كيف نفذ مدرس فيزياء جريمته بقـ.تل طالب الدقهلية؟.. اعترافات وتفاصيل مفزعة
تاريخ النشر: 20th, March 2024 GMT
تنظر اليوم محكمة جنايات المنصورة اولى جلسات محاكمة مدرس الفيزياء المتهم بقتل طالب الدقهلية والتمثيل بجثته بعدما قسمها لـ٣ اجزاء لطلب فدية من اسرة المجني عليه.
اعترافات مفزعة أدلى بها المدرس المتهم بعد القاء القبض عليه والكشف عن ارتكابه الجريمة حيث أكد ان الديون وراء تنفيذه الجريمة، وقال المتهم:"حطيت الرأس في كيس أسود داخل الكرتونة اللي فيها الجزء الفوقاني، وبعدها بحوالي عشر دقائق وخلال الفترة دي كان أهله بيرنوا على تليفونه، وأنا كنت بكنسل عليهم المكالمة وبعدها رديت وقولتلهم ابنكم اتخطف ومتدوروش عليه ومطلوب فدية 500 ألف، وبعدها والدته رنت عليا من تليفوني وأنا رديت عليها قولتلها إن إيهاب خلص الدرس وقولتلها هتلاقيه راح (الاسكيت) وردت عليا قالتلي إن هو قايلها هيروح البيت الأول وبعد كدة هيروح (الاسكيت) وقفلنا المكالمة".
وعن طريقة تخلصه من الجثمان، أفاد: "بدأت أمسح أثار الدماء اللي على يمين المدخل باستخدام مناديل ورق، ولما خلصت بدأت استخدم الشكاير الخيش وقطعة قماش كانت معمولة تنجيد لمقعد وبصيت على هدومي لقيت على بنطلوني بقعة دم والكوتشي من تحت عليه دم ونقط خفيفة على كم السويتشيرت وبدأت أمسحها باستخدام المية وبعدها على طول حوالي الساعة 8:10 مساءً طلعت من غرفة الدرس بصيت فيه حد واقف برة ولا لا ولما ملقتش حد أخدت الكرتونة اللي أنا حاطط فيها الرأس والجزء العلوي من الجسم وحطيتها قدامي على الموتوسيكل بتاعي وقفلت باب أوضة الدرس ورايا وخرجت ورحت عشان أرميها في أرض غاب "نبات مرتفع" تحت كوبري".
وتابع: "أنا لما لقيت الأرض الغاب تم تطهيرها لقيت ماسورة مياه جنب مصرف اللي معدي من فوقيه الكوبري ورحت شايل الجزء العلوي من جثة إيهاب من جوة الكيس والكرتونة وحدفته وبعدين نزلت ثبته جنب الماسورة علشان ميتحركش مع المياه ويظهر وفي نفس الوقت يبقى متداري عن أي حد معدي وحطيت فوقيه شوية فروع شجر عشان تبان إنها زبالة، والرأس قمت حادفها في نفس المكان بس في وسط المياه وساعتها التليفون بتاعه كان معايا وكان كل ما حد من أهله يتصل بيا أكنسل عليه، وأخته ندى اتصلت عليا وقتها على تليفوني وأنا رديت عليها وقولتلها هو خرج من ساعة ما مامتك كلمته مع حد من أصحابه أو راح الاسكيت".
واستكمل المتهم اعترافاته، قائلا: "رجعت تاني أوضة الدرس عشان أجيب الشيكارة اللي فيها النص التحتاني وكانت وقتها تقريبًا الساعة 8:30 مساءً جبت الشيكارة اللي فيها نص الجثة التحتاني وجيت أخرج بيها لقيت اثنين من أهل البلد قابلوني عند الأوضة وأنا بقفل الباب ووقتها كنت حاطط الشكارة جنب الباب ولقيتهم سألوني على إيهاب فقولتلهم معرفش ده هو خلص وراح عند الإسكيت، فقالولي لا احنا بتوع الاسكيت وهو مجاش وساعتها مشيوا وما أخدوش بالهم من الشيكارة اللي كنت حاطتها جنب الباب، وانا أخدت الشيكارة وحطتها على الموتوسيكل ولفيت من ورا البلد عشان محدش يشوفني وبعدين وأنا ماشي لقيت أراضي زراعية والدنيا كانت هادية هناك فرميت الشيكارة".
ولفت في اعترافاته: "رجعت تاني على أوضة الدرس عشان ألم الحاجات الثانية اللي هي السكـ.ينة والساعة والشنطة والتليفون وخلال طول الفترة دي أهل إيهاب كانوا بيرنوا على تليفونه وأنا كنت بكنسل وبعدها حطيت الساعة بتاعته في كيس مناديل والسكـ.ينة حطيتها في كيس أسود وشنطته حطيتها في كيس أسود كبير والتليفون بتاعه كان في جيبي ورميت الحاجات الشنطة والساعة والسكـ.ينة في المياه كل حاجة لوحدها وخليت معايا التليفون بتاعه".
المصدر: صدى البلد
كلمات دلالية: طالب الدقهلية محاكمة مدرس الفيزياء قتل طالب الدقهلية فی کیس
إقرأ أيضاً:
لوسي : فايزة الشبح فى «فهد البطل» لا تشبهني.. وأنا إنسانة طيبة
كشفت الفنانة لوسي عن حقيقة وجود تشابه بين شخصيتها وشخصية فايزة الشبح فى مسلسل “فهد البطل” الذى عرض فى رمضان الماضي.
وقالت لوسي، فى تصريح خاص لـ"صدى البلد": “فايزة الشبح لا تشبهني فى قوتها لأنى شخصية طيبة ولا أستطيع فعل ما قامت به فايزة الشبح، ولكن فى نفس الوقت لا أترك حقوقي”.
لوسي تكشف الصعوبات فى فهد البطلكشفت الفنانة لوسي عن الصعوبات التى واجهتها في مسلسل “فهد البطل” الذى عرض فى رمضان الماضي.
وقالت لوسي، فى ندوة “صدى البلد”: “عندما عرضت علي شخصية فايزة الشبح سببت لى حيرة شديدة بسبب أنها شخصية بها كثير من التناقضات، تارة طيبة وتارة أخرى شريرة”.
وأضافت: “قررت قبل التصوير الجلوس مع العوضي والمخرج محمد عبد السلام للوقوف على الشخصية وأبعادها النفسية، وبناءً على هذا الاجتماع قررت تقديمها بهذه الطريقة وأن تكون مليئة بهذه التناقضات”.
كشفت الفنانة لوسي عن كواليس تعاونها مع أحمد العوضى فى مسلسل “فهد البطل” الذى عرض فى رمضان الماضي.
وقالت لوسي: “أحمد العوضى فنان موهوب ولديه جماهيرية كبيرة ويستطيع تقديم كل الألوان الفنية وليس الشعبى فقط، خاصة أنه يمتلك قدرات فنية عالية”.
وأضافت: “ربنا وهب العوضي حب الجمهور وهو يستحقها لأنه قبل أن يكون ممثلا فهو إنسان حقيقى مليء بالطيبة والجدعنة".
من ناحية أخرى، كشفت الفنانة لوسي عن أنها فى أى عمل فنى تشارك فيه تعطي كل أحاسيسها وجوارحها للعمل الفني، وهو ما تحقق فى مسلسل فهد البطل.
وقالت لوسي: “أنا شخصية حامية وأحب عملى بشدة وأن أقدم الشخصية كما يراها المخرج وأتصورها وغيورة على عملى كثيرا”.
وأضافت: “هذا ما واجهته فى مسلسل “فهد البطل” الذى يعد من الأعمال المهمة والتى قدمت دراما مختلفة ولاقت إعجاب الجمهور، لكن هذا أيضا لم يخل من بعض الانتقادات، وأرى أن كل منهم له رؤيته فى أى عمل فني”.
مسلسل لام شمسيةمن ناحية أخرى، كشفت الفنانة لوسى عن رأيها فى مسلسل “لام شمسية” الذى عرض فى رمضان الماضى وقام ببطولته الفنانة أمينة خليل ومحمد شاهين وأحمد السعدنى.
وقالت لوسى: “إن هذا الأمر يشير إلى قضية فى غاية الأهمية، وهنا لا بد أن أؤكد أن دور الفن أيضا أن يناقش قضايا اجتماعية شائكة ومهمة لا بد أن نلقي الضوء عليها، وأتمنى أن نشاهد عددا أكبر من الأعمال الفنية المهمة”.
وأضافت: “مسلسل “لام شمسية” تعمق فى قضية التحرش بالأطفال وهذا يساهم فى توعية المشاهد والأسر المصرية التى يجب أن تربى أولادها على ما طرحه العمل وتوعيهم، وهذا كنت أفعله مع ابنى، حيث حذرته كثيرا من التفاصيل”.
العدو الإسرائيلي يشدد إجراءاته العسكرية على حاجز الحمرا في الأغوار الشمالية