أكدت الفنانة مريم سعيد صالح، أنها لا تمتلك واسطة في الوسط الفني، موضحة أنها قبلت العديد من الأدوار بسبب الحاجة المادية.

 

مريم سعيد صالح ضيفة برنامج المنسي 

وقالت مريم سعيد صالح، في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي": أنا مكنش عندي أقارب في الوسط الفني فأنا داخلة بدراعي، كنت بعتمد على نفسي وكنت بتكحرت حرفيًا أن أنا أبقى راجعة من الجامعة في الميكروباص ولو عرفت أن في مقابلة في المهندسين أنزل بشنطة هدومي واروح، كنت وخداها جري طول الوقت وكنت عايزة احقق لأن سني كبير مش صغير، وكنت عايزة اوصل لحاجة معينة لأن ليا ناس قرايبي قالوا انتي رايحة تشتغلي كومبارس على كبر وهتفتضحينا.

 

 

وتابعت: ردي كان أدوني 5 سنين ولو أنا مبقتش حاجة هقعد في البيت، وأنا للأسف مقصرة في الصداقات في الوسط الفني، وأي مجال في الدنيا الناس بتجيب بعضها والمعارف بتساعد بعض.

 

 

وأضافت: أنا ملقتش حد تبناني كموهبة، لأني اكتشفت أن في المجال بتاعنا مش مهم الموهبة قد ما مهم مين الظهير اللي وراكي، لازم واسطة في الأول وبعد كده كل واحد بيثبت نفسه.

 


وأردفت: إحنا عندنا في الوسط المخرجين بيغيروا أرقامهم طول الوقت وممكن ميردوش، وساعات كنا بنبعت صور ونطلب أدوار وفي ناس توافق، وفي مخرجين عندهم الجرأة أنهم يدخلوا وجه جديد وهو شايف أنه يقدر يتحمل الدور ده، وفي ناس تانية معندهاش المغامرة وتجيبك في أدوار كليشيه.

 

 

واستكملت: معنديش مشكلة إني اطلب دور، ولما بعرف أن في كاستينج بروح، لأن السعي من أهم موجبات أن العمل يجي إحنا ليس علينا إلا السعي وعلى الله التوفيق.

 

 

وأوضحت مريم سعيد صالح، أنها قبلت العديد من الأدوار بسبب الحاجة المادية: كنت بقبل أدوار علشان الفلوس زي الأدوار الصغيرة اللي أنا عديت مرحلتها، أنا المفروض بدأت اخد أدوار كبيرة وشخصيات رئيسية بدل ثانوية أو كومبارس، ولكن ده لم يشفع لي عند الكثيرين أنهم يدوني دور من غير ما يكون عندي معرفة بحد.

 

 

وتابعت: الناس القديمة مبقتش موجودة علشان في فجوة بين المخرجين الجداد والجيل القديم، ولما بنروح نعمل كاستينج مبيكونش في احترام لقامة الممثل الكبير اللي رايح يعمل كاستينج، ولكن الدكتور أشرف زكي نسق الموضوع ده ونتعامل بشكل لائق.

 

 

وأكدت مريم سعيد صالح، أن الدكتور أشرف زكي نقيب المهن التمثيلية، يبذل قصارى جهده في إيجاد عمل للفنانين، قائلة: أستاذ أشرف زكي عمل مبادرة التصوير الاحترافي بغرض التسويق للفنانين، وجالي مشهد في مسلسل من خلال التسويق ده، ووافقت بيه لأني كان بقالي فترة مبيتعرضش عليا أعمال وأنا حابة اتواجد أو أرجع مكاني، إني أعمل مشهد أو 20 مشهد قيمتي مبتحددش بالمتر ولكن بإيجادتي للدور، وده لا ينقص مني في شيء، ثقة في نفسي إني لو روحت نقطة سوداء هنورها.

 

وأضافت: زمان كان في مؤسسات لصناعة النجم وإنجاحه، والكلام ده دلوقتي في الجامعات ولكن مش بالشكل بتاع زمان، ودلوقتي بقى في كسل في الموضوع ده وبقوا يجيبوا البلوجرز اللي عندهم ملايين على صفحاتهم ويقولك ده أسهل وعنده جمهوره بدل ما اجيب حد مش معروف وأسوق له.

 

 

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

 

المصدر: بوابة الفجر

كلمات دلالية: برنامج المنسي الب قناة هي مریم سعید صالح فی الوسط

إقرأ أيضاً:

كريم فهمي يعلق على ظهوره في مسلسل إش إش .. فيديو

أكّد الفنان كريم فهمي أنه لا يشغل باله كثيرًا بفكرة البطولة أو حجم الدور بقدر ما يهتم بجودة العمل ومدى اقتناعه بالدور، مؤكدًا أن "الحب الحقيقي للمهنة" هو المحرّك الأساسي له في اختيار أعماله الفنية.

كريم فهمي عن مسلسل وتقابل حبيب: نجاح العمل كان تدريجياكريم فهمي: نجاح فارس أبو العزم كرم من ربنا.. فيديو


وقال خلال لقائه مع الإعلامية لميس الحديدي في برنامج "كلمة أخيرة" على قناة ON: "أنا سهل جدًا ممكن أكون بطل في مسلسل، وأطلع ضيف شرف في مسلسل تاني... لو دور صغير عجبني ومعنديش أي مشكلة، المهم أحافظ على قيمتي الفنية والأدبية".

وعن ظهوره كضيف شرف في مسلسل "إش إش" رغم تصدره البطولة في "وتقابل حبيب"، أوضح كريم: "الموضوع بدأ باتصال من المخرج محمد سامي، قالّي عايزك معايا ضيف شرف.. قولتله على طول: حاضر يا سمسم. أنا معنديش حسابات البطولة والنجم الأول.. أنا بشتغل علشان بحب الشغلانة مش علشان شهرة وخلاص".


وحول سر الارتباط الكبير من الجمهور بشخصية "فارس أبو العزم"، تساءلت لميس الحديدي إن كان السبب هو افتقاد الناس للرومانسية أو النموذج الشجاع المخلص، ليرد كريم: "النجاح رزق وتوفيق من عند ربنا، مش دايمًا المجهود بيكفي.. ممكن تشتغل وتتعب وتقدّم أحسن حاجة وربنا ما يكتبش النجاح.. أنا مش بعرف أفرح أوي بنجاحاتي.. دايمًا بقول الحمد لله، وربنا اللي بيوفق".


وعن سعيه للبطولة المطلقة، علّق كريم بمنتهى الصراحة:"مش لازم أبقى الاسم الأول، ومش بقول كده علشان مش مهم.. لأ، بس لو حسبتها كده مش هنجح، لأن النجاح بالنسبالي مش مربوط بالتصنيف، هو مربوط بالراحة الداخلية والشغف اللي بيخليني أشتغل".


واختتم حديثه قائلاً: "مايهمنيش  أكون غسم أول ومش معنى كده أنها مش مهمة بس لو حسبتها بالطريقة دي  مش هنجح لاني عارف نفسي   أنا مش بكتب فيلم غير وأنا مبسوط.. مش بعمل حاجة غير لو حسّيت إني عايز أعملها. وبحبها  دي مش بس شغلانة، دي حاجة بحبها".

مقالات مشابهة

  • محمد رمضان عاري الصدر في أمريكا وآية سماحة تعتذر للصحفيين.. الوسط الفني في 24 ساعة
  • كريم فهمي يعلق على ظهوره في مسلسل إش إش .. فيديو
  • «دبي للثقافة» تعلن إطلاق العمل الفني «وقفات متروية» للفنانة شيخة المزروع
  • حداد الوسط الفني .. فنانون رحلوا في 2025 ..سليمان عيد ليس الأول
  • رانيا يوسف تكشف حقيقة ارتباطها بشخص من الوسط الفني
  • علي الشامل: وفاة سليمان عيد ضاعفت الأحزان داخل الوسط الفني
  • فى عيد ميلادها.. من هى منى حسين صاحبة أدوار الإغراء
  • كل الجميلات عملوا كده.. شمس البارودي تتبرأ من أفلامها الجريئة
  • نحن في الواقع كومبارس في مسرح الضياع
  • الحزن يخيم على الوسط الفني في عزاء الراحل سليمان عيد «صور»