طارق عبدالحليم: مصطفى كامل غير كلامه ومقعد ناس كتير في البيت
تاريخ النشر: 15th, March 2024 GMT
حل الفنان طارق عبدالحليم ، ضيفًا في أحد البرامج الرمضانية الشهيرة، والذي كشف خلاله العديد من الأسرار الفنية والشخصية.
أعرب المطرب طارق عبدالحليم، عن استيائه بسبب حصول مطربين المهرجانات الشعبية على تصاريح من نقابة المهن الموسيقية، مؤكدًا أن النقيب مصطفى كامل، لم يلتزم بخطته الانتخابية.
وقال طارق عبدالحليم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": أنا لو نقيب المهن الموسيقية مكنتش هدي تصريح لحمو بيكا ومؤديين المهرجانات لأنك بتموت صناعة، بسبب الشغل بالفلاشة ده بيضع شغل الفرقة، وقالوا يبقى معاك 8 عازفين وبتوع المهرجانات بقوا ياخدوا معاهم 8 من بتوع الدُف علشان يعدوا الممنوع، وهما يبمثلوا مبيعزفوش والفلاشة بتبقى شغالة، وأنا رافض أشتغل لغاية دلوقتي بالفلاشة.
طارق عبدالحليم: أنا لو نقيب الموسيقيين مش هدي تصريح لحمو بيكا ومؤديين المهرجانات
وتابع: بقوا بيستسهلوا ويقولوا بدل ما تيجي فرقة موسيقية هات فلان بيشتغل بفلاشة على طول، مفيش حاجة اسمها كده ما هو الغنا مش مهنة من لا مهنة له، وماحدش يقولي أكل عيش ربنا هو الرزاق، وأنا وصلت رأيي للنقابة، والموضوع بقى كتير أوي وأنت مقعد فرق كتير في البيت.
وأضاف: أنا بسمع كلام أثناء الحملة الانتخابية وبشوف ردود فعل تانية بعد النجاح، اتقال أن مفيش مطربين مهرجانات طول ما أنا موجود وبناء عليه اديتك صوتي، لكن لما ألاقي بعد كده بيتعمل لهم شعبة وأداء صوتي وكده بقوا في النقابة بتصريح رسمي سنوي.
واستكمل: بتقول أن هما بيدخلوا للنقابة دخل، طيب في قد إيه من النقابة أنت قعدتهم في البيت، أنا بتكلم على جيل مبقاش موجود زي إيهاب توفيق وهشام عباس وعلاء عبد الخالق الله يرحمه، إحنا عندنا تنافر غير عادي وغير مسبب.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الوفد
كلمات دلالية: طارق عبدالحليم مصطفى كامل النقيب مصطفى كامل نقابة المهن الموسيقية المهن الموسيقية
إقرأ أيضاً:
شاهد.. أخر لقاء قبل وفاة أحمد رفعت (فيديو)
أعلن نادي مودرن سبورت وفاة أحمد رفعت لاعب الفريق الأول ومنتخب مصر وذلك بعد تدهور مفاجئ في وضعه الصحي لينقل على إثره المستشفى.
وكان اللاعب قد ظهر إعلاميا للمرة الأخيرة قبل وفاته في برنامج الكورة مع فايق واللي يذاع عبر قناة إم بي سي مصر الفضائية.
كان يرغب في استكمال مسيرته الكرويةوذكر الراحل في تصريحه رغبته في استكمال مسيرته الكروية والذي جاء تصريحه كالاتي: "" أرغب في استكمال مسيرتي الكروية لأن سني لسه صغير وأقدر أعمل ده، والدكتور قالي هرجع ألعب كرة تاني. "
الإنسان يتبقى منه السيرة فقطوعلق الراحل على حادثة سقوطه في الظهور الأخير قبل الوفاة: "أي بني آدم لازم يبقى فاهم إنه في لحظة ممكن ميبقاش موجود، مش هيبتقى غير إنك بني آدم كويس، إزاي بتتعامل، إزاي بتؤدي الحياة المطلوب تعملها، ومتكونش شخص مؤذي، وارد في أي وقت أي حد ميبقاش موجود، حصلت وأنا في الملعب وأنا بجري، مش حادثة مش مشكلة، أكتر بتفضل هي السيرة، واللي انت بتعمله في حياتك".
لمشاهدة فيديو الحلقة من الرابط التالي هنا
ويذكر أن اللاعب توفي بعد أزمة صحية كبيرة عانى منها بعد مباراة فريقه أمام الاتحاد السكندري في الحادي عشر من شهر مارس الماضي.