليفون ده مصيبة وعمل تفكك في الأسرة.
واختتم: الأب والأم مسئولين عن ضياع الأولاد بسبب عدم التربية والإهمال، والتليفون بيقدم مصايب والجيل ضايع مبياخدش رسالة، بيقولوا التعليم في الصغر كالنقش على الحجر.
المصدر: بوابة الوفد
كلمات دلالية: السيسي الشوارع الجيل عالم سمسم
إقرأ أيضاً:
رسالة الرئيس السيسي لـ المصريين.. ويحذر من مخطط هدفه إسقاط الدولة
حذر الرئيس عبد الفتاح السيسي، من مخطط هدفه إسقاط الدولة المصرية، مؤكدا أن الجميع يعلم تماسك الدولة والمصريين وهناك من يعسى إلى كسر هذا التماسك.
وطالب الرئيس السيسي، جموع الشعب المصري بالوحدة والتماسك لمواجهة المخطط، مؤكدا أن المصريين مسلمين ومسحيين على قلب رجل واحد ولا أحد يستطيع كسره.
إذا سقطت مصر سادت الفوضى في العالموأكد الرئيس السيسي، أن الاستراتيجية التي وضعت تتمثل في أنه إذا سقطت مصر سادت الفوضى في العالم كله، موضحا أن مهمتهم في سوريا خلصت، لأنهم دمروا سوريا خلاص.
حماية أرضنا والشعبوأوضح الرئيس السيسي، أن كل الجهود تبذل من أجل ضرب الاقتصاد المصري والسلام الاجتماعي، مشددا على أن الدولة المصرية تبذل ما في وسعها من أجل حماية أرضنا والشعب المصري.
بنحافظ على شعبنا والأمن القوميووجه الرئيس السيسي رسالة للجميع، قائلا: «نحن لن نتردد لحماية شعبنا من الشر وأهله.. إحنا بنحافظ على شعبنا والأمن القومي المصري.. واللي هيقرب من أمننا إحنا هنتصدى ليه كما ينبغي».
انتبهوا يا مصريينواختتم حديثه لـ المصريين: «أوعوا، انتبهوا، حافظوا على تماسكم، وأعنا الله على اللي احنا فيه ووفقنا وحمانا».
محمد بن زايد يبحث مع وزير الخارجية التركي تعزيز العلاقات والتطورات الإقليمية