عاجل.. أول تعليق من بيتر ميمي على الانتقادات الموجهة لـ "الحشاشين"
تاريخ النشر: 15th, March 2024 GMT
علق المخرج بيتر ميمي على الانتقادات الموجهة لمسليل “الحشاشين”، قائلا: "طيب كل سنة وانتم طيبين.. مع انى مكنتش حابب اتكلم علشان دول كلهم ٤ حلقات!
وأضاف: "مبدأيا المسلسل من وحي التاريخ وده مكتوب نصا فى التترات يعنى مش وثيقة تاريخية لكنه دراما تاريخية.. هو تارنتينو لما قتل هتلر فى السينما كان حقيقة؟ أو نابليون فى فيلم ريدلى سكوت الاخير هل ده نابليون اللى فى كتب التاريخ؟ ديه دراما تاريخية.
وتابع: “هل ده حسن الصباح؟ مفيش كتاب اتفق على حسن الصباح لان المغول حرقوا القلعة وكتبه وافكاره والمجهود اجتهاد… ماركو بولو أو فلادمير بارتول أو برنارد لويس أو فرهاد دفترى… وكتير جداحسن الصباح كان بيعمل معجزات؟ لا طبعا!!! وده تباعًا مع الحلقات هيتفهم”.
وأردف: “الحشاشين مسلسل تاريخي بالعامية المصرية.. الاحداث بيت اتراك وفرس.. لما عملوه الاتراك اتكلموا تركي ولما عملوه الامريكان بيتكلموا انجليزى.. احنا عاملينه فى مصر والترجمة موجودة فى كل بلد.. المسلسل بيتعرض فى روسيا وامريكا واكتر من بلد كل بلد بلغتها..هم الڤيكنجز كانوا بيتكلموا انجليزى؟ ولا ويليام والاس كان بيتكلم اللكنة الامريكية”.
ليه حسن الصباح؟ حسن الصباح شخصية فذة وغريبة ومستفذة انك تعرف عنها.. مش لازم يكون رمز للخير علشان يتعمله مسلسل.. هتلر وراسبوتين كانوا فى منتهى الشر لكنهم شخصيات فذة غيرت العالم.. أو على مستوانا المصرى خط الصعيد أو سفاح اسكندرية
حاجات صغيرة،
- ام الخليفة رصد كانت نوبية الاصل
- اسكندرية مدينة فى مصر.. لان فى مدن كتير باسم اسكندرية حوالين العالم.. لزم التوضيح للترجمة لان فيه غير مصريين بيتفرجوا على المسلسل
- مجاعة القاهرة الفاطمية مثبوتة تاريخيا لكن تعددت اشكالها حسب المصادر وهى على فكرة كانت قبل وصول حسن بفترة مش بعيدة بس ديه دراما (من وحي التاريخ)
- ماتسمى بمعجزات حسن الصباح مقصود تتصور بالشكل ده وده هيبان تباعا وخصوصا مشهد الراوي حلقة ٨
- عم ملك شاه اتقتل بوتر القوس لان ده كان عرف وتقليد
مين الست اللى بتظهر لحسن الصباح؟ ده فى حلقة ٣٠ بقى لو ربنا ادانا عمر..
كل سنة وانتم طيبين وسعيد ان المسلسل خلاكم تقروا وتسألوا.. وشوية شوية هتفهموا المسلسل.. صحصحوا معانا كده يا شباب خلونا نعمل شكل جديد.. وتبقى بداية ومع الوقت يتعمل افضل واكبر واحسن من اللى احنا عاملينه.. ومع الوقت ننافس …#سنغزو_العالم".
المصدر: بوابة الفجر
كلمات دلالية: الحشاشين مسلسل دراما بيتر ميمي حسن الصباح
إقرأ أيضاً:
عاجل| الرئيس السيسي يؤكد أهمية تعزيز أواصر التعاون بين مصر وقطر بمختلف المجالات
أكد الرئيس عبد الفتاح السيسي، على أهمية تعزيز أواصر التعاون بين مصر وقطر في مختلف المجالات، لا سيما عبر زيادة حجم التبادل التجاري وتعزيز الاستثمارات القطرية في مصر.
وجاء ذلك أثناء ترؤس الرئيس عبد الفتاح السيسي وأمير قطر تميم بن حمد آل ثاني، اجتماعا موسعا، ضم وفدي البلدين أعقبه جلسه مباحثات ثنائية بين الزعيمين.
ومن جانبه، صرّح السفير محمد الشناوي المتحدث الرسمي باسم رئاسة الجمهورية أن الرئيس سيتوجه بعد ذلك إلى الكويت، المحطة الثانية في جولته الخليجية، حيث تأتي هذه الزيارة تأكيدًا على عمق العلاقات الاستراتيجية بين البلدين الشقيقين، وحرصهما المشترك على توسيع آفاق التعاون الاقتصادي والاستثماري.
ومن المقرر أن يلتقي الرئيس في الكويت بشقيقه الشيخ مشعل الأحمد الجابر الصباح، أمير دولة الكويت، بالإضافة إلى الشيخ صباح خالد الحمد الصباح، ولي العهد، والشيخ فهد يوسف سعود الصباح، النائب الأول لرئيس الوزراء ووزير الداخلية ورئيس مجلس الوزراء بالإنابة.
اقرأ أيضاًتفاصيل لقاء الرئيس السيسي مع ممثلي مجتمع الأعمال القطري ودعوتهم للاستثمار بمصر
مراسم استقبال رسمية للرئيس السيسي بالديوان الأميري القطري
اقتحامات بأنحاء الضفة وهجمات للمستوطنين بأريحا وبيت لحم