مصطفى درويش: «بزعل لما أقابل حد في الشارع ويقولي فينك يا فنان؟» (فيديو)

كشف الفنان مصطفى درويش عن قرار التراجع عن الدخول في الوسط الفني في حالة الرجوع بالزمن، لافتا إلى أن التحمل النفسي للعودته إلى العمل بعد فترة من الغياب يعد حمل كبير

أخبار متعلقة

«أوردراته كانت بتجيلي».. فنان يروى تفاصيل أزمته مع الراحل مصطفى درويش بسبب تشابه الأسماء (فيديو)

مصطفى كامل: «مش عارف أتواصل مع أسرة إيمان البحر درويش» (فيديو)

مصطفى كامل عن حالة إيمان البحر درويش: «هل مطلوب مني أعرف كل زميل ساكن فين وحالته إيه؟»

أضاف خلال حواره مع إنجي هشام في برنامج «المنسي» عبر قناة «هي»: «لو رجع بيا الزمن مش عارف هختار أدخل الفن ولا لأ، الصعوبات اللي فيها وانت شاب صغير بتحس إنها صعبة لما بتكبر، بتحس إن الصعوبات لازم تقل شوية، لأن قوة تحملك مش هتبقي زي ما كانت خبرتك بتزيد إنما التحمل بيقل مش بس جسديا لكن نفسيا لانك بتحس إنك حققت وعلشان حققت بتحس إنك مش محتاج تتعب نفسك التعب بتاع زمان، إنما عشان تحس إنك حققت وتتعب أكتر من زمان دا تحميل نفسي عليك».

وتابع: «حاليا بقولك آه، ممكن لو رجعت بالزمن أقولك لأ، لو هتقوليلي حد من ولادك يدخل هقولك لأ مش عايز وعلشان حاجات كتير مش بس صعوبات علشان ما بعد الصعوبات دي».

وختم: «لما بتقابل في الشارع مع الجمهور وحد يقولي إنت فينك يا فنان بزعل لأني مش عارف أرد أقول إيه، وهو مش هيكون مستوعب اللي بقولهوله فبقول ربنا يسهل وبحس إني غير مقنع لأني مش مصدق اللي بقوله، ده اللي بيتعبني».

مصطفي درويش الفنان مصطفى درويش الفنان الراحل مصطفي درويش حقيقة اعتزال مصطفي درويش اعمال مصطفي درويش أخبار الفنان

المصدر: المصري اليوم