عايدة غنيم: طليقي كان على خلاف مع بدرية طلبة.. والقانون نصفني عليها لما قالت عليا كومبارس
تاريخ النشر: 14th, March 2024 GMT
كشفت الفنانة عايدة غنيم، تفاصيل الخلاف الذي وقع بين طليقها والفنانة بدرية طلبة، بجانب الكشف أمنيتها بالعودة للتمثيل مرة أخرى.
وقالت عايدة غنيم، في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي" أن طليقها كان عنده مشكلة مع الفنانة بدرية طلبة وحصل خلاف بسبب رواية ريا وسكينة هو كان كاتب تلك الرواية وقاموا بتحويلها مسرحية دون اسمه، مُضيفة:"الموضوع وصل للسب والقذف، ولاقيت اسمي بيتجاب في الجروب وأنا مش فيه أصلًا، واتقال إني كومبارس".
وتابعت: هي كانت صاحبتي وكنت برا الموضوع علشان ميتقالش أني متحيزة، وفوجئت بـ تسجيلات صوتية بالشتيمة وأنه عايز ينجمني عليهم، وأنا لجأت للنقابة وطلبت حقي، ولكن النقابة قالت يتحل الموضوع بشكل ودي وأنها تعتذر، ولكن هما قالوا تيجي تعتذر ليا وأنا قولت لأ لأني اتشمت على جروب صحفيين علنًا والاعتذار يكون علنًا، وهي رفضت.
عايدة غنيم: القانون نصفني على بدرية طلبة
وأضافت: وبعدين لاقيت لجان إلكترونية بتشتمني، ولجأت للقانون وخدت حكم لصالحي، واتحكم ليا بتعويض وأنا مكنش فارق معايا الفلوس وكل اللي كنت عايزاه اعتذار قدام الدنيا كلها، والحمد لله القانون نصفني، وأنا كنت عايزة اثبت لها أن حقي هيجي بالقانون فلوس إيه اللي أنا مستنياها منها.
عايدة غنيم: نفسي أرجع أمثل.. أنا مش بتاعة تيك توك
كما كشفت عايدة غنيم، عن أمنيتها بالعودة للتمثيل قائلة: نفسي أرجع أمثل يا جماعة أنا مش بتاعة تيك توك، أنا معتبرة التيك توك فترة في حياتي، ونفسي أرجع أشتغل زي ما كنت بشتغل الأول.
تفاصيل برنامج المنسي
برنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
المصدر: بوابة الفجر
كلمات دلالية: عايدة غنيم برنامج المنسي بدرية طلبة عایدة غنیم بدریة طلبة
إقرأ أيضاً:
دانا حلبي: "اتحرمت من ولادي 7 سنين بسبب طليقي"
تابع أحدث الأخبار عبر تطبيق
كشفت الممثلة اللبنانية دانا الحلبي تفاصيل حرمانها من أطفالها بسبب خلافاتها مع طليقها.
وقالت دانا الحلبي خلال لقائها مع الإعلامية إنجي هشام ببرنامجها "أوضة ضلمة" المذاع على شاشة "هي": "أكتر حاجة أذتني في حياتي أني اتحرمت من ولادي لمدة سبع سنين بسبب والدهم، ولكن دلوقت بتواصل معاهم لكن في حاجات كتير ضاعت في النص".
وتابعت: "عشان أنا قررت أنفصل طليقي حرمني من ولادي وكان بنتي عندها سنة ونصف، وكنت بسافر من بلد لبلد عشان أشوفهم ومبعرفش لمدة سبع سنين، وشفتهم اخر مرة في الصيف وبيكون عادي مش بلهفة أبوهم عودهم على عدم وجودي".
برنامج "أوضة ضلمة" تقدمه الإعلامية إنجي هشام على شاشة قناة "هي" يوميًّا في الثامنة مساءً من السبت إلى الخميس، وتستضيف من خلاله أبرز نجوم الفن والرياضة الذين يكشفون كواليس بداياتهم وأسرارًا عن حياتهم.