نجوى فؤاد من على فراش المرض: 6 شهور في عذاب.. ضيعت عمري بلاش

نشرت الإعلامية سهير جودة، عبر قناتها على موقع «يوتيوب»، فيديو للفنانة نجوى فؤاد في منزلها وهي مستلقية على السرير إثر معاناتها من مشكلة في العمود الفقري.

وتحدثت نجوى فؤاد عن معاناتها مع المرض بوجود مشاكل في الثلاث فقرات القطنية التي تقع أسفل الظهر، بين الفقرات الصدرية والعجزية وأنها أثرت على عصب القدمين.

نجوى فؤاد: لا أحد يتواصل معاها من الفنانين إلا الفنانة نبيلة عبيد

وأضافت أنه لا أحد يتواصل معاها من الفنانين إلا الفنانة نبيلة عبيد وصفية العمري: «محدش تاني سأل، ولا نقيب الممثلين سأل عني.. 6 أشهر وأنا بتعذب، ملناش معاش، تصوري عشان إحنا عشان موظفين بالقطعة فملناش».

وتابعت: «مفيش حاجة للفنان خالص، الواحد ضيع عمره ببلاش، وده قرار من الثقافة مش من أشرف زكي، ولينا كارت علاج نسبة ضئيلة جدا ده أنا لو جبت دواء لو دفعت 10 جنيه هما يدفعوا 3 جنيه مثلا».

نجوى فؤاد: الواحد ضيع عمره ببلاش

واستكملت: «مفيش حاجة للفنان خالص الواحد ضيع عمره ببلاش، وأشرف زكي بيقول المعاش تقريبا 600 جنيه في الشهر بقولوا أنا بديهم للبواب، ملقتش رد أرد عليه».

وختمت نجوى: «الرحمة من عند ربنا وأن المفروض يهتموا بالفنانين اللي أدوا كتير لأن احنا أخدنا ملاليم، لازم يعملوا حساب كده ويساعدوا الناس اللي مش قادرة تجيب مضاد حيوي عشان تتعالج».

المصدر: الوطن