مها أحمد: مرض ابني بسبب خطأ طبي
تاريخ النشر: 16th, March 2024 GMT
علقت الفنانة مها أحمد، على لأول مرة على مرض نجلها من ذوي الهمم، قائلة: "انا عندي أحمد ابني من ذوي الهمم، وبدخل افك الهدايا اللي بكسبها وأطلعها لذوي الهمم بس مش لازم اقول كده".
وقالت مها أحمد، خلال استضافتها ببرنامج "أسرار" مع الإعلامية أميرة بدر المذاع على قناة النهار: "احمد ابني من ذوي الهمم، والسبب في اللي حصله كان دكتور عمل خطأ طبي، ومقاضيتش الدكتور لانه مش هيرجعلي مخ ابني لأنه نقص اكسجين، والسبب وانا بولد ان الدكتور شده بالشفاط، وبعدها خرجني ولدت في اوضة قيصري، ولو كنت قلت ساعتها عمرهم ما هيقولوا الحقيقة اللي حصلت جوه اوضة العمليات، وهو بالنسبالي الحياة وممكن ربنا يكون عمل كده عشان ادخل الجنه انا وجوزي من غير ما نتعب في الدنيا".
وأضافت مها أحمد، قائلة: "ابني لحد دلوقتي تعبه متعة وراحة بالنسبالي، انا مش بعيط عشان احمد كده، ولكن أحمد مالوش ذنب في كده، انا لما كان ابني بيرجّع كنت بدوق الترجيع، عشان طريقة الدوا كده فا بدوق عشان اعرف ده الدوا ولا لأ لان دي سموم".
وتابعت مها أحمد، قائلة: "وانا نازلة لازم احكيله ولو ضحك بعرف ان كده الموضوع اللي رايحة اعمله هيمشي، وانا اي مكان بروحه باخده معايا ومجدي جوزي بيروح يشوف مكان مناسب عشان يبقى ينام فيه.
وتابعت، واللي الناس متعرفوش انى كل سنة بدخل بيه المستشفى عشان عنده نقص حديد ومحدش يعرف حاجة غير أهلي، وعمري ما طلبت لا من النقابة ولا اي حد فلوس، ولا سعيت اني اجيبله معاش زي ما سيادة الرئيس عامل للأطفال ذوي الهمم، ولو بتاجر بابني كان زماني في كل بلد شوية".
وأضافت مها أحمد، قائلة: "هفضل اشتغل ع تيك توك، ولو جالي شغل في منصة هشتغل، وانا دخلت الجنة وانا في الدنيا، مش بعيط عشان اللي حصل لابني ولا أنه معيوب، لو من عند ربنا عادي لكن لما يبقى خطأ طبي ده اللي بيزعل، وانا في الجنة هسمع منه ياماما وهجوزه في الجنة وربنا واعدنا في كده، ولكل ام ابنا كده اصبري هتشوفي هيبقى ازاي في الجنة".
برنامج “أسرار” تقدمه الإعلامية أميرة بدر، على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الوفد
كلمات دلالية: الفنانة مها أحمد مها أحمد ذوى الهمم قناة النهار الإعلامية أميرة بدر برامج رمضان تيك توك ذوی الهمم مها أحمد
إقرأ أيضاً:
سهر الصايغ: فيه ناس بتدعي عليا بسبب برنسة في حكيم باشا
كشفت الفنانة سهر الصايغ عن كواليس دور "برنسة" في مسلسل "حكيم باشا" الذي قدمته مع الفنان مصطفى شعبان في رمضان 2025، وموقف الجمهور منها في أدوار الشر.
وقالت سهر الصايغ خلال مداخلة هاتفية ببرنامج «واحد من الناس» مع د. عمرو الليثي: "دوري خلال أحداث المسلسل شرير، وأنا قدمت ما هو مكتوب في الشخصية والتزمت بها، فهو دور مهم خلال أحداث المسلسل".
وأضافت: "كنت أخشي ألا يتم قبولي من المشاهدين بسبب أنني لم أقدم أدوار شر سابقة، والشخصية مكتوبة بشكل جيد جدا، جعلني أقبل دور الشر".
واستكملت: "بيني وبين مصطفي شعبان كيميا في مجال التمثيل وتعاون وتفاهم كبير وهو ليس أنانيا، يعطي لكل فنان حقه ويدعم الجميع".
وتابعت: "مشهد القاء قشر اللب وأمر زوجاته بازالته وتنظيف المكان، دي فكرة مصطفي شعبان، وبعد شخصية برنسة خلال»حكيم باشا«، وجدت ناس تدعي عليا، ولكنني أحببت الشخصية، واتمنى تكرار تقديم شخصيات شريرة خلال أعمال أخرى".
أبطال مسلسل حكيم باشا
يناقش المسلسل قضايا تجارة الآثار في إطار درامي مشوق، وينتمي إلى الأعمال الصعيدية التي تتصدر المنافسة الرمضانية هذا العام.
ويشارك في بطولة العمل نخبة من النجوم، أبرزهم: مصطفى شعبان، سهر الصايغ ، رياض الخولي، سلوى عثمان، دينا فؤاد، محمد نجاتي، ميدو عادل، أحمد صيام، فتوح أحمد، هاجر الشرنوبي، هايدي رفعت.