أقوال مثيرة لزوجة المتهم بقتل ابن عمه في المنيب (خاص)
تاريخ النشر: 14th, March 2024 GMT
حصل موقع "الفجر" على أقوال زوجة المتهم بقتل ابن عمه بسبب شكه أنه سرق منه 4 آلاف جنيه، فاصطحبه لأرض خالية وقام بالتشاجر معه وعلى إثر ذلك طعن المتهم نجل عمه بسلاح أبيض أودى بحياته.
في السطور التاليه سنعرض أقوال "حنان محمد" 27 سنة ربة منزل، زوجة المتهم بقتل ابن خالتها في تحقيقات النيابةالعامة.
س: ما هي صلتك وعلاقتك بالمتهم علاء حسين حسن علي، تحديدًا ؟
هو جوزي
س: وما هي صلتك وعلاقتك بالمجني عليه سيد محمد حسن علي، إذا ؟
هو ابن عم جوزي وابن خالي
س: وما هي تفصيلات شهادتك تحديدًا ؟
اللي حصل ان انا كنت راجعه شقتي وأول ما دخلت المدخل لقيت سيد محمد حسن، الله يرحمه واقف قدام باب الشقة وأول ما شافني اتخض وارتبك وعمل نفسه بيخبط على باب الشقه ولما سألته انت واقف كده ليه، قالي انا بخبط علي علاء ومحدش بيرد قولتله علاء بره ولسه مجاش وحسيت إنه عامل حاجه فطلع هو شقته اللي في نفس العمارة بتاعتنا.
وانا بفتح باب شقتي لقيت الباب مفتوح اصلا مع اني كنت قفلاه بالمفتاح قبل ما امشی، وساعتها شكيت في سيد إنه دخل الشقة وخد منها حاجه ولما دخلت الشقه علشان اتأكد لقيت كل حاجه في مكانها والشقة مكنتش متبهدله وكلمت علاء جوزي وقولتله علي اللي حصل وجه من بره، وقالي إنه كان شايل فلوس 4000 جنيه في اوضة النوم ومش لاقيهم وقالي اكيد سيد دخل الشقة وخدهم بس انا معرفش إنه كان فيه فلوس اصلًا، وقالي انتي شوفتيه وهو معاه فلوس قولتله لا مشوفتش في ایده حاجه، راح طالع لعلاء شقته وقاله فين الفلوس، وانت دخلت الشقة وسرقت منها فلوس علاء رد عليه وقاله انا مخدتش حاجه ومدخلتش الشقة وأنكر وقعدو يتخانقوا بصوت عالي ويشتموا بعض.
واستكملت زوجة المتهم: جوزي قال لسيد تعالي ننزل الغيط اللي جنب البيت ونتكلم هناك بدل الفضايح دي وفعلًا نزلوا وراحوا الغيط وبعدها بنحو عشر دقايق لقيت علاء جوزي رجع وبيقولي انا ضربت سيد بإزازة واتعور قولتله ليه كده حرام عليك، وهو جراله ايه قالي مجر الوش حاجه اتعور تعويرة بسيطة قولتله طيب تعالي نروح نجيبه ونوديه المستشفى قالي لا ملكيش دعوه انتي انا هروح اجيبه، وراح علشان يجيبه ثاني من الغيط وركب توك توك من الشارع وانا نزلت الشارع وفضلت واقفه مستنياه يرجع لقيته راجع ومعاه سيد في التوك توك وبينزل دم من صدره ومغمي عليه ومبيتكلمش ركبت معاهم التوك توك وروحنا علي بيت ايمن اخو سید ونزلنا وركب معانا وعلاء جوزي قاله انا معرفش مين اللي عمل فيه كده وإنه لقاه مرمي في الغيط وطلعنا على مستشفي ام المصريين العام وهناك قالولنا ان سيد مات والمباحث جت خدت جوزي من المستشفي، وهناك انا قولت لأيمن علي كل اللي حصل وان علاء جوزي هو اللي ضرب سيد وعوره وقولتهلم في المباحث علي كل اللي حصل وهو ده كل اللي انا اعرفه عن الموضوع.
س: ما قولك فيما ثبت بمناظرة النيابة العامة لزوجك المتهم علاء حسين، من وجود اثر ( خدش ) بجوار العين اليسري ؟
الخدش ده كان حصله قبل الواقعة بيوم علشان كان بيشيل الثلاجة بتاعتنا في البيت واتخبط في سن باب الثلاجة وهو شايلها.
س: وما قولك فيما أقر به زوجك المتهم سالف الذكر بتحقيقات النيابة العامة من ان تلك الاصابة حدثت له جراء التشاجر مع المجني عليه وبواسطة ضربه بزجاجة؟
لا هو كداب والخدش ده حصله قبلها بيوم علشان كان بيشيل الثلاجة بتاعتنا في البيت واتخبط في باب الثلاجة، واكيد هو قال كده علشان يحاول يبرر اللي حصل
المصدر: بوابة الفجر
كلمات دلالية: المتهم بقتل ابن عمه قتل اللی حصل
إقرأ أيضاً:
اليوم.. محاكمة عامل متهم بقتل صديقه في الجيزة
تابع أحدث الأخبار عبر تطبيق
تنظر محكمة جنايات الجيزة المنعقدة بزينهم، اليوم الأربعاء، محاكمة “عامل” متهم بقتل صديقه بالقرب من محور الضبعة، انتقامًا منه لاعتقاده أنه تسبب في فسخ خطبته.
وكان تم تأجيل الجلسة السابقة في 14 نوفمبر الماضي، لجلسة اليوم للإطلاع.
في وقت سابق، أحالت جهات التحقيق المختصة القضية رقم 8584 لسنة 2024 جنايات أوسيم، والمقيدة برقم 2432 لسنة 2023 كلي شمال الجيزة، إلى محكمة الجنايات العاجلة.
وجهت التحقيقات إلى المتهم عدة تهم، منها قتل المجني عليه عمدًا مع سبق الإصرار، وسرقة منقولاته الشخصية، وإتلاف هاتفه المحمول، واستخدام أدوات الجريمة المتمثلة في قطعة قماشية وحجر.
خلال التحقيقات، اعترف المتهم "حسام" بارتكاب الجريمة بحق صديقه "سيد ب."، مبررًا فعلته باعتقاده أن المجني عليه تدخل في حياته الشخصية، مما أدى إلى فسخ خطوبته من "رحاب ر."، وأكد أنه ازدادت شكوكه بعدما علم بمحاولة صديقه التقدم لخطبتها.
تفاصيل الواقعة
في يوم الحادث اصطحب المتهم المجني عليه، الذي كان يدير مغسلة سيارات، إلى طريق أوسيم لتوصيل أحد العاملين في المغسلة، بعد إيصال العامل إلى منزله، طلب المتهم من المجني عليه مرافقته إلى منطقة بشتيل بحجة استلام مبلغ مالي، هناك، استغل المتهم الفرصة ونفذ جريمته انتقامًا منه.
لم تنتهي المأساة، فبعد انتشار خبر مقتل سيد، واجهت "رحاب" حملة واسعة من الانتقادات والتهديدات من سكان قريتها، الذين اعتبروها السبب الرئيسي وراء الجريمة.
لم تستطع "رحاب" تحمل هذه الضغوط النفسية، مما دفعها للتفكير في إنهاء حياتها، بسبب الاتهامات والشتم المستمر من أهالي القرية، بعد وصفها بـ"الشؤم" .
تناولت "رحاب" أقراصًا سامة، لتلقى مصرعها بعد ساعات قليلة، من وفاة “ سيد”.
قبل وفاتها، ظهرت "رحاب" في مقطع فيديو عبر تطبيق "تيك توك"، تاركة رسالة وداع مؤثرة قالت فيها: "باعتبار إني بكرة هموت في حادثة، قولوا لأمي في جنازتي متصوتيش، وقولوا لاخواتي إن أنتم كنتم أعز شيء في حياتي وفي وجودي ومماتي، وبلغوا صحابي أنهم يقفوا على قبري وميصوتوش، ويطلوا كل شوية على أمي وميعيطوش، متكسروش قلبها كفاية قلبها مكسور في بُعدي، والعلم عند الله".
لضبط الأسعار وتوفير السلع.. وزير التموين يفتتح سوق اليوم الواحد بحلوان