ننشر أقوال المتهم بقتل نجل عمه بسبب 4 آلاف جنيه في الجيزة (خاص)
تاريخ النشر: 14th, March 2024 GMT
حصل موقع "الفجر" على أقوال المتهم "علاء.ح.ح "31 سنة سائق توكتوك، المتهم بقتل ابن عمه داخل أرض زراعية بمنطقة المنيب.
وفي السطور التالية سنعرض أقوال المتهم في تحقيقات النيابة العامة:
س: ما تفصيلات اقرارك؟
اللي حصل اني شكيت في ابن عمي "سيد محمد حسن"، إنه سرق من شقتي مبلغ 4000 الاف جنيه، ولما واجهته بالكلام ده امبارح نحو الساعة 8:30 الصبح طلعتله شقته وخبطت عليه، ولما فتحلي قولتله فين فلوسي راح زعقلي وشد معايا في الكلام وقالي انا مختش منك حاجه، وبعدها قالي تعال ننزل الارض الفاضية اللي جنب البيت علشان نتكلم هناك بعيد عن البيت وعلشان محدش يسمع الخناقة اللي بينا، وكنت ماسك في ايدي المطواه القرن غزال بتاعتي في ايدي ساعتها بس مفتحتهاش وفعلًا نزلت انا وهو وروحنا الأرض الفاضية اللي جنب البيت ولما دخلنا الأرض فضلت اقوله فين الفلوس مكنش راضي يقولي إنه سرقها.
وتابع المتهم: كان عاوز يقول ليا حاجه لحد ما شدينا في الكلام مع بعض وراح مسكنا في هدوم بعض بالايدي وراح ضربني بازازة مكسورة جابها من علي الارض في وشي واتعورت جنب عيني الشمال خربوش بسيط، روحت انا فتحت المطواه اللي كانت في ايدي وروحت ضربته بيها في صدره راح سايبني وقالي عورتني يا علاء ولقيت دم نازل من نص صدره بالظبط وقعد يطوح شوية ويشتمني وانا واقف مذهول من اللي حصل، وسيبته في مكانه ومشيت وطلعت على شقتي ولما دخلت لقيت مراتي قاعده وشافتني وفي ايدي المطواه وبتقولي في ايه قولتلها انا ضربت علاء ابن عمي وعورته في صدره وهو هناك في الأرض، راحت قالتلي انا هنزل اشوفه حصله ايه ونوديه المستشفي رحت نازل انا وهي ووقفت توكتوك معدي في الشارع معرفش اسم السواق حتي وركبت معاه ومراتي جت ورايا علي رجليها جري وروحت المكان اللي فيه علاء ( الـ الأرض الزراعية).
واستكمل: لقيته مغمي عليه وشيلته وحطيته في التوك توك لوحدي وسواق التوكتوك قالي هو ايه اللي حصل وماله قولتله معرفش ده ابن عمي وهنوديه المستشفي وساعتها رحت رامي المطواه فيا الارض الزراعية من غير ما حد ياخد باله، وفعلًا حطيته في التوك توك ومراتي جت ورايا وركبت التوك توك وطلعت علي بيت اخو علاء اللي هو اسمه ايمن محمد حسن، وناديت عليه وقولتله الحق اخوك لقيناه متعور ولما سألني مين إلى عوره قولتله معرفش وخدناه كلنا وطلعنا بيه علي مستشفي ام المصريين العام، وهناك قالولنا إنه علاء مات بقاله اكثر من ربع ساعة والحكومة حجزتني هناك والمباحث جت خدتني من المستشفي وخدوني علي القسم وهناك حكيتلهم علي كل اللي حصل وجابوني علي هنا انهارده.
س: وما سبب ومناسبة تواجدك بالزمان والمكان سالفي الذكر ؟
احنا روحنا الأرض الزراعية عشان اوصل معاه فين فلوسي إلى شاكك إنه سرقها
س: ولما ساورتك الشكوك تجاه المجني عليه في سرقة مالك ؟
عشان مراتي قالت ليا إنه ا شافته وهو طالع من الشقه وانا مسافر
س: وما مدي رؤيتها للنقود حوزته ؟
لا هي مشافتش الفلوس في ايده
س: وكيف تمكن المجني عليه من الدلوف لشقتك ؟
معرفش هو دخل ازاي
س: كيف نمي علمك بتواجد المتوفي إلى رحمة مولاه بمسكنه آنذاك ؟
علشان هو قاعد معايا في نفس العمارة وهو قاعد في الشقه اللي في الدور اللي فوقي وهو ابن عمي
وصاحبي وبنقعد مع بعض على طول وعارف إنه هو في شقته
المصدر: بوابة الفجر
كلمات دلالية: قتل ابن عمه تحقيقات النيابة العامة قتل اللی حصل فی ایدی
إقرأ أيضاً:
حكم إماراتي بالإعدام ضد المتهمين بقتل الحاخام الإسرائيلي كوغان
كشفت وسائل إعلام عبرية، اليوم الأحد، أن السلطات الإماراتية أصدرت حكم الإعدام بحق ثلاثة مواطنين من أوزبكستان، بتهمة قتل الحاخام الإسرائيلي تسفي كوغان في تشرين الثاني/ نوفمبر الماضي.
وذكرت هيئة البث الإسرائيلية أنّ "أبوظبي أصدرت حكم الإعدام بحق ثلاثة مواطنين أوزبكييين متهمين بقتل الحاخام تسفي كوغان العضو في منظمة (حباد) في دبي بنوفمبر الماضي".
ولم يرد تأكيد رسمي عن ذلك من السلطات الإماراتية.
يشار إلى أنه في نوفمبر الماضي، أعلنت حكومة الاحتلال ووزارة الخارجية الإسرائيلية العثور على جثة الحاخام تسفي كوغان، بعد أيام على اختفائه والبحث عنه في الإمارات.
وذكر بيان الاحتلال أن "أجهزة الاستخبارات والأمن في الإمارات، عثرت على جثة كوغان، الذي انقطع الاتصال به"، مضيفا أن "مقتل كوغان هو حادث إرهابي إجرامي معاد للسامية، وستتحرك دولة إسرائيل بكل الوسائل لتحقيق العدالة في المجرمين المسؤولين عن وفاته".
وأجرى رئيس لجنة الدفاع والشؤون الداخلية والخارجية في المجلس الوطني الاتحادي الإماراتي علي راشد النعيمي، زيارة إلى تل أبيب لتقديم تعازيه لعائلة الحاخام كوغان الذي قُتل في الإمارات.
وبحسب قناة "كان" العبرية، حضر النعيمي مراسم "شيفا" (حفل التعزية) الخاصة بالحادث، واستقبل بشكل رسمي في تل أبيب.
وتعتبر الإمارات إحدى الدول التي أقامت تطبيعًا للعلاقات مع الاحتلال الإسرائيلي، بموجب اتفاقات أبراهام الموقعة في 2020.
ويعرف النعيمي، بتأييده للاتفاقات الإبراهيمية، وأكد في تصريحات له أن هذه الاتفاقات تمثل "المستقبل" وأنها ليست مجرد اتفاق بين حكومات، بل منصة تهدف إلى تحقيق الاستقرار والازدهار في المنطقة.
من جهة أخرى، أثارت زيارة النعيمي العديد من الانتقادات وتنديدا واضحا، معتبرين إياها خطوة في تجاهل معاناة الفلسطينيين وتبرير العنف والقصف الإسرائيلي على قطاع غزة.
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز