ميرفت أبو عوف تستعيد ذكريات فرقة «فور إم»: كنا بنغني في 7 حتت في نفس الوقت
تاريخ النشر: 18th, March 2024 GMT
تحدثت الدكتورة ميرفت أبو عوف، عن تاريخ أسرتها الفني، وذكرياتها مع أشقائها، وخصوصا الفنانين الراحلين عزت ومها أبو عوف، وتأسيس فرقة «فور إم»، قائلة إن عنوان بيتهم 10 شارع يحيى إبراهيم بالزمالك، فيلا أبو عوف شارع سيريلانكا، مردفة: «أنا ومها ومنال اتولدنا في بيت الزمالك، عزت ومنى اتولدوا في العريش، والفرق بين عزت ومنى اللي هي أكبر البنات 8 سنين والفرق بيني وبين عزت 15 وشوية».
وأضافت أبو عوف، في تصريحات خاصة لبرنامج «عاش هنا»، تقديم هاجر جميل، على شعبي إف إم: «مصدر الإلهام لخروج الـ4M أبويا وأمي، مامي صوتها كان حلو أوى لكن عمرها ما فكرت تمتهن الموضوع لأن زمانها ما كانش سهل أن يكون عندك موهبة وتحققها، هو اللي عمل مسرح البالون، وعمل مسرحيات موسيقية لاقت نجاح باهر زي الليلة الكبيرة».
كنا في الكواليس بنراقب نشاط فطاحل الفنانينوتابعت: «إحنا طول الوقت كنا في الكواليس بنراقب نشاط فطاحل الفنانين، وكبرنا وإحنا بنتجمع مع عيلة أبويا كل خميس في حفلة أم كلثوم وكانت بتبقى احتفالية زي احتفالية العيد، ورغم إن أبويا صارم جدا في تربيته لكننا اتربينا في وسط الأجواء الفنية دي».
وواصلت: «عزت عشق المزيكا وبابا كان مصمم يكون دكتور، فهو استنى لغاية ما اتخرج من طب وهو بيشتغل في الفرق الأجنبية من ورا بابا ولما عرف كان خلاص بقى دكتور، عزت امتهن مهنة الطب واشتغل مساعد طبيب، وبعدين بقى طبيب وقعد سنتين بيولد سيدات وكل مواليده كانوا بنات».
دخلنا المجال وعملنا نجاح ساحق وعملنا تعاقدات كتيرواستكملت: «دخلنا المجال وعملنا نجاح ساحق وعملنا تعاقدات كتير لدرجة إن جت فترة كنا بنغني في 7 حتت في نفس الوقت، بره مصر كنا عاملين زي البيتلز كدة بيجروا ورانا يقطعوا حتت من هدومنا، الجمهور المصري بيحب النجم بتاعه بس معندوش الإحساس بالنجومية اللي تخليه يعمل تصرفات غريبة».
وأردفت: «أمي كانت غاوية أوبيسون وكانت عاملة تحف فنية كتيرة بالخيوط، الحاجات دى توارثناها ووزعناها بينا، في أجزاء معينة من عفش أمي محتفظين بيها وبتفكرنا بيهم، أوضة نومها هي دلوقت أوضة نومي وكل شوية بجدد فيها، مهما اتنقلت من مكان لمكان هي أوضتنا».
واختتمت: «في بيانو موجود دلوقتي عند منى، في صور أبويا كان بيسافر يجيبهم من ألمانيا هما بالنسبة لي في مكتبي، في صور عزت كان بيعتز بيها وأنا بعتز بيها زي صور مهرجان القاهرة السينمائي مع عزت والفنان عمر الشريف وصورته مع وزير الثقافة الأسبق فاروق حسني، بالنسبة للصور العائلية في فئة عمرية كنا بنعمل كل حاجة مع بعض بنروح البحر والسينمات سوا وخصوصا في إسكندرية كنا بنقعد 4 شهور الصيف هناك».
المصدر: الوطن
كلمات دلالية: ميرفت أبو عوف شعبي إف إم أبو عوف
إقرأ أيضاً:
راندا البحيري تفتخر بشهادة حسن الخلق لابنها: أنا اللي بصرف عليه لوحدي
نشرت الفنانة راندا البحيري، شهادة ابنها من مدرسته بحسن الخلق، ووجهت رسالة لجمهورها تحثهم على الاهتمام بحسن الأخلاق .
وكتبت راندا البحيري على صفحتها الشخصية بموقع التواصل الإجتماعي إنستجرام: "بسم الله ما شاء الله ولا حول ولا قوة إلا بالله قولوا ماشاءالله تعالى، ابني المحترم اللي عهدت على نفسي إني أقدمه هدية للمجتمع ولدولتنا الحبيبة مصر، حصد شهادات عديدة لكني أصريت إني لما أنزل لكم منها شهادة واحدة تكون دي، تكون شهادة بحسن الأخلاق من مدرسته ومدرسينه، حسن الأخلاق دة اللي في اعتقادي إنه اهم من ألف مادة، حسن الخلق سبب في محبة الله قال الله تعالى: "وأَحْسِنُوا إنّ الله يُحِبُّ المُحْسِنِين" حسن الخلق سبب في كمال الإيمان قال رسول الله " أكمل المؤمنين إيمانًا أحسنهم خلقًا" وقد حث النبي على حسن الخلق والتمسك به وجمع بين التقوى وحسن الخلق فقال عليه الصلاة والسلام " أكثر ما يدخل الناس الجنة قوى الله وحسن الخلق “ علمته الحمدلله وراعيت ربنا فيه ووديته أحسن مدارس وكان فكري دايمًا متطور وطلبت من مدرسته أنه يتعلم ai وبرمجة وعلم كتابة الأكواد باللغات المختلفة وحصل اللي كان نفسي فيه الحمدلله وبالفعل تم منحه من مدرسته بالإتفاق مع شركة كبيرة جدا بدولة عربية إنه يسافر كل ترم وياخد كورسات تدريبية على أرض الواقع مع شباب من مختلف دول العالم وبعد بالفعل ماكان ابتدى كورسات editing في شركة apple العالمية حولته لشركة جديدة والحمدلله أتقبل فيها ودي شركة مبتاخدش أي حد إلا المتفوقين، وأكيد كتير منكم سمع خطاب السيد الرئيس عبد الفتاح السيسي لما حثنا على تعليم أبنائنا البرمجة وانا سعيدة جدًا لكوني فكرت من زمان بنفس طريقة تفكير سيادة الرئيس وبالفعل أنا فخورة جدا اني اشتغلت كتير اوي وتعبت واجتهدت علشان اقدر اوفر حياة كريمة لابني وعلشان أقدر اشتريله اجهزة معينة وغالية جدا علشان يتعلم عليها خصوصًا اني مباخدش نفقات له أنا اللي بصرف عليه لوحدي ومع اول فرصة ذهبية لكورساته اللي بالفعل بدأها أتمنع من السفر زي مانتوا عارفين عموما أنا هكمل اللي ابتديته مش هسكت عن حق ابني حتى لو عملت ايه وحتى لو اشتكيت في كل اجهزة الدولة”.
وتصدرت الفنانة راندا البحيري مؤخرًا محركات البحث على جوجل، بعد تقدمها ببلاغ رسمي للمستشار رئيس نيابة وسط القاهرة ضد طليقها، تتهمه فيه بتزوير واستعمال محرر بقصد تضليل العدالة والإضرار بها.
ظهرت راندا البحيري في برنامج صبايا مع الإعلامية ريهام سعيد، حيث تحدثت باكية عن تفاصيل ما حدث معها، مؤكدة أن طليقها استولى على منزلها في ميدان التحرير، بالإضافة إلى سيارتها الخاصة، وهددها إذا قامت برفع دعوى قضائية تطالب فيها بنفقاتها وحقوق ابنها. وأكدت أن ما تعرضت له كان صعبًا للغاية، لكنها شعرت بأنه من الضروري أن تشارك معاناتها لتساعد الآخرين في تجاوز آلامهم.
مما جعل الإعلامي سعيد جميل، أن يحرر محضرا بمباحث الانترنت وتقدم بشكوى الى نقيب الإعلاميين ضد الإعلامية ريهام سعيد وقناة النهار بسبب حلقة برنامجها صبايا الخير مع طليقته الفنانة راندا البحيري بسبب تطرق الحلقة الى الخوض في أمور خاصة بقضايا متداولة امام محكمة الأسرة
جامعة أسيوط تشهد محاضرة ”مفهوم وأبعاد الأمن القومي" ضمن دورة التربية العسكرية