لهذا السبب.. لقاء الخميسي تتصدر تريند جوجل

 

تصدر إسم الفنانة لقاء الخميسي تريند محركات بحث جوجل، نظرا ً لتصريحاتها ببرنامج "أسرار"، والتي تقدمه الإعلامية أميرة بدر، والذي يذاع على قناة النهار. 
 

وتحدثت لقاء عن علاقتها بالفنان الراحل أحمد زكي والفنانة انتصار. 


 

وقالت: "نزلت قبر أحمد زكي عشان بحبه، وكنت حامل في ابني، ونزلت السلالم كلها وطلعوني، وزوجي كان ماسك النعش معاهم، وبحبه عشان بصدقه ومن أهم الناس".

 

وأضافت: "كنا صغيرين انا وزميلي لؤي عمران، وقابلنا أحمد زكي في الاسانسير، قالي انتي ممثلة من غير ما يشوف لي حاجة ولا كنت عملت حاجة، وقالي هتبقي موهوبة جدًا، وقال لزميلي بردو، وقلت له أنا بحبك ممكن أخد حضن، راح حاضني، وبعد وفاته مقدرش اتفرج له على حاجة، وعمري ما نزلت غير لأبويا".
 

لقاء الخميسي تكشف عن علاقتها بإنتصار
 

وتابعت:" علاقتي بانتصار كانت كويسة جدًا، بس هي بتتكلم كتير، وطول الوقت بتفتي، وقلت للناس محدش يبعتلي حاجة عن انتصار عشان هي بتقول كده طول عمرها، بتقول اصلا مكانتش لقاء الخميسي بطلة راجل وست ستات، حضرتك انا اول واحدة اتبعتلي يا مدام، وهي طول الوقت عايزة تقول انا موجودة، فا بتقول حاجات، بس أنا بعدي". 

 

وأشارت: "انا عايشة على دور فين العيب، لو عملت دور بين 30 أو 40 دور زي راجل وست ستات، يمكن عايزة تطلع تريند وانتصار نكاشة ولما بشوفها بنسلم على بعض عادي، ومش هعاتبها، لان لو عاتبتها يبقى كلامها صح، وده مش حقيقي، بس انا منجرحتش ومش فارق لي، وكلنا في مسلسل راجل وست ستات ابطال". 

لقاء الخميسي: "بخاف من الحسد، ومبركزش في حاجات وحشة" 
 

وواصلت: "بخاف من الحسد، ومبركزش في حاجات وحشة، عمري ما اتمنيت اني اعمل دور حد، كل مرة اشوف أدوار زمايلي أقول عاملين الدور حلو، لاني لو مشفتش اللي عندي هيروح مني". 
 

واختتمت: "كان عندي غضب بس بعد الرياضة الدنيا هديت شوية، معظم غضبي مع ابني الكبير، عمري ما اتنرفزت في الشغل، مبحسش بنفسي". 
 

المصدر: بوابة الفجر