عصام صاصا: أكبر مشكلة بيني وحمو بيكا هي إدارة أعماله
تاريخ النشر: 22nd, March 2024 GMT
علق مطرب المهرجانات عصام صاصا على تصريحات حمو بيكا قائلًا: "وافقت على التنازل ومضيت عشان مكنتش مصدق نفسي، كنت 18 سنة، واغنيتي جابت 100 مليون، وكنت مازلت شغال عالتوك توك زيي زي اي حد، وال 100 مليون مكنوش يعرفوا شكلي، ولا يعرفوا اني انا اللي بغني الاغنية دي،ومبعرفش اغنيتي نازلة امتى، لاني متأكد ان الناس اللي معايا شغالين صح، وأول فلوس ليا كانوا 1000 جنيه، وكنت بنزل الفرح ب 2000 جنيه، ووالدتي مكانتش معارضة ده، وصوتى حلو وراثة من امي".
وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "حمو بيكا لو قال انه ساعدني يجتمع بيا ونشوف، ومفيش حد بينجح حد غير ربنا، وممكن يكون ربنا اختارني، اكبر مشكلة بيني وبين بيكا هي ادارة أعماله، وكان الناس تقولي ادارة اعمال بيكا نصاب وحرامي، ولما ساب بيكا جالي وبقى معايا، ومهما الناس تقولي عنه مكنتش بصدقهم، اول مرة اقابل بيكا كانت ساعة تسجيل أغنية رب الكون ميزنا بميزة، وقلتله وشي حلو عليك".
وأضاف صاصا قائلًا: "اكتر مرة اتضايقت لما حد نزلني انا واخويا من عربية في مكان ما وامي قعدت تعيط، ومفيش حد وقف معايا غير امي ومفيش حد خيره عليا، وبعد والدتي ستي أم والدي، ولو الشخص ده طلب مني اي حاجة مش هعملها".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/qYkLZ4UFNH/
المصدر: صدى البلد
كلمات دلالية: الإعلامية أميرة بدر أميرة بدر عصام صاصا
إقرأ أيضاً:
أميرة أديب تطلق كليب الراحة للبنات فقط
أعلنت الفنانة أميرة أديب استعدادها لطرح أغنية جديدة، تحمل اسم "الراحة"، وشاركت متابعيها بوستر الأغنية الذي بدا مختلفًا كأنه من التسعينيات.
وروجت أميرة من خلال حسابها الرسمي بـ"انستجرام" لأغنيتها الجديدة، إذ نشرت بوستر الأغنية وعلقت عليه قائلةً: "الراحة.. أغنية جديدة على طريقة الفيديو كليب وهي للبنات فقط".
ومؤخرًا، تحدثت الفنانة الشابة اميرة اديب عن شخصية "نسمة"، التي قدمتها في مسلسل "عايشة الدور"، بطولة الفنانة دنيا سمير غانم، والذي عُرض خلال رمضان 2025.
وقالت أميرة أديب خلال استضافتها في برنامج "الراديو بيضحك"، المعروض على "الراديو 9090"، تقديم الإعلامية فاطمة مصطفى: "قدمت شخصية نسمة بنت شريرة في مسلسل عايشة الدور، والناس كرهت الشخصية، وبعدها كل ما أقابل حد يقولي انتي نجحتي عشان الناس كرهتك في المسلسل، لأنك عملتي الشخصية صح".
وأضافت: "فيه ناس تنمروا عليا في بدايتي عشان مناخيري كبيرة، وفيه أدوار كتير اترفضت فيها بسبب الموضوع دا، وفيه ناس قالتي اعتزلي التمثيل عشان معجبهمش أدائي، وقالولي إنتِ داخله المجال بالواسطة، عشان والدتك وخالك ممثلين ووالدك مخرج، وبعدها اكتشفت إن دي لجان إلكترونية، لأن فيه ناقد كلمني وقالي كل ما أكتب عنك كلام كويس يتشال من السوشيال ميديا".