خميس شعبان عبدالرحيم: "أبويا بيساعدنا وهو ميت"
تاريخ النشر: 21st, March 2024 GMT
قال الفنان خميس شعبان عبدالرحيم، إنه لا يمتلك أي مصدر للدخل غير الفن، بجانب الحديث عن ارتدائه ساعات وسلاسل وخواتم ذهبية.
وقال خميس شعبان عبد الرحيم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": ملناش شغل تاني غير الفن، ملناش غير ربنا، وكلنا بنغني وربنا مبيسبش حد، وكل ما الدنيا تيجي تقف أبويا كان بيساعدنا".
وأوضح: “بيساعدنا دلوقتي وهو ميت بسبب محبة الناس، وكل ما الفلوس تقرب تخلص ويبقى معايا 2000 جنيه مثلًا، بقول يا رب متسبنيش أروح أخد من حد، وألاقي حد بيتصل بيا عايزني في فرح أو أعمل له أغنية وبتمشي، وشهر 1 و2 بتقرص على الواحد”، وتوفي شعبان عبدالرحيم في 9 ديسمبر 2019 بعد صراع مع المرض.
وتابع: “اللي لابسه نصه ذهب، والنص الثاني ذهب هندي، وحد قالي مش خايف حد يسرقك؟ قولتله إذا كان أنا سارقهم هيجي حد يسرقهم؟ وكلنا بنسرق في بعض المهم محدش غريب يجي يسرقنا، وكل مصر قرايب مع بعض وإحنا ماشين وعايشين وراضين باللي ربنا مديهولنا، فالدنيا بتخبط فينا ونخبط فيها لغاية ما نطلع منها على خير”.
المصدر: بوابة الوفد
كلمات دلالية: شعبان عبدالرحيم المنسي برنامج المنسي
إقرأ أيضاً:
انتهاء تصوير الجزء الثاني من مسلسل جودر.. صور
أعرب النجم ياسر جلال، عن سعادته بـ انتهاء تصوير الجزء الثاني من مسلسل جودر، والمقرر عرضه في السباق الرمضاني 2025، وذلك بعد النجاح الكبير الذي حققه الجزء الأول في الموسم الرمضاني الماضي 2024.
وقال ياسر جلال، في بيان له: " النهاردة آخر يوم تصوير في مسلسل جودر، وأنا عايز أحمد ربنا سبحانه وتعالى على النجاح الكبير اللي ربنا إداه لينا من الجزء الأول، العمل ده من شهر يونيو 2022، والنهاردة خلصناه في شهر ديسمبر 2024، النجاح ده السبب فيه ربنا وإسلام خيري المخرج وأنور عبد المغيث الكاتب، ومن قبلهم الشركة المتحدة محمد السعدي وتامر مرتضى".
وتابع ياسر جلال قائلًا: "أنا بتوجه بالشكر لكل عناصر العمل وتيمور تيمور، ومنى التونسي، أحمد فايز، وحسن أبو جبل، وكل مساعدين الإخراج والمونتاج، كان في جيش، وطبعًا كل النجوم الأساتذة، الفضل بعد ربنا في هذا النجاح يرجع لكل فريق العمل اللي أخلص في عمله كتير".
وتابع حديثه قائلًا: "أنا اتشرفت أني كنت جزء من الفريق الكبير ده، وربنا يكلل مجهودنا أن الجزء الثاني ينجح زي الجزء الأول، وكل الشكر للنقاد اللي دعمونا وبشكر كل فريق العمل وهما على رأسي من فوق، والفضل كله يرجع لكل فريق العمل مش لشخص واحد، وعلى رأسهم إسلام خيري".
ويشارك في بطولة مسلسل جودر بجانب النجم ياسر جلال كلا من: ياسمين رئيس، عابد عناني، تارا عماد، وفاء عامر، وليد فواز، محمد التاجي، أيتن عامر، أحمد ماهر، محمود البزاوي، هنادي مهنا، محمد علي رزق، منذر مهران، وآخرين، والعمل من تأليف أنور عبد المغيث، وإخراج إسلام خيري.
شاهد | خبراء صهاينة: المواجهة مع اليمن تحمل مخاطر كثيرة وتقوض الردع