كشف تفاصيل صادمة عن حياتها.. سعد الصغير يواصل هجومه على بوسي

متابعة بتجــرد: حلّ الفنان الشعبي سعد الصغير ضيفاً على برنامج “العرّافة” الذي تقدّمه الإعلامية بسمة وهبة على قناة “النهار”، حيث فتح النار على المطربة بوسي متهماً إياها بالتسبّب في حبس طليقها الراحل السابق وليد الفطين، بجانب الحديث عن تعدّيها بالضرب على الأخير.

وقال الصغير: “بوسي جابت فطين وربطته وضربته بالشبشب على وجهو، وكلنا شاهدين إنها هي اللي حبسته، وكان معانا الليثي والسبكي، شريف فشوار، وغيرهم، وكنا قاعدين واعترفت إنها هي اللي حبسته”.

وعن تدخله في مشكلة بوسي مع والدها الراحل، قال سعد الصغير: “قلت لوالدها أنت تسببت في إيذاء بوسي، ما كنتش لاقية تاكل وأنت بتروح تسهر والواحد مش عاوز يتكلم، وكنت عاوز أصالحها معاه”.

وأضاف الصغير: “أبوها غلط في حقها، لكن ما كانتش بتبعت له جنيه، ولا كانت بتدّي لإخواتها حاجة، واشتريت له بـ250 ألف جنيه تكييف وشاشات وغيرها وذلك من تبرع فاعل خير، لأنه كان بيعيش في خرابة، ولو هي تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدّينا الحاجة اللي جبناها لأبوها”.

واختتم سعد الصغير حديثه بالقول: “والد بوسي ظهر معي في البرنامج لأني أنا اللي كنت بجيله، والمصحف ما كانت بتكلّمه كان عاوز 4 آلاف جنيه عشان يعمل عملية في عينيه وأستاذ عمرو الليثي اللي عملهاله، وعلاقتي ببوسي بدأت من سنوات طويلة، وأنا اللي جبت لها أغنية “آه يا دنيا” من أمينة… الأغنية كانت بتاعة المطربة الشعبية أمينة، وكان في مشاكل بينها وبين محمد عبدالمنعم وجبت لبوسي الأغنية بناءً على طلب محمد عبدالمنعم”.

main 2024-03-18 Bitajarod

المصدر: بتجرد