إنجي شرف مقدرش أقول أن الفن حرام.. واللي بتلبس حجاب وتعتزل وترجع تاني مهزوزة نفسيًا
تاريخ النشر: 16th, March 2024 GMT
علقت الفنانة المعتزلة إنجي شرف، على انتقادات اعتزالها الفن، بجانب الكشف رأيها في تحريم الفن وارتداء الفنانات الحجاب واعتزالهن الفن وعودتهن مرة أخرى بعد خلع الحجاب، ودور نقابة المهن التمثيلية في تشغيل الفنانيين.
إنجي شرف ضيفة برنامج المنسي
وقالت إنجي شرف، في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي": أتقال أني اعتزلت الفن علشان هتجوز أو علشان الفن حرام، وأنا بتضايق من الكلام ده، الفن رسالة وهو مراية المجتمع وثقافة، وأنت تقدم حاجة حرام أو لأ دي بتاعتك، ولكن أنا عمري ما أقول كده على الفن ولا على زملائي وأنا وعيت على الدنيا لاقيت نفسي ممثلة.
وتابعت: اللي بتعتزل وتلبس الحجاب وترجع تقلعه وترجع للفن بتبقى مهزوزة نفسيًا، أو بتبقى في قصة حب وحد ضاغط عليها علشان تعتزل، وكل واحد مسئول عن تصرفاته بدليل أنهم بيرجعوا تاني، وممكن يكون حد مر بتجربة صعبة وفي الآخر إحنا بشر خطائين.
وأضافت: دكتور أشرف زكي تواصل معايا لما أعلنت قرار اعتزالي، وقالي هو ده قرار فجأة ولا فكرتي؟ قالي طيب هقعد معاكي ونتكلم ولكن متقابلناش.
أما عن دور نقابة المهن التمثيلية في تشغيل الفنانيين، فعلقت إنجي شرف: للأسف النقابة مبتجبش شغل للفنانيين، وناس كتير جدًا جالها إكتئاب وظروفهم المادية مش أحسن حاجة ومش عارفين يصرفوا على ولادهم، وكان بيوت كتير أوي مفتوحة زمان ودلوقتي ناس بتقعد بالـ 5 سنين في البيت حتى المؤلفين والمخرجين والناس متضايقة، لازم النقابات تدعم الناس دي ومينفعش يكون اللي بيمثلوا 15 أو 20 حد والباقي قاعد في البيت، المفروض أن الدولة معترفة بيا أني ممثلة أنا قاعدة في البيت ليه؟.
وأردفت: أنا عندي بيزنس تاني علشان مش عايزة أشتغل حاجة مبقاش مقتنعة بيها، وأنا واخدة الفن هواية ومش عايزة أبقى بشتغل علشان الفلوس، والمفروض النقابة يكون في بينهم تعاون وبين المخرجين والمنتجين الجداد، في ناس كتير كبار قاعدين في البيت ومبيعرفوش يعملوا حاجة غير التمثيل، أتمنى يكون في مراعاة للنقابة.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الفجر
كلمات دلالية: برنامج المنسي نقابة المهن التمثيلية إنجي شرف فی البیت إنجی شرف
إقرأ أيضاً:
من الألم إلى المجد.. رحلة بيج رامي مع جبر ربنا
تابع أحدث الأخبار عبر تطبيق
في قصة مليئة بالتحديات والآلام، بدأ الكابتن "بيج رامي" بطل كمال الاجسام العالمي رحلته من قاع الحياة ليصل إلى القمة، محققًا أحلامه وتجاوز الصعاب التي واجهته.
من العمل في الشوارع وتعرضه للطرد والرفض، إلى أن أصبح بطلًا عالميًا في كمال الأجسام، تروي هذه القصة عن جبر ربنا الذي تجلى في كل مرحلة من حياته بيج رامي يروي لنا كيف كانت البداية صعبة وقاسية، ولكنها كانت أيضًا نقطة انطلاقه نحو النجاح، وكيف أن إيمانه بالقدرة على التغيير كان هو ما دفعه للاستمرار في السعي وراء حلمه. رحلته تعكس قوة الإيمان والانكسار أمام الله، وكيف أن الحياة يمكن أن تتغير بفضل الأمل والإصرار.
قال بطل كمال الاجسام العالمي "بيج رامي"، في يوم م الأيام واحد صاحبي قاللي متيجي معايا التمرين وخدني معاه الجيم، وفي الجيم حصلت حاجه غريبه وهي إن شباب مصريين من الشرقية عرضوا عليا اشتغل في الجيم كـ حارس، وقالولى هنعلّمك التدريب لكن من غير فلوس مقابل إنك تبات في الجيم بدل النوم في الشارع .. وافقت وبقيت اشتغل 16 ساعة يوميا، لكن للأسف بعد أسبوعين الجيم ده قفل وصاحبه قرر يبيع الأجهزة والمُعدّات!
وتابع، اللي جه علشان يشتري الأجهزة واحد لبناني شافني وقاللي: "متيجي تشتغل معايا في الجيم بتاعي، قلتله ياريت .
في الوقت ده كان عندي يقين كبير ان ربنا هيجبرني وهيعوضني معرفش ازاي، بس مش هيسيبني، وفعلا اشتغلت عنده سنة كاملة لكن بأجر ودي كانت أول خطوة، مكنش ليا علاقة أساسا بالرياضه، لكن في الجيم اتعلمت التدريب ، وبعد شوية ربنا خد بايدى للخطوة التانية، في يوم بالليل قلت لنفسي ليه متلعبش كمال أجسام وتتمرن ؟
يمكن يكون ده باب رزق وإن ربنا عمل معايا كل ده علشان يجبرني آخد المسار ده ؟
وأضاف، بصوت عالي قلت " أنا هجرّب أشارك في ماتش وأكون لاعب كمال أجسام .. وفعلا!، كان في بطولة محلية لكمال الأجسام بعد 5 شهور في الكويت، فقررت إني أشارك فيها رغم ان مكنش ليا أي علاقة بكمال الأجسام ، وقعدت أتمرن ليل ونهار 5 شهور، ودخلت البطولة وكانت المفاجأه حصولي علي المركز الأول ودي كانت أول بطولة في حياتي، يومها مشيت في الشوارع اللي كنت بنام فيها وبكيت ورفعت وشي للسما وكلّمت ربنا، عنيا كانت بتمطّر دموع وببكى بحرقه لأنى كنت حاسس إنى مش هتوفق فى حياتى، لكن ربنا قاللي "أنا بطبطب عليك أهو" !، في اليوم ده قلت لربنا كلام كتير، والأبواب اتفتحت وفهمت الرسالة والحكمة وهي اني سافرت الكويت مش علشان اشتغل صيّاد أو عامل تراحيل لأ، ربنا ودّاني الكويت علشان الكفيل يطردني علشان أشتغل في جيم علشان أتعلم واحترف كمال الأجسام ،علشان يخليني بطل ابطال العالم .
وأكد بيج رامي، دي كانت تدابير ربنا وتخطيطه، في الأول بتكون قاسية لكن في نهايتها أسعد من خيال خيالك!
بعد البطولة دي تحديدا بدأت حكايتي ورحت بطولة المحترفين في أمريكا لأول مرة في تاريخ مصر ولفيت العالم وفزت بكل البطولات، وبقيت : بيج رامي!، انا لغتى مع ربنا هى: (الانكسار)، لما بروحله لازم أروحله مُنكسر، لأن علاقتى به قايمه على العطف .. هو دائما يعطف عليّ ويحنو عليّ، والانكسار بين ايدين ربنا ( عِز) . . وأنا بينى وبين ربنا حكايات».
فريدة سيف النصر: الست لو عدت الـ 60 سنة من حقها تقلع الحجاب شرعًا