ميدو: مصر لازم تساعد المدربين ياخدوا رخصة برو خصوصا حسام حسن
تاريخ النشر: 15th, March 2024 GMT
علق الكابتن احمد حسام ميدو على أزمة شيكابالا وحسن شحاته السابقة قائلاً: "بقول لحسن شحاته شيكابالا في النهاية ابنك ومش أنا اللي انصح كابتن حسن".
وقال كابتن ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "مينفعش لاعب عندي وأنا مدرب يشتمني رغم أن أنا راجل مسامح
ومنتمناش حد بقيمة كابتن حسن جمهور ناديه يشتمه
بس نفسي كابتن حسن شحاته يتخطى الأمور".
وأضاف كابتن ميدو قائلاً: "ممدوح عباس مش هو اللي بيحرك الزمالك، لكن كابتن حسين لبيب هو اللي بيقود وممدوح عباس بيساعد مادياً، وحسين لبيب رجل قوي ومدير".
واستطرد قائلاً: "إبراهيم كلمني بعد البودكاست قالي يخربيتك فضحتنا قلتله أنت فاكر الناس فاكراك مؤدب، ومحمد صلاح مش حاطط ابراهيم سعيد ف دماغه، هو بيقول كده عشان حلوة في الميديا عشان صلاح نجم كبير وفيه حاجات بتجيب مع الناس".
وتابع ميدو قائلاً: "رئيس الاتحاد بياخد فلوس من الاتحاد الدولي، لكن فيه مشكلة ان مفيش حد معاه رخصة برو عشان نحل مشاكلنا، وأنا مبحبش الكدب ولو كابتن علاء معاه البرو يطلعها وأنا اروح أبوس دماغه، وحسام حسن مش معاه رخصة برو ولازم ياخذها عشان يحضر الماتشات، ومفيش حد هينزل مع حد التوبة وكل واحد هينزل لوحده وأنا رجل بصلي وبعامل الناس باحترام ولو دخلت النار هزعل".
برنامج "أسرار" تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: صدى البلد
إقرأ أيضاً:
كلام فارغ وتحرش.. انفعال محمود حميدة على سؤال إنجي علي
انفعل الفنان محمود حميدة بسبب سؤال وجهته لها المذيعة إنجي علي في بودكاست جديد تقدمه مع نجوم الفن.
وردا على سؤال من النجمة التي ترغب في التعاون معها انفعل محمود حميدة ورفض صيغة السؤال وقال إن هذا السؤال "كلام فارغ" ويندرج تحت توصيف التحرش.
وأشار إلى أنه لا يجب توجيه مثل هذا السؤال لفنان مثلما لا يمكن توجيهه لطبيب أو أي مهنة أخرى.
تحدث النجم محمود حميدة عن دور زوجته في حياته، مؤكدًا على أنه لن يستطيع العيش بدونها.
وقال حميدة خلال لقاء له ببرنامج katchup with inji ali: مراتي أم بناتي سندي وضهري ومن غيرها مقدرش أعيش.. أموت يعني والست أقوى حاجة في الوجود.
وعن الأمور الخاطئة التي تربينا عليها من وجهة نظر محمود حميدة قال: احنا في حاجات كتيرة اتربينا غلط عليها زي إن الراجل ميعيطش، دا كلام فارغ، وزي أننا نتربى على أننا منعرفش نختار مع أن ربنا خالقنا عشان نختار.
فيما أكد حميدة أنه يعتز بجميع أعماله الفنية وقال: أنا اعتز بكل أعمالي، لأن الحمد لله كل عمل أخلصت له 100% وأنا عندي الإخلاص في العمل هو كل شيء، وأنا لو لقيت نفسي مش مخلص هأنب نفسي كتير، مقدرش اشتغل بدون إخلاص.
قبل انطلاقه غدا.. أعضاء لجنة تحكيم مهرجان SITFY-Georgia يصلون مطار تبيلسي