بعد إحالته لمستشفى الأمراض النفسية.. ننشر أقوال المتهم بقتل دجال بشبرا الخيمة
تاريخ النشر: 17th, March 2024 GMT
قررت محكمة جنايات شبرا الخيمة، إيداع فني الوميتال قتل دجال عمدا لمستشفى الأمراض النفسية والعقلية، لفحص حالته النفسية وبيان مدي قواة العقلية وقت ارتكاب الجريمة، وذلك لمدة 45 يوما، وحددت جلسة اليوم الثالث من دور شهر مايو المقبل لاستلام التقرير.
حصل موقع "الفجر" على نص أقوال المتهم "محمد.م.ز" 24 سنة فني ألوميتال، بقتل دجال بشبرا الخيمة، وذلك بعدما لجأ إليه بعد رؤيته لأشباح وجن في المنزل، فذهب إليه واعطاه مشروب فساءت حالته لأسوأ مما دفعه للتخلص منه لفك العمل.
في السطور التالية سنعرض أقوال المتهم أمام النيابة العامة:
س / ما هی تفصیلات إقرارك بتلك الواقعة؟
ج / هو اللى حصل إنى أنا بشتغل بتاع ألوميتال وكنت فى شغلى من حوالى سنة ونصف، وأنا شغال على السقالة شفت زی خیال بسببه، وقعت من على السقاله وأنا شغال وفضلت أتعالج حوالى 3 شهور بسب الوقعة دي وفى خلال المدة دى حصلت مشكله بينى وبين أبويا وأمى وبسببها سابوا البيت وفضلت قاعد لوحدى أنا وأخويا، ومن ساعة ما بدأت القعدة لوحدى بدأت أشوف زى خيالات في البيت وبسمع أصوات غريبة، ومحدش يسمعها غيرى، وبدأت أشوف حاجات بتتحرك من مكانها وبدأت اشوف جنية في البيت بس مكنتش بتتكلم معايا.
وأكد المتهم: لما حكيت لأخويا قالي إنت ممكن يكون بيتهالك عشان مش ترتاح، وعلى طول في الشغل وبعدين قابلت واحد جارى فى المنطقة وحكيت له على اللى بيحصل معايا قاللي في واحد هنا اسمه عم وليد بيعالج الحاجات دى بالطرق الروحانية، وشغال في الأعمال وفعلا اتفقت معاه وجاللي البيت لوحده وبدأ يحكيلي إنه شغال في الأعمال من زمان، وقالي إنت عليك مس شيطاني، وأنا لسه كنت بعالج واحدة زيك كده والحمد لله بقيت كويسة وطلب منى كوباية مايه وبدا يقرأ عليها في سره وبيقول كلام أنا مش سامع منه حاجة، وبعدين قاللى اشربها وفعلا أنا شربتها، وبعد لما شربتها طلب منى ورقه وقلم، وقاللى إنت هاتجيب ليا ملح وميه ورد ومسك وحاجات تانية أنا مش فاكر هى إيه.
وذكر فني ألوميتال: قالي يا بندق إنت لازم تفضل تصلي ولو بطلت صلاة الحاجات دي هتفضل تزيد وبعدين مشي، وأنا حسيت اني مش مطمنله ومش هروحله تاني، وبعدين الجن بدأ يظهر ثاني من بعد ما أبويا وأمي رجعه البيت ثاني، وبعدين بقت بشوفه في صوره جن عندنا في البيت، ومحدش بيكون شايفه غيري وبعدين الموضوع بدأ يزيد معايا، وبقيت بحلم بكوابيس مستمرة ييظهر لي فيها وليد ومعاه تعابين سوداء وكلاب شرسة بتموتني في الأحلام، وفضلت علي كده لمدة كبيرة كل شوية بشوفه وبسمع صوته وبيطلعلي في الأحلام، وكل ده حصلي والموضوع زاد معايا من ساعة ما قابلته وشريني المياه اللي قرالي عليها دي.
وأشار المتهم: بعد كده الموضوع بدا يدخل معايا في إهانات ليا ولأهلي منه لما كان بيظهر لي في البيت، وكان بيقولي والدتك ست مش كويسة وأبوك راجل مش محترم وبيشتموني بأمي، لحد ما أنا جبت أخري وبعدين فضلت أدور على النت في الأعمال والجن والحاجات دي، وعرفت إن لو اللي عمل العمل ده مات بينفك.
وذكر: يوم السبت الموافق ۲۰۲۲/۱۲/۲۱ نحو الساعة ٨:٣٠ كده أنا قررت إنى هروح لوليد ده البيت وأقوله يا تفكلي العمل ده يإما هموتك، وفعلًا جبت سكينة كبيرة من عندي في البيت ونزلت روحتله وخبط علي الباب وهو فتحلي، وطلبت منه يخرجلي بره عشان أتكلم معاه، وأقوله فكلي العمل اللي إنت عملتهولي عشان أنا مش عارف أعيش بسببك من يوم ما قابلتلك وعملتلي العمل في كوباية المياه اللي شربتها، هو في الأول طلعلي من ورا باب العمارة وكان قافل الترياس، وأنا لما فضلت أزعق وأطلب منه يخرج بره فعلًا دخل بيته، وقالي أنا هغير هدومي وأطلعلك دلوقتي روح البيت وأنا جايلك أشرب معاك كوبيتين شاي، وأحللك القصة دي أنا رفضت أروح البيت وقولتله اطلعلي دلوقتي قدام البيت.
وأضاف: وفعلًا طلعلي قولتله فكلي العمل ده قالي يا بني عمل إيه أنا معملتکش أعمال فروحنا مسكنا في بعض وزعقنا وضربته وبعدين لما فضل عامل فيها عبيط وبيقولي أنا معملتكش حاجة، روحت مطلع السكينة من جنبي اليمين و=قولتله يا تفك العمل يا هموتك قالي أنا معملتلكش أعمال امشي من هنا، روحت مديلة بالسكينة في صدره ناحية الشمال كده وراح واقع على الأرض والدم كان في كل حته وأول ما شوفته بيموت روحت خدت السكينة وجريت روحت على الكورنش أول حاجة رميتها في النيل وبعدين قفلت موبايلي عشان محدش يعرف يوصلي، وروحت استخبيت في حته في الشارع في منطة الفرناوني في شبرا الخيمة، وبعد ما عدي يوم وأنا حسيت إني ارتحت بعد ما هو مات، والعمل فك اتصلت بأخويا أطمن عليه قالي يا بندق تعالى سلم نفسك.
المصدر: بوابة الفجر
كلمات دلالية: محكمة جنايات جنايات شبرا الخيمة فی البیت
إقرأ أيضاً:
الإعدام شنقا لنجار قتل شقيقه بسلاح أبيض بشبرا الخيمة
قضت محكمة جنايات شبرا الخيمة، الدائرة الثانية مستأنف، برئاسة المستشار أشرف فتحى حلمى ويصا، وعضوية المستشارين تامر عادل عمارة حجازى، ومدحت مجدي محمد عبد اللطيف، وأحمد مصطفي أبو طالب، وأمانة سر محمد شهاب، بالإعدام شنقا لنجار.
وذلك بعد رد فضيلة مفتي الجمهورية بإبداء الرأى الشرعي في إعدامه للمرة الثانية، وذلك بعد قبول الحكم المستأنف الذي صدر عليه بالإعدام شنقا قبل ذلك، لاتهامه بقتل شقيقه بسلاح أبيض وسرقته، بدائرة قسم ثان شبرا الخيمة بمحافظة القليوبية.
وتضمن أمر الإحالة الخاص بالقضية رقم 29115 لسنة 2023 جنايات قسم ثان شبرا الخيمة، والمقيدة برقم 2700 لسنة 2023 كلي جنوب بنها، أن المتهم "مصطفى م ع"، 21 سنة، نجار، مقيم شارع عزبة العرب بهتيم، ثان شبرا الخيمة، لأنه في يوم 2 / 5 / 2023، بدائرة قسم شرطة ثان شبرا الخيمة محافظة القليوبية، قتل عمدا مع سبق الإصرار المجني عليه أحمد محمود عبد القادر.
وتابع أمر الإحالة، أنه أوعز الشيطان للمتهم الخلاص من شقيقه فكفر بالفطرة الإنسانية وبذوي الأرحام وعقد العزم وبيت النية على قتله وأعد لهذا الغرض أداة بطشه سلاح أبيض "سكين" وما أن ظفر به حتى سدد له طعنات قسية بالسلاح المار بيانه استقرت بجيده وصدره وبطنه قاصداً من ذلك إزهاق روحه ولم يردعه فراقه فأحدث به الإصابات الموصوفة بتقرير الصفة التشريحية المرفق بالأوراق، والتي أودت بحياته على النحو المبين بالتحقيقات.
وأشار أمر الإحالة، أنه قد ارتكبت تلك الجناية بقصد ارتكابه لجنحة سرقة إذ أنه في ذات الزمان والمكان سرق المنقول والمبلغ المالى المبينين وصفا وقدراً بالأوراق والمملوكين لذات المجني عليه من داخل مسكنه وذلك على النحو المبين بالتحقيقات، كما أنه أحرز سلاح أبيض "سكين" بدون مسوغ قانوني من الضرورة المهنية أو الحرفية.
لضبط الأسعار وتوفير السلع.. وزير التموين يفتتح سوق اليوم الواحد بحلوان