«أوردراته كانت بتجيلي».. مصطفى درويش يروى تفاصيل أزمته مع الراحل مصطفى درويش بسبب تشابه الأسماء (فيديو)

كشف الفنان مصطفى درويش، كواليس أزمته مع المرحوم مصطفى درويش بسبب تشابه الأسماء.

أخبار متعلقة

اَسر ياسين متأثرًا بوفاة صديقه مصطفى درويش: «أكيد هو في حتة أحسن» (فيديو)

أحمد عبدالعزيز يكشف تفاصيل أول لقاء جمعه بالراحل مصطفى درويش: «قلقت منه»

انهيار إلهام وجدي في عزاء مصطفى درويش: «لسه مكلمني من يومين»

وقال «درويش»: «الأزمة أو المشكلة دي حصلت سنة 2014، كنت بعمل مسلسل مع المخرج نادر جلال اسمه «العقرب» وفجأة لقيت نفسي مكتوب في التتر مرتين مرة في تتر البداية مصطفى درويش وصورتي ومرة تانية: اشترك في التمثيل مصطفى درويش في تتر النهاية.

كلمت المنتج في التليفون قلتله انت حاطتتني في التتر مرتين، أنت حاببني أوي كده! قالي لا ده ممثل تاني اسمه مصطفى درويش».

وأضاف خلال حواره مع إنجي هشام في برنامج «المنسي» عبر قناة «هي»: «قلتلوا طب هو دا ينفع؟ ده كده يبقي في اختلاط في الحكاية. وجبت رقمه وكلمته قالي يا أستاذ أنا بحبك قلتله وأنا كمان يا حبيبي بحبك مفيش حاجة بس أنا بقولك ده هيعمل مشاكل. وبعد فترة الناس بدأت تبعتلي أوردرات مش بتاعتي، مرة رُحت 3 شركات أقولهم باعتنلي ده ليه؟ يقولولي معلش ده مش ليك أنت».

وأردف: «بعد فترة جالي من الضرائب إخطار بحاجات أنا معملتهاش، أقولهم يا جماعة معملتش الأعمال دي يقولولي لا، أقولهم مش أنا».

تابع: «في الآخر اشتكيت للنقابة والنقابة بعتتله ومضي إقرار إنه هيغير الاسم يخليه مصطفى حسين درويش فمحصلش فاشتكيت تاني لأشرف ذكي لحد من سنتين الدكتور أشرف جابه وجه مصطفى الله يرحمه بكل حب اتقابلنا في نادي النقابة وطلع مصطفى اتكلم وقال أنا آسف والأزمة اتحلت قبل ما يتوفى بسنتين».

وختم درويش قائلا: «الموضوع ده فرق معايا على مستوى الشغل. مرة كلمت مخرج قالي واحشني قلتلوا طب مبتجبنيش ليه؟ قالي أنا طلبتك وقالولي دا شغال في كذا قولتله أنا قاعد في البيت، فاتضح أن مصطفى كان بدأ ينتشر والناس افتكرتني أنا وبعدين أوردراته كانت بتجيلي».

أقرأ أيضا:

وفاة مفاجئة وإعلانها على «فيسبوك».. مشهد مصطفى درويش تحول إلى حقيقة (فيديو)

مصطفى درويش الفنان مصطفى درويش شبيه مصطفى درويش اخبار مصطفى درويش وفاة خال مصطفى درويش

المصدر: المصري اليوم