السيسى: إنشاء صندوق الأسرة والمرأة المعيلة علشان منسبهاش "لايصة"
تاريخ النشر: 21st, March 2024 GMT
أكد الرئيس عبدالفتاح السيسي، أن الله تعالي طلب احترام وتقدير المرأة.
نص كلمـــة الرئيس السيسي فى احتفالية المرأة المصرية السيسي يوجه بتطبيق أسس المساواة بين الجنسين في الاستفادة من الخدمات المصرفية
وقال “السيسي” خلال احتفالية المرأة المصرية، اليوم الخميس، إن :"بعض الناس بتقول بتزودها مع السيدات .. والله العظيم ما بزودها .
وتابع :"خالي بالكم بكلم الرجالة مبكلمش الستات خالص .. وده مش زى ما الناس بتقول على مواقع التواصل حرام عليك مبيدخلوناش البيت .. لا طبعا معقول كده؟ مش معقول يعني ..لكن بيقولوا كده انت مزودها .. بيقول انت مزودها .. لا .. مش مزودها بنحاول نوزن الحكاية.. فكل التقدير والاحترام ليكي.. كان فيه لقاء بعض الفطار".
وواصل السيسي:"حد منهم سألني كانت سيدة، بتقولى انت ليه يعني كده مع الستات؟.. قلتلهم الواحد لما يبقا ليه بطن مليانة ميبقاش عارف يمشى تعبان يعني.. ودي تقعد 9 شهور شايلة.. ربنا اللى قال حملته "وهنا على وهن"، والنبى وصى وقال: مين؟ أمك ثم أمك.. طيب ليه؟ أنبياء الله بيتكلموا بالوحي عن الله سبحانه وتعالي، وبنأكد علي معاني لينا كلنا، وعاوز أقول ساعات بيحصل خلافات.. ولما قلت صندوق الأسرة والمرأة المعيلة كنا حريصين على إن احنا منسبهاش أبدا منسبهاش "لايصة" وهو ساب البيت ومشي لاي سبب".
وتحتفل مصر من كل عام بـ "يوم المرأة المصرية"، والذي يوافق الـ 16 من مارس من كل عام، تخليدا لـ "ذكرى ثورة المرأة المصرية" ضد الاستعمار البريطاني الغاشم ووقوفها بشجاعة أمام الغاصبين خلال ثورة 1919.
ستعرض الوفد فى التقرير التالى مواقف المرأة المصرية وبطولاتها منذ الاحتلال الإنجليزي على مصر ،وغيرها من المواقف مهمة فى تاريخ مصر ، ومقاومة ضد كل أشكال الاحتلال ببساله .
يوم المرأة المصرية من عام 1919، تظاهر أكثر من 300 سيدة بقيادة المناضلة المصرية الكبيرة السيدة هدى شعراوى، رافعات أعلام الهلال والصليب ضد الاحتلال البريطانى وجنوده الغاصبين، والذين ما كان منهم إلا وأن أطلقوا نيران الضعف أمام قوة يوم المرأة المصرية، ما أسفر عن سقوط مجموعة من الشهيدات.
ومن أعظم الشهيدات اللاتي خلدن أسماءهن فى يوم المرأة المصرية "نعيمة عبدالحميد، وحميدة خليل، وفاطمة محمود، ونعمات محمد، وحميدة سليمان، ويمنى صبيح".
المصدر: بوابة الوفد
كلمات دلالية: الرئيس عبدالفتاح السيسي السيسي المراة احتفالية المرأة المصرية أيقونة النجاح عيد الأم یوم المرأة المصریة
إقرأ أيضاً:
من الألم إلى المجد.. رحلة بيج رامي مع جبر ربنا
تابع أحدث الأخبار عبر تطبيق
في قصة مليئة بالتحديات والآلام، بدأ الكابتن "بيج رامي" بطل كمال الاجسام العالمي رحلته من قاع الحياة ليصل إلى القمة، محققًا أحلامه وتجاوز الصعاب التي واجهته.
من العمل في الشوارع وتعرضه للطرد والرفض، إلى أن أصبح بطلًا عالميًا في كمال الأجسام، تروي هذه القصة عن جبر ربنا الذي تجلى في كل مرحلة من حياته بيج رامي يروي لنا كيف كانت البداية صعبة وقاسية، ولكنها كانت أيضًا نقطة انطلاقه نحو النجاح، وكيف أن إيمانه بالقدرة على التغيير كان هو ما دفعه للاستمرار في السعي وراء حلمه. رحلته تعكس قوة الإيمان والانكسار أمام الله، وكيف أن الحياة يمكن أن تتغير بفضل الأمل والإصرار.
قال بطل كمال الاجسام العالمي "بيج رامي"، في يوم م الأيام واحد صاحبي قاللي متيجي معايا التمرين وخدني معاه الجيم، وفي الجيم حصلت حاجه غريبه وهي إن شباب مصريين من الشرقية عرضوا عليا اشتغل في الجيم كـ حارس، وقالولى هنعلّمك التدريب لكن من غير فلوس مقابل إنك تبات في الجيم بدل النوم في الشارع .. وافقت وبقيت اشتغل 16 ساعة يوميا، لكن للأسف بعد أسبوعين الجيم ده قفل وصاحبه قرر يبيع الأجهزة والمُعدّات!
وتابع، اللي جه علشان يشتري الأجهزة واحد لبناني شافني وقاللي: "متيجي تشتغل معايا في الجيم بتاعي، قلتله ياريت .
في الوقت ده كان عندي يقين كبير ان ربنا هيجبرني وهيعوضني معرفش ازاي، بس مش هيسيبني، وفعلا اشتغلت عنده سنة كاملة لكن بأجر ودي كانت أول خطوة، مكنش ليا علاقة أساسا بالرياضه، لكن في الجيم اتعلمت التدريب ، وبعد شوية ربنا خد بايدى للخطوة التانية، في يوم بالليل قلت لنفسي ليه متلعبش كمال أجسام وتتمرن ؟
يمكن يكون ده باب رزق وإن ربنا عمل معايا كل ده علشان يجبرني آخد المسار ده ؟
وأضاف، بصوت عالي قلت " أنا هجرّب أشارك في ماتش وأكون لاعب كمال أجسام .. وفعلا!، كان في بطولة محلية لكمال الأجسام بعد 5 شهور في الكويت، فقررت إني أشارك فيها رغم ان مكنش ليا أي علاقة بكمال الأجسام ، وقعدت أتمرن ليل ونهار 5 شهور، ودخلت البطولة وكانت المفاجأه حصولي علي المركز الأول ودي كانت أول بطولة في حياتي، يومها مشيت في الشوارع اللي كنت بنام فيها وبكيت ورفعت وشي للسما وكلّمت ربنا، عنيا كانت بتمطّر دموع وببكى بحرقه لأنى كنت حاسس إنى مش هتوفق فى حياتى، لكن ربنا قاللي "أنا بطبطب عليك أهو" !، في اليوم ده قلت لربنا كلام كتير، والأبواب اتفتحت وفهمت الرسالة والحكمة وهي اني سافرت الكويت مش علشان اشتغل صيّاد أو عامل تراحيل لأ، ربنا ودّاني الكويت علشان الكفيل يطردني علشان أشتغل في جيم علشان أتعلم واحترف كمال الأجسام ،علشان يخليني بطل ابطال العالم .
وأكد بيج رامي، دي كانت تدابير ربنا وتخطيطه، في الأول بتكون قاسية لكن في نهايتها أسعد من خيال خيالك!
بعد البطولة دي تحديدا بدأت حكايتي ورحت بطولة المحترفين في أمريكا لأول مرة في تاريخ مصر ولفيت العالم وفزت بكل البطولات، وبقيت : بيج رامي!، انا لغتى مع ربنا هى: (الانكسار)، لما بروحله لازم أروحله مُنكسر، لأن علاقتى به قايمه على العطف .. هو دائما يعطف عليّ ويحنو عليّ، والانكسار بين ايدين ربنا ( عِز) . . وأنا بينى وبين ربنا حكايات».
فريدة سيف النصر: الست لو عدت الـ 60 سنة من حقها تقلع الحجاب شرعًا