خميس شعبان عبدالرحيم: 'حمو بيكا سبب شهرة مطربين المهرجانات.. وناس كتير ضد نجاحي'

كشف الفنان خميس شعبان عبد الرحيم، عن أمنيته موضحًا أن هناك الكثيرين ضد نجاحه، بجانب الكشف مطربه المفضل من بين مطربين المهرجانات الشعبية.

وقال خميس شعبان عبد الرحيم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": حمو بيكا سبب شهرة مطربين مهرجانات كتير، وهو اللي جابهم يغنوا معاه واتعرفوا، وعدوه وهو السبب الأساسي في شهرتهم، أنا مفيش معاملة بيني وبينه، ولكن دي الصراحة اللي أنا شايفها.

وتابع: أنا نفسي أعيش ومحدش يضايقني ولا أضايق حد، ومحدش له دعوة بيا، اللي بيضاقوني كتير، وناس كتير ضد نجاحي واللي بينافسوني المفروض فاهمين أني الوحيد التؤام بتاع أبويا، ومفيش منافسة في الحتة دي.

وكشف خميس شعبان عبد الرحيم، عن أمنيته في التمثيل، قائلًا: أنا أبويا مديني شهادة تقدير في كل البرامج بصوته أني طالع زيه، ومفيش حد يقدر يكذب أبويا، نفسي أمثل ولو حاجة جت من عند ربنا وحسيت أنه هيمشي معايا هعمله، ممكن أعمل دور كوميدي أو زي أبويا، أو زي الفنان محمد رضا وألبس جلابية وشنب.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

المصدر: بوابة الفجر