عصام صاصا: معرفش إن صوتي حلو غير من القرآن..مكنش في نيتي أغني
تاريخ النشر: 22nd, March 2024 GMT
علق مطرب المهرجانات عصام صاصا على دخوله المجال الفني قائلًا: "اشتغلت على توك توك اكتر من سنتين، وبدأت انا وواحد صاحبي، ابتدى الحوار من 3 اعدادي، وصاحبي كان بيقعد مع موزعين، وحبوا يعملوا حاجة لأول مرة، فا قلت لهم تعالوا البيت عندي لانهم مش لاقيين مكان، ومعرفش ان صوتي حلو غير من القرآن لكن مكنتش جربت اغني، قلت اقعد اتفرج مش انا اللي هغني يعني".
وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "دخلت اجرب، ومكنش ف دماغى انى هوصل، وكنت بنزل الاغاني بأسم عصام طه مكنتش ابقى صاصا لسه، وكنا احنا الاتنين بنعمل الاغاني و مفيش تالت يسمعنا، وصاحبي عبدة روقة سبب من أسباب اني ابقى عصام صاصا، والكلام ده من 7 سنين، ومكنش ف نيتي اصلا اني ابقى كده ومعرفش ان اول اغنية تنجح نزلت عاليوتيوب اصلا".
وأضاف صاص قائلًا: "نقعد نحط الكوبليه في يوم، وفي خيالي كبيري 1000 واحد هيسمعني، لقيتها نزلت على تيك توك ايام ما كان اسمه ميوزكلي، وجابت ملايين واخري افتح الواتساب، وبعدها موقع مهرجانات تواصلوا معايا، ورحت قعدت معاهم، وقالولي هناخد منك الشغل وننزله على يوتيوب وتبقى بتاعتنا، ومكنتش اعرف انهم هيكسبوا فلوس من اليوتيوب ، معرفش انه بيجيب فلوس اصلا".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/qYiIcPjqNo/
المصدر: صدى البلد
كلمات دلالية: الإعلامية أميرة بدر برنامج أسرار عصام صاصا مطرب المهرجانات عصام صاصا
إقرأ أيضاً:
أميرة فتحي: عندي أدوار معلمة مع الناس وخايفة أعمل حاجة تضيّع كل ده
كشفت الفنانة أميرة فتحي، سبب غيابها عن الساحة الفنية خلال السنوات الماضية، حيث ابتعدت تمامًا عن الأضواء واكتفت بالظهور بين الحين والآخر على السوشيال ميديا أثناء ممارسة الرياضة.
وأوضحت أميرة فتحي، في لقاء خاص مع الإعلامية شيرين سليمان ببرنامج سبوت لايت، المذاع على قناة صدى البلد، أنها في الماضي كان لديها شغف الظهور والمشاركة في الأعمال الفنية التي تُعرض عليها، ولكن حاليًا تفضّل التأني في اختيار الأدوار الجيدة، قائلة: "لازم أعمل عمل حلو، أنا عملت حاجات مش كتيرة لكن أنا بهتم بالكَيف أكثر من الكم".
وأضافت أميرة فتحي، قائلة: "أنا عندي أدوار معلمة مع الناس حتى الآن، وخايفة أنزل أعمل حاجة تضيّع كل ده، لأن الجمهور ممكن ينقلب فاجئة، وممكن ينقلب بسبب السوشيال ميديا، ويا رب السوشيال ميديا تموت، وعلى قد ما فيها ايجابيات وعرفت مدى حب الناس ليَّ من خلالها".
وتابعت أميرة فتحي حديثها قائلة: "زمان أيام فيلم صعيدي في الجامعة الأمريكية، كانت بتجيلي جوابات اعجاب في البريد، وحاليا في السوشيال ميديا أصبحت الناس تستحل الشتائم وقلة الأدب، والتنمر بشكل غير طبيعي".
تمنت للسعودية دوام التقدم والازدهار.. القيادة الكويتية: نعتز برسوخ العلاقات الأخوية والمواقف التاريخية المشتركة