لقاء الخميسي عن جدل ديانتها: أنا مسلمة وبصلي في الكنيسة

أنهت الفنانة لقاء الخميسي الجدل المثار حولها خلال الفترة الماضية حول ديانتها، بعد الإدلاء بتصريحات مثيرة للغاية في حلقتها أمس لبرنامج «أسرار»، الذي تقدمه الأعلامية أمير بدر، المذاع عبر فضائية «النهار».

ديانة لقاء الخميسي

وقالت لقاء الخميسي، خلال حوارها: «أبويا مسلم فأنا مسلمة وأنا أسلمت قلبي لله ولكن أمي مسيحية»

وأوضحت لقاء الخميسي: «كل واحد جواه ربنا مفيش حد مش جواه ربنا، شايف ربنا إزاي أو معتنق ديانة إيه دي تخص كل إنسان مش أي شخص آخر».

وأضافت لقاء الخميسي: «كل الديانات المسيحية واليهودية والإسلام بيتكلموا بنفس المنطق، ولكن كل دين له شكل في الوقت الذي أنزل فيه، وكل معتنقي هذه الديانات بتعرف ربنا».

ديانة والدة لقاء الخميسي

وتحدثت الفنانة عن اختلاف ديانات والديها، قائلة: «أتربيت في بيت والدتي مسيحية ووالدي مسلم، بس أمي عمرها ما دخلتنا في القصة دي، ومكنش فيه فرق بين والدي المسلم وأمي المسيحية، إنسان وإنسانة الاتنين بيعبدا ربنا وأمي كانت بتصوم معانا رمضان مع إنها مش مضطرة لدا، وكانت بتصحينا نصلي الفجر وكانت بتصلي لربنا بطريقتها».

وذكرت لقاء الخميسي: «وأنا روحت معاها مرات كتيرة الكنيسة وصليت جوا الكنيسة، هي نفس الصلاة بس الطقس المختلف بس بندعي ربنا هنا في الكنيسة وفي المسجد».

منظور الإسلام عند الفنانة لقاء الخميسي

وتابعت لقاء خلال حديثها: «أنا شايفة إن المسلم زي اليهودي زي المسيحي، وكل واحد عنده أفكاره أتربي إزاي وقرأ إزاي وقرأ ايه وأنا قرأت كتير في الدين والتاريخ، بس الطبيعي إني تطلعي مسلمة أي أنها أسلمت قلبها للإله والمسيحي مسلم طبعا لإنه أسلم قلبه للإله، سلمت قلبي لربنا يعني».

وأشارت: «مفيش فروق بين الأديان هو نفس الكلام، احنا محتاجين نعرف ربنا، احنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض».

وبينت لقاء الخميسي: «أنا مع الديانة الإبراهيمية اللي دار الحديث عن تطبيقها أو وجودها، والدين يتحدث عن الله والله واحد مفيش غيره، وسيدنا إبراهيم هو الأساس، والثلاث ديانات زي بعض، وقبل ما يبقى فيه إسلام في مصر كانت البلد مسيحية، وقبلها كانت يهودية وبعدين دخل عمرو بن العاص مصر بقت إسلامية».

اقرأ أيضاً«حقد وغل».. تعليق لقاء الخميسي على إهانة متابعة لها بعد شكوتها من الأسعار

لقاء الخميسي تتراجع عن شكوتها من غلاء أسعار زيت الزيتون «صورة»

زيت الزيتون بـ1200 جنيه.. لقاء الخميسي تستغيث بسبب غلاء الأسعار (صورة)

المصدر: الأسبوع