بعد تصدره التريند.. تصريحات أحمد سعد في بودكاست Big Time مع عمرو أديب (تقرير)
تاريخ النشر: 22nd, March 2024 GMT
تصدر اسم الفنان أحمد سعد، خلال الساعات الأخيرة، تريند محرك البحث جوجل، وذلك بعد ظهوره مع الإعلامي عمرو أديب في برنامج بودكاست Big Time، الذي يعرض على قناة mbc1 خلال شهر رمضان المبارك.
ويعرض لكم الفجر الفني في هذا التقرير أبرز تصريحات أحمد سعد مع الإعلامي عمرو أديب
كشف الفنان احمد سعد سبب ارتداءه حلق وقميص شبك مقابلته خلال لقائه مع عمرو أديب في بودكاست Big Time.
وقال:" انا خرمت وداني في وقت الحياة كانت مخرومة معي، وبعد نجاحي ابتديت اعمل زي المشاهير".
قائلًا: بعدين سافرت إيطاليا وشوفت أحسن إستايليست في ميلانو، وطلبت منه يلبسني أحسن حاجة، واللي عملته طبعًا كان غلط واعتذرت عنه" أنا مشيت في مسار طبيعي لأي مطرب،، لكن الناس هاجمتني بشكل صحاني وفوقني، وبعتذر لأني عملت زي البنات، ووقتها قلت كدة كدة تريند فلبست الحلق، وإحنا كلنا عارفين الراجل اللي بيعمل كدة وبيلبس حلق له اسم معين، أنا مش هينفع أقوله.
وأضاف سعد "ولو البنات أحيانا بتعمل أشياء غريبة أنا عملت زي البنات".
إذ قال: أم ولد صاحبي كلمتني، قال لي يخربيتك إيه اللي أنت عملته ده يا ولاا، موضحا: القميص الشبك لسه عندي مرمتوش، علشان لما بشوفه بتربى، لأن التريند مبهر، لكن بعد كدة بفكر قبل التريند الناس هتقول عليا إيه، لو عايز تعمل تريند إيجابي صعب.
ماذا قال أحمد سعد عن شقيقه سامح؟
وتحدث سعد عن شقيقه العالم، قائلًا:" سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر".
وأضاف:" سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجيستير ودكتوراه".
وتابع: "كان الأول على اليابان، وأمريكا أخدته، عملوله معمل من أهم 10 معامل في العالم، وزويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128".
وتابع: "أنا مش عارف أتخيل منظره إيه قدام الطلبة بتوعه بعد القميص الشبك اللي أنا لبسته، قولتله يا حبيبي دي تجربة علمية زي تجاربك العلمية اللي تنجح أو تفشل وأنا فشلت".
وأشار:" إحنا 9 أولاد، وأنا رقم 7، أبويا كان جوارديولا، وأنا كنت بخدم الـ 8 أخواتي، وفي يوم قررت أعمل ثورة عليهم، لكن كنت بحضر لها جوا مخي، أخويا شالني ورماني برة وقفل الباب".
وواصل: "روحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا".
أحمد سعد يتحدث عن زوجته علياء فماذا قال؟
وتحدث الفنان أحمد سعد عن زوجته السابقه علياء قائلا: أغنية عليكي عيونى كانت لعلياء وكلمات الأغنية كلها ليها حتى بعد طلاقنا لأنها ست عظيمة وأحلى ذكريات معاها.
وأضاف: أحلى أيام حياتى كانت أيامها، وبينا طفلة، وهي ست عظيمة، وأعظم حاجة في الدنيا، وهي قدمتنى لقدام، وبقول ده لدلوقتي ولا أنكر.
وتابع: مش معنى اننا اختلفنا على شيء اننا نهدم جميع الأشياء ده مش صح، وهي أم صالحة لبنتي، وعليها عيون لا بتنافق ولا تخون.
وقال:" كنت بسجل اغنية وواحد منهم شافني ونادوا لأطفال الشارع وقالوا لازم ينزل يتصور معانا واضطريت انزل، وكانت مظاهرة أطفال.
والجدير بالذكر آخر أعمال أحمد سعد دويتو "يا مولانا" غناء أحمد سعد ومسلم،وحاز الدويتو على إعجاب الجمهور في الوطن العربي.
المصدر: بوابة الفجر
كلمات دلالية: أبرز تصريحات أحمد سعد عمرو أديب عمرو أدیب أحمد سعد
إقرأ أيضاً:
محدش يفهمني غلط| عمرو أديب: في بلاد بره بيستخدموا الحشيش لعلاج وتسكين المرضى
كشف الإعلامي عمرو أديب، تفاصيل جديدة عن استخدام القنب الهندي أو الحشيش في علاج وتسكين المرضى بالخارج، مطالبًا بسن قانون يقنن زراعة المخدر كدواء.
وأضاف عمرو أديب، مقدم برنامج الحكاية، المذاع على فضائية ام بي سي مصر، مساء اليوم الجمعة، أن :"في بلاد بره بيستخدموا القنب الهندي او الحشيش لعلاج وتسكين المرضى.. وماحدش يفهمني غلط انا مابتكلمش على التعاطي.. عاوز قانون يقنن زراعة المخدر ده كدواء".
وتابع الإعلامي عمرو أديب، ارجو ان لا أفهم بشكل خطأ وغير صحيح ولكني اتحدث عن شيء موجود بالفعل في الخارج ويجب علينا النظر إلى هذا الأمر بشكل جيد.
من جانبه علق الدكتور أسامة حمدي أستاذ الباطنة بجامعة هارڤارد الأمريكية، على الأمر، موضحا أن "ممكن نباتات الحشيش اللي بيتم مصادرتها نستخدمها ونديها لشركة تستخلص الزيت المسكن بدل ما نعدمها".
موسكو: الاتحاد الأوروبي في طليعة الأطراف المعرقلة لعمل الصحفيين