إنجي شرف: أخدت قرار اعتزالي في لحظة إحباط
تاريخ النشر: 16th, March 2024 GMT
حلت الفنانة المعتزلة إنجي شرف، ضيفة في أحد البرامج الرمضانية الشهيرة، والذي كشفت خلاله العديد من الأسرار الشخصية والفنية، وأسباب اعتزالها الفن.
تحدثت الفنانة المعتزلة إنجي شرف، عن قرار اعتزالها للفن، مؤكدة أن الأعمال التي عُرضت عليها قبل اعتزالها كانت أقل إمكانياتها الفنية، بجانب عدم قدرتها على التأقلم مع المنتجيين الحاليين.
وقالت إنجي شرف، في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي": بقالي سنة بفكر في الاعتزال، وعلشان أكون صريحة كانت لحظة إكتئاب وإحباط في أني مؤخرًا مش بعمل كل اللي عايزاه، والأدوار اللي بتجيلي بنتقي منها وحاسة أنها أقل من إمكانياتي، ده مش غرور مني ولكن أنا وقفت مع نجوم كبار جدًا وكنت من أصغر الناس اللي عملت بطولات.
وتابعت: مش عارفة ليه الحظ كده ويمكن علشان الإنتاج قل شوية، والفكرة مش في مساحة الأدوار ولكن العمل كـ كل مبيببقاش أحسن حاجة بالنسبة ليا، وبنلاقي نفسنا اللي بينتج حد تاجر وبيبقى شغال في أي حاجة زي أنه بيكون مقاول مثلًا وقرر أنه ينتج علشان شايف أن الإنتاج هيجيب له فلوس، بالتالي الشغل والورق والتصوير بيكون دون المستوى.
إنجي شرف: أشتغلت مع ناس جامدة أويوأضاف: أنا اشتغلت مع ناس جامدة أوي ومش عارفة أتعامل مع اللي بيحصل، وحاسة أن الناس اللي بتنتج دي واخدين المهنة كتجارة ويلا هنخلص 15 حلقة في 9 أيام واقلب، وحسيت أن ده بيضيع اللي عملته ودي حاجات قليلة على إمكانياتي، وقولت أني أعيد حساباتي، وخدت قرار اعتزال التمثيل، ولكن ممكن أطلع في البرامج أو أغني أو أقدم برنامج.
وأردفت: أبقى كدابة لو قولت موحشنيش التمثيل، ولكن أنا خدت القرار في لحظة إحباط، وإيه اللي هيحصل بعد كده الله أعلم، واتضايقت أن الناس قالت أني أعلنت اعتزالي علشان أطلع تريند، والحقيقة أني صليت الفجر وكنت محبطة جدًا ودعيت ربنا وحسيت أني عايزة أبعد عن كل حاجة وكتبت البوست بعد الفجر، وأنا لاقيت الدنيا مقلوبة ومكنتش أقصد ده.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الوفد
كلمات دلالية: إنجي شرف الفنانة إنجي شرف الفن بوابة الوفد إنجی شرف
إقرأ أيضاً:
أنباء عن انضمام إنجي المقدم للجزء الثالث من "كامل العدد"
انتشرت أنباء بشأن انضمام النجمة انجي المقدم للجزء الثالث من مسلسل “ كامل العدد” وذلك المقرر تصويره ٣ نوفمبر القادم.
ومسلسل" كامل العدد" من بطولة دينا الشربيني، شريف سلامة، إسعاد يونس، أحمد كمال، تميم عبده، أحمد عبدالوهاب بدرة، ميران عبدالوارث، جيسيكا حسام الدين، حمزة دياب، لينا صوفيا، مالك عماد، وغيرهم من الشباب، ومن تأليف رنا أبو الريش ويسر طاهر وإخراج خالد الحلفاوي، إنتاج شركة إيجل فيلميز لـ جمال سنان.
والجدير بالذكر أن آخر أعمال انجى المقدم فى الدراما مسلسل "الاختيار 2" بطولة كريم عبد العزيز وأحمد مكي والذي تم عرضه عام 2021، وبعدها ظهرت كضيفة شرف فقط خلال مسلسل "راجعين يا هوى" مع خالد النبوي في 2022، رغم أنها كانت دائمة التواجد في الدراما على مدار السنوات الماضية.
موسكو: الاتحاد الأوروبي في طليعة الأطراف المعرقلة لعمل الصحفيين