مها أحمد تنهار من البكاء بسبب ابنها من ذوي الهمم: «عمري ما طلبت له فلوس»
تاريخ النشر: 16th, March 2024 GMT
انهارت الفنانة مها أحمد، بالبكاء خلال حديثها لأول مرة عن مرض نجلها من ذوي الهمم قائلة: «أنا عندي أحمد ابني من ذوي الهمم، وبدخل أفك الهدايا اللي بكسبها وأطلعها لذوي الهمم بس مش لازم أقول كده».
معاناة ابن مها أحمدوقالت «مها» خلال استضافتها ببرنامج «أسرار» مع الإعلامية أميرة بدر المذاع على قناة النهار: «أحمد ابني من ذوي الهمم، والسبب في اللي حصله كان دكتور عمل خطأ طبي، ومقاضيتش الدكتور لأنه مش هيرجعلي مخ ابني لأنه نقص أكسجين، والسبب وأنا بولد إن الدكتور شده بالشفاط، وبعدها خرجني ولدت في أوضة قيصري، ولو كنت قلت ساعتها عمرهم ما هيقولوا الحقيقة اللي حصلت جوه أوضة العمليات، وهو بالنسبالي الحياة وممكن ربنا يكون عمل كده عشان ادخل الجنة، أنا وجوزي من غير ما نتعب في الدنيا».
وأضافت: «ابني لحد دلوقتي تعبه متعة وراحة بالنسبالي، أنا مش بعيط عشان احمد كده، ولكن أحمد مالوش ذنب في كده، لأنا لما كان ابني بيرجّع كنت بدوق الترجيع، عشان طريقة الدواء كده فا بدوق عشان اعرف ده الدوا ولا لا، لأن دي سموم».
مرض ابن مها أحمدوتابعت: «وأنا نازلة لازم أحكيله ولو ضحك بعرف أن كده الموضوع اللي رياحة اعمله هيمشي، وأي مكان بروحه باخده معايا، ومجدي جوزي بيروح يشوف مكان مناسب عشان يبقى ينام فيه، واللي الناس متعرفش أني كل سنة بدخل بيه المستشفى عشان عنده نقص حديد ومحدش يعرف حاجة غير أهلي، وعمري ما طلبت لا من النقابة ولا أي حد فلوس، ولا سعيت أني أجيبله معاش زي ما الرئيس عامل للأطفال ذوي الهمم، ولو بتاجر بابني كان زماني في كل بلد شوية».
وأردفت: «هفضل اشتغل ع تيك توك، ولو جالي شغل في منصة هشتغل، ودخلت الجنة وأنا في الدنيا، مش بعيط عشان اللي حصل لابني ولا أنه معيوب، لو من عند ربنا عادي لكن لما يبقى خطأ طبي ده اللي بيزعل، أانا في الجنة هسمع منه يا ماما وهجوزه في الجنة وربنا واعدنا في كده، ولكل أم ابها كده اصبري هتشوفي هيبقى إزاي في الجنة».
المصدر: الوطن
كلمات دلالية: مها أحمد ذوي الهمم من ذوی الهمم مها أحمد
إقرأ أيضاً:
الراقصة دينا: ابني يعيش المساكنة
أثارت الراقصة دينا الجدل بعدد من التصريحات الجريئة أثناء استضافتها في برنامج "الفصول الأربعة"، فقد كشفت عن مدى قبولها لفكرة "المساكنة".
وقالت دينا، في البداية، إنها ليست ضد "المساكنة" قبل الزواج، وحاليا يعيش ابنها "علي" حالة من المساكنة مع إحدى صديقاته في الخارج.
فيما عادت وأشارت دينا، إلى أنها لا تقبل فكرة تطبيق المساكنة على نفسها كونها امرأة، إذ قالت: "أنا لا أقبل أن أعيش حالة مساكنة، فهناك أمور كثيرة تحق للرجل ولا تحق للمرأة، والبنت هي من تتأذى جراء هذه العلاقة".
وأضافت: "أنا لا أؤيد المصاحبة بين الرجل والمرأة، فليس لدي مشكلة في الزواج أكثر من 10 مرات، فهو ليس عيباً أو حراما، ولكن لا أقبل أن أصاحب رجلاً لا تجمعني به علاقة رسمية وشرعية".
وأكدت أنها تزوجت 9 مرات في حياتها، لافتة إلى أن أغلب هذه الزيجات باءت بالفشل بسبب عدم تقبل أزواجها لفكرة أنها راقصة، ورفضهم للرقص بعد الزواج، متابعة: “أنا مضحكتش عليهم وقلت لهم إني شغالة ممرضة”