لقاء الخميسي: قريت القرآن وذاكرته وعارفة معانيه.. مفيش حاجة اسمها نقاب أو خمار

علقت الفنانة لقاء الخميسي على مهاجمتها للحجاب قائلة: "انا ست قريت القران وذاكرته وعارفه معانيه، وشايفة من وجهة نظري إنه مفيش حاجة اسمها نقاب أو خمار، ومعنى، وليضربن  بخمرهن على جيوبهن، الجيوب هي المنطقة المقفولة اللي هي الصدر، وده اللي انا مذكراه وفهماه، وأنا من حقي أقول رأيي، لأن ربنا مصادرش رأيي، وشايفة إني أقول رأيي مش لازم طلع غلطانة، وربنا مفرضش النقاب، والحجاب كمان، لكن احترم المحجبات هي حرة، وهما اختاروا كدة".

وقالت لقاء الخميسي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "الإنسان يكون حر لحد ثقافته واختياراته وأفكاره، وموجة المثلية الجنسية أو تغيير الهوية لما تكبر مش حرية، الا إذا فيه عيب طبي هو اتخلق بيه، لكن عمال على بطال لا، وهما يتحملوا مسئولية ده، ولو ابني جه قالي هساكن واحدة مش مقبول وهرفض، وشايفة إني أربي صح واعلم القرآن".  

مواعيد برنامج أسرار  

برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

 

المصدر: بوابة الفجر