يوسف زيدان: «إسرائيل اتجننت وليست متحكمة في نوبل.. وكفاية موت للفلسطينيين»
تاريخ النشر: 14th, March 2024 GMT
رد الدكتور يوسف زيدان على اتهامه بالتطبيع، قائلًا: «واحد دمه خفيف نشر أخبار كده، فأنا قلت لهم خلاص أنا مستقيل، وقال لي رئيس اتحاد الكتاب، لا يا دكتور مفيش الكلام دا، ولا فيه تحقيق ولا حاجة، ودي حاجة غريبة جدًا».
وأضاف خلال لقائه ببرنامج «على المسرح»، المذاع عبر فضائية «الحياة»، مع الإعلامية منى عبد الوهاب، «كان عندي أمل حتى السنة الماضية إن ممكن الدنيا تهدى بين العرب عموما وبين الإسرائيليين، لكن بعد اللى حصل في هذه الشهور إسرائيل اتجننت، هما لو صبروا عليها شوية كانت هتتحلحل خالص، وكان فيه إمكانية للحل».
وتابع: «قلت ألف مرة قبل كده إن إسرائيل ليست متحكمة في نوبل، وإلا كانت أعطت هذه الجائزة للإسرائيليين، ومفيش عندي أي علاقات مباشرة ولا شخصية بيهم».
وأكمل: «لما أشوف إن الأجيال الفلسطينية، الناس اللي أنا بحبها وأصدقائي وقريبين مني بيموتوا جيل وراء جيل عشان فكرة الحق التاريخي، اللي يهمني كفاية موت بقى، كفاية موت مجاني، وكفاية دمار».
المصدر: الوطن
كلمات دلالية: يوسف زيدان الشركة المتحدة على المسرح منى عبد الوهاب قناة الحياة
إقرأ أيضاً:
مروة صبري تعلق على بكاء بوسي ببرنامج «عندي سؤال»: الكل تاجروا بيها
علقت الإعلامية مروة صبري على بكاء الفنانة والمطربة بوسي خلال لقائها ببرنامج «عندي سؤال»، الذي يقدمه الإعلامي محمد القس، عبر قناة «المشهد»، وذلك بعد توجيه سؤال لها عن والدتها لتكشف بوسي عن مرورها بظروف صعبة من بعد وفاتها.
وأكدت صبري، خلال برنامجها «قعدة ستات» المذاع عبر قناة اليوم، أن بوسي تعرضت للاستغلال من قبل ممن حولها معقبة: «كل اللي حوالين بوسي تاجروا بيها عشان هما يستفيدوا، بوسي اللي كلكلوا كنتوا بتتكلموا عليها ولأ دي مساعدتش أبوها دا حتى طليقها موقفتش معاها، انتوا تعرفوا حياتها؟ انتوا تعرفوا هي مرت بإيه؟ انتوا تعرفوا أبوها وطليقها عملوا فيها إيه؟».
واستكملت: «انتوا متعرفوش حاجة بتدخلوا تسألوا الطرف التاني عملت كذا ليه؟ سمعت من طرف وقلت لأ مينفعش وكم من الفنانين طلعوا وهاجموها وقالوا مش أصيلة وموقفتش مع أبوها، ومفيش الكلام دا، أنا أعرفها بشكل شخصي وهي من أنضف الشخصيات اللي ممكن تقابلوها في حياتكم».
أبرز تصريحات بوسي ببرنامج عندي سؤالوفي وقت سابق قالت بوسي، خلال لقائها ببرنامج «عندي سؤال»، الذي يقدمه الإعلامي محمد القس، عبر قناة «المشهد»: «حياتي صارت جحيم من بعد وفاة والدتي.. ناقصني السعادة والراحة، أنا أتبهدلت من بعد وفاة أمي التي ماتت وأنا في عمر 16 عامًا، ناقصني حنية وحب واهتمام، أمي كانت تعوضني عن هذه الأشياء، ولكن من بعد وفاتها اتبهدلت، كل البلاوي اللي حصلت في حياتي كانت من بعد موتها».
وتابعت بوسي، حديثها عن مدى افتقادها لوجود والدتها: «أمي كانت السند والضهر والحنية اللي في الدنيا، كانت معوضاني عن غياب أبويا، رغم أنه في الفترة دي كان لسه عايش».
وأضافت: «بعد كل المشاكل اللي شوفتها في حياتي كويس إني لسه ست بعقلي وبفكر، ولم الجأ للمهدئات أو الحبوب التي تساعد على النوم».
وتحدثت بوسي، عن تجربة زواجها الأول، موضحة أنها كانت من أسوء تجاربها حيث دفعتها هذه التجربة للتفكير في الانتحار، قائلةً: «في زواجي الأول وصلت لمرحلة من كتر اللي شوفته من بهدلة كنت ممكن أموت نفسي علشان أخلص من العذاب اللي كنت فيه».
الاتحاد يعسكر في دبي