شهيرة سلام تكشف عن آخر صورة للراحل شوقي حجاب وتنعيه بكلمات مؤثرة

نعت الكاتبة شهيرة سلام رحيل الشاعر شوقي حجاب، الذي غيبه الموت عن عالمنا صباح اليوم، ونشرت آخر صورة جمعتهما معا عبر حسابها الخاص على موقع التواصل الاجتماعي فيس بوك وعلقت عليها وكتبت: «مارحتش بيت شوقي حجاب؟ مادخلتش جنته في شارع نجيب الريحاني؟؟ ماشفتش لذاذته وشقاوته وجماله وحلاوته وكرمه وضيافته وبراءته، ماسمعتش حواديته واسراره وتاريخه وتاريخ صحابه العظام اللي زيه؟ ماضحكتش من قلبك وحسيت ب فرحه مجانيه وشوية سلام في حضرة أب وصاحب وأستاذ».

أخبار متعلقة

المهن السينمائية تنعي شوقي حجاب وتعلن موعد الجنازة

جمعية المؤلفين والملحنين تنعى الشاعر الكبير شوقي حجاب

وزيرة الثقافة تنعى الشاعر شوقي حجاب: «كان مُلهمًا وصاحب تجربة متفردة»

وأضافت «سلام»: «طب ماحدش حس بكبريائه وكرامته وعزة نفسه وهو قادر عالشغل، لانه فنان.. بس حاجه غلط معجزاه ومانعه عنه متعته وفنه؟ ماحدش قال نستفيد ازاي من شوقي حجاب، مش شرط باللي هو بيطرحه، مش كان ممكن نفكر نستفيد به ازاي ؟».

وتابعت: «علي كل ارتاح، وهو أن شاء الله من اهل الجنه … مع عصافير الجنه مع الزقزقه والرفرفه، وايوه كنت باخد من وقتي واروحله وازوره واوده واسأل عنه، ناس كتير مش بتفهم يعني ايه ده، يعني ايه الواحد يلبس وينزل ويعد ساعتين مع حد مش هيستفيد منه غير حاجات كتير اوي اوي مش كل الناس تفهمها وتقيمها والحقيقه انهم محرومين منها، مع الاسف مش عارفه اروحله دلوقتي اودعه، هتوصله دعواتي وحبي ولا نقول وداعا لان هنتلاقي، الطيبين هيتقابلوا، مع السلامه يا أستاذ، خالص عزائي لزوجته الحبيبه نهله ياسين وبنته سما وكل اسرته».

شوقي حجاب رحيل شوقي حجاب وفاة شوقي حجاب

المصدر: المصري اليوم