"مركز احساسها ممدودة لآخر العمر ".. رسالة مؤثرة من تامر حسني احتفالًا بعيد الأم
تاريخ النشر: 22nd, March 2024 GMT
حرص نجم الجيل تامر حسني على تقديم رسالة مؤثرة عن دور الأم في حياتنا، والدور العظيم الذي تقدمه لنا على مدار حياتها، وذلك في يوم الاحتفالية بعيد الأم.
ونشر تامر حسني من خلال حسابه الشخصي بموقع تبادل الصور والفيديوهات إنستجرام هذه الرسالة معلقًا:"جمعة مباركة يا أغلى الناس، النهاردة بكتبلكم بوست عن الأم ونفسي من جوه قلبي تقرؤه من أخ لأخواته وناتج من تجربه حقيقيه بيني وبين أمي هحاول اختصره لأن الكلام عن الام يحتاج كُتب كتير، هبدأ كلامي بإن اكتر موقفين في عمري زعلت فيهم هما اللي كنت معاندها في الرأي وكل الناس كانت في كفة وهي لوحدها في كفة،، اقسم بالله الأم بتشوف وبتحس اللي انت متعرفش تحسه، أوعى تقول أنا خلاص كبرت ومش هاخد رأيها والله والله بيبقى عندك دليل وحد بيطمنك أو بينبهك من مستقبل الموقف وانت مش عايز تسمع وفاكر أن هى مش مواكبة الدنيا فهيكون رأيها راجعي، تفتكر ربنا هيخلق قلب أم له فترة صلاحيه يعني بيحس لفتره محدوده !!!؟ اكيد لا"
تجربة حقيقية بين تامر حسني ووالدته
واستكمل:" مركز احساسها ممدود لآخر العمر في حاجه جواها بتقولها يا اه يا لأ، صدقوها … افتكر مره زمان أمى فضلت تقولي على واحد صاحبي إنه مش كويس وغدار وحقود أنا فضلت اقولها حرام عليكي دا أحسن واحد في صحابي وأدافع عنه باستماته لحد ما الأيام دارت وفعلًا خرج منه الجرح الكبير والحقد الكبير اللي ميطلعش من إنسان بيكرهني اصلًا وعرفت ساعتها إن في ناس حوالينا لابسين قناع الحب لحد ما المصلحه هتروح وبعدين يبان وشهم الحقيقي".
وأضاف " فعلمت نفسي متعشمش أوي في الناس عشان لما يغدروا متعبش أوي والناس الطيبين بجد أكيد هيبانوا ويبهرونا بحبهم وثباتهم الطويل اللي مش مشروط ولا قائم على مصلحة يعني برضو مش هنظلم حد كويس بس هنلغي فكرة التسرع في العشم الزائد ".
وقال:"هاجي بقى لنقطه نفسيه غريبه انا كل ما تكون ايد أمي على راسي والله والله والله بحس لو تعبان اني مرتاح لو مهموم اني مبسوط وكأنها بتشفط وبتسحب اي طاقة سلبية مش كويسة وتحطلي طاقه جميلة كلها خير وراحه،الأيام اللي غصب عني مش بعرف اشوفها فيها بكون متوتر قلقان ولما بشوفها بقول في سري أنا بحمد ربنا عشان اتولدت لقيت الست دي أمي".
وأشار: "يلا نوريهم قد ايه بنحبهم واللي مزعل اهله يروح فورًا يصالحهم يلا عندك سبب جميل اهوه جه من عند ربنا متخافش روح صالح ربنا هيكون معاك وهيخليك مجبور الخاطر صدقني …..و أكيد اتمنى لو يفضل ده شكل علاقتنا بيهم طول الحياه مش بس في عيد الأم ".
تامر حسني وبسمة بوسيل معايدة تامر حسني لكل الأمهات بيوم عيد الأم
واختتم:" كل سنة وانتي طيبة يا أمي،
كل سنة وانتي طيبة يا بسمة، و كل سنه ووالدتك الجميلة طيبة، أنا كل يوم يا بسمة بحكي لولادنا عن الأصول دي ومصورلهم كل تعبك معاهم من وانتي لسه حامل، هعدي عصبيتك عليا في الوقت،مش مشكله حقك، المهم مصورلهم مجهودك لحظه بلحظه عشان يعرفوا انتي وأنا تعبنا عشانهم ازاي ولما يكبروا إن شاء الله هما يعملوا كده مع ولادهم، وكمان يراعوا ربنا فينا لما احنا نكبر أو ي، إن شاء الله هتشوفي فيهم كل الخير عشان انتي أم جميلة ومخلصة ليهم قدام ربنا، كل سنة وكل أم في الدنيا طيبة ويلا ندعي لكل أم مش معانا ربنا يرحمها ويرفع من قدرها في الجنة".
المصدر: بوابة الفجر
كلمات دلالية: تامر حسني
إقرأ أيضاً:
«آسف مكنتش قد الاكتئاب».. رسالة مؤثرة من ممرض أنهى حياته بنيل سوهاج
تابع أحدث الأخبار عبر تطبيق
«آسف مكنتش قد الإكتئاب».. هذه الكلمات هي أخر ما دونها ممرض “أخصائي تمريض” من أبناء محافظة سوهاج، قبل ساعات قليلة من قراره بإنهاء حياته بالقفز في مياه نهر النيل من أعلى كوبري أخميم بمحافظة سوهاج، ولا تزال فرق الإنقاذ النهري تبذل جهود مضنية للعثور على جثمانه حتى هذه اللحظة.
رسالة مؤثرةوكتب الممرض شهاب، قبل ساعتين من وفاته، كلمات تعبر بأن حياته قد شارفت على الإنتهاء، وأنه وصل إلى نهاية الرحلة، وأن ذكرياته لاتنسى، وأختتم قائلًا: “ لنـا في الخـتام لقـاء” قبل أن يقدم اعتزارًا عن عدم مقاومته للإكتئاب الذي أصابه
أخر ما كتبه الممرض المتوفي جهود مكثفة لاستخراج الجثمانوعلى ضفاف نهر النيل بمحافظة سوهاج، تجمعت أسرة الممرض «شهاب محمد أحمد» قادمون من مركز طما أقصى شمال المحافظة، حيث مسقط رأس المتوفي، منتظرين العثور على جثمان نجلهم، بينما قوات الإنقاذ النهري لا تزال تجوب المياه أملاً في العثور على الجثمان.
صلى الصبحومن أعلى كوبري أخميم حيث ينتظر «خال المتوفي» خروج جثمان نجل شقيقته، حيث كانت الدموع تملئ عينيه، ونفى تمامًا الأخبار المتداولة بأن “ شهاب” لديه خلافات أسرية، وقال: « شهاب لم يكن عنده أي مشاكل أسرية .. وكان والده يستعد لتزويجه.. وفي يوم الواقعة استيقظ مبكرًا كالعادة وصلى الصبح.. وذهب وأحضر الفطار لأسرته.. كما اصطحب أطفال شقيقته للحضانة.. وكعادته قبل يد والده ووالدته.. وكان سيذهب إلى المحافظة لتجديد بعض أوراق مزاولة المهنة الخاصة به».
ندعوا الله أن يخرجه من ظلمات البحروذكر خال الضحية.. أن شعوره بالإكتئاب ربما جاء في فترة لحظية قصيرة.. أو لشعوره بموقف ما في لحظات.. مشيرًا إلى أن الجميع كان يحبه .. ووالده كان مدير مدرسة بالمعاش وحالتهم ميسورة.. وموضوع الخلافات الأسرية أبعد ما يكون.. وندعوا الله أن يخرجه من ظلمات البحر.. ووالدته في حالة انهيار عصبي.. موضحًا بأن شهاب كان يعمل بمستشفى طيبة بالأقصر، وعمل فترة بأحد مستشفيات شرم الشيخ وهو خريج كلية التمريض جامعة سوهاج»
سرادق عزاءبينما تحولت منصات السوشيال ميديا لسرادق عزاء، حزنًا على وفاة الممرض ونعاه أهله وزملائه.. ونشر أحد أصدقائه قائلًا “ مش مصدق ولا مستوعب كل اللي اتقال ده ”
وقال آخر: “ ليه كده بس يا صاحبي .. مشوفناش منك غير كل خير”
وزير الاتصالات وتقنية المعلومات يجتمع بقادة كبرى الشركات التقنية لتعزيز الشراكة في الذكاء الاصطناعي والابتكار