أمين الفتوى يفاجئ متصلًا نصح ابنه بالصلاة: «متقلوش كده تاني» (فيديو)

استقبل الشيخ عمرو الورداني، أمين عام الفتوى بدار الإفتاء، سؤالًا من متصل؛ يقول إن لديه ولدين 16 سنة، و20 سنة، ودعاهما للصلاة كثيرًا، الأول يستجيب قليلا، لكن الثاني بلا استجابة». وتابع الأب: «بقوله دايما مفيش حد دعيته للصلاة بالطريقة دي إلا وصلى إلا أنت، فماذا أفعل؟».

أخبار متعلقة

عمرو أديب لـ«ميدو»: «مشكلتي مع مرتضى بدأت بسببك لما قالك هعلقك في الاستوديو»

عمرو أديب: اجتماع في وزارة الكهرباء لاتخاذ قرارات مهمة بخصوص انقطاع التيار

عمرو أديب: «في 200 مليار جنيه الدولة رافضة تاخدها.

لحكمة أنا مش عارفها»

ونصح «الورداني»، خلال برنامج «ولا تعسروا»، عبر قناة مصر الأولى، اليوم الإثنين، الأب، قائلًا: «بالله عليك متقلوش كده تاني، لأنه هيفهم وكأنك بتقول له إنك أسوأ حد أنا نصحته في حياتي».

وأضاف: «هو صورته عن نفسه إن هو أكتر واحد وحش، فممكن يقول: إذا كنت أنا وحش أروح أصلي ليه؟! لازم لما نقول لأولادنا حاجة نكون عارفين الطريقة المناسبة لها».

وأشار إلى أن معالجة الأمر تكون عن طريق 3 خطوات؛ الأولى هو أن نتحدث مع أولادنا عن جمال الله، موضحًا: «لازم نكلم أحبابنا عن جمال ربنا وأد إيه بيحبنا ويعطينا ويكرمنا ويوسع علينا، عايزين نعبد ربنا لأننا عبيده، مش لأننا بينا وبينه بيزنس».

وتابع أمين الفتوى: «لازم أولادنا يحبوا ربنا ويعرفوه، تاني حاجة لازم أولادنا يحبوا الرسول -صلى الله عليه وسلم-، تالت حاجة لازم نسيب أولادنا يسيروا في الطريق الله لأنهم مكلفين زينا، مش إحنا مكلفين عنهم، الحاجات مهمة في تربية أولادنا وتعويدهم على الصلاة، ونفضل ننصحهم».

دار الإفتاء المصرية أمين عام الفتوى عمرو الورداني الصلاة تعويد الأبناء على الصلاة

المصدر: المصري اليوم