(رمضان كريم)

شهر رمضان شهر كريم وشهر كله خير، لكن إزاى نعلم ولادنا تعاليم الشهر الفضيل؟

١- علموا أولادكم قراءة جزء من القران يوميًا قدر استطاعتهم.

٢- علموا أولادكم سماع بعض القرآن من الراديو.

٣- علموا أولادكم بعض الأذكار الصباحية والمسائية.

٣- علموا أولادكم صلوات النوافل إلى جانب الفروض مع التراويح.

٤- علموا أولادكم أن الصيام مش بس عن الأكل، والشرب لكن كمان عن كل سيئ من الكلام والسلوك وغيره.

٥- علموا أولادكم أن رب رمضان هو رب كل الشهور، وأن العبادة تستمر فى أى وقت فى العام.

٦- مفيش مشكلة من تعليق الزينات الرمضانية الجميلة المبهجة والمنيرة والفوانيس للأطفال والخيامية المميزة.

٧- مفيش مشكلة من متابعة برامج، أو مسلسلات هادفة، ومناسبة مش أى حاجة تكون مضيعة للوقت.

٨ - أغانى رمضان القديمة الجميلة، وبرامج الأطفال والبرامج الدينية من الحاجات المميزة اللى بتسعد أبناءنا، وتشجعهم على التوازن بين العبادة والتواصل فى الحياة بطريقة مناسبة.

٩- ممكن يوميًا تحكى لطفلك قصة من قصص الأنبياء بطريقة بسيطة تناسب عمره وإدراكه.

١٠- مفيش مشكلة من متابعة برامج رمضانية مضحكة كالكاميرا الخفية، والفوازير المهذبة مع مراعاة عدم وجود ألفاظ أو مشاهد غير لائقة بها.

١٠- علموا أولادكم إخراج الصدقات، والزكاة حتى ينمو لديهم شعور العطف على المحتاجين.

وكل عام وانتم بخير.. رمضان كريم.

المصدر: الأسبوع