أحمد حسام ميدو: أبويا كان قلبه حاسس إنه هيموت
تاريخ النشر: 14th, March 2024 GMT
علق الكابتن أحمد حسام ميدو على تأثره بوفاة والده وحبه الشديد له قائلًأ: "تأثرت بوفاة أبويا وكان بيشتغل اكتر من شغلانة وكان راجل بجد، وكان جدع وطيب".
وقال ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "عرفت أن أبويا مات من قبل ما اي حد يقولي، مراتي وهي جاية تجري عليا عالبوول عرفت ان ابويا مات من غير ماتقولي".
وأضاف ميدو قائلًا: " مرة كنت باخده لفة بعربيتي لان انا وهو بنحب العربيات أوي، وخدت لفة حلوة في شارع الميرغني،وبعد ما خلصت قالي يابن اللذين كان لازم تجيب العربية دي بدري شوية، ودي اخر مرة شفته فيها، كان عارف وحاسس إنه هيموت، رغم إنه مكنش عندي أي مرض ولا اي حاجة تعباه وكان عنده نحو 75 سنة، كان زعلان مني في حاجة وقالي عليها قبل ما يموت".
واستكمل كلامه قائلًا: "الستات اللي طالعة دلوقتي مبتوصلش لأولادها قد ايه الاب بيتعب
امي كانت بتقول كده وتعرفنا فا طلع عندنا تقدير للاب مش زي بتوع دلوقتي بيحسوا إنه حق مكتسب، والستات احيانا تتعمد تقلل من جوزها قدام ولادها، والراجل مظلوم جدا في مصر".
مواعيد برنامج أسرار
برنامج “أسرار” تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الفجر
كلمات دلالية: احمد حسام ميدو الإعلامية أميرة بدر برنامج أسرار شاشة النهار
إقرأ أيضاً:
عمر كمال: «محمد فؤاد تخلي عني.. ورفض مساعدتي في بداية مشواري الفني»
كشف مطرب المهرجانات عمر كمال، عن كواليس تخلي المطرب محمد فؤاد، عنه، وذلك عندما طلب «كمال» مساعدته لدخول مجال الغناء.
وقال عمر كمال: «أنا واحد كانت غايته في الحياة إنه يقابل محمد فؤاد، ويقدم لي الدعم، حتى لو هشتغل عنده في البوفيه. واتعلم منه أي حاجة».
عمر كمال يتحدث عن محمد فؤادوتابع كمال: «كنت بروح كل يوم عند بيته ومبيجيش، وبعدين لما جه رمضان، لقيت واحد طالع يمسح العربية، عرفت إن محمد فؤاد جاي، فرحتله وقلتله أنا بعشقك وبحبك وبشتري الشريط الأصلي بتاعك مش المضروب، وبقعد في أول صف في حفلاتك في دريم بارك.. قالي ربنا يخليك يا عمورة تسلم يا حبيبي».
وأضاف مطرب المهرجانات، «قلتله صوتي حلو ونفسي تسمعني، قالي سمعني، فغنيتله أغنية (يا قلبي خبى) لـ عبد الحليم حافظ، قاللي جدع، صوتك حلو وييجي منه، يلا ربنا يوفقك، ونادى على ولد يطلعله العربية.. قلتله يا أستاذ أنا جايلك عشان تديني كتف، قاللي يا عمر روح قدم في برامج أصوات كتير دلوقتي، لكن أنا مش بقدم حد».
وأشار عمر كمال، إلى أنه أدرك موقف المطرب محمد فؤاد بعد دخوله الوسط الفني، قائلًا: «هو برضه كان عنده حق.. دلوقتي بيحصلي نفس الموقف وبقول نفس الرد وبقولهم أعمل أغنية ونزلها على التيك توك هتنتشر وأعمل محتوى كويس».
أبرزهم عمر كمال.. أول الحاضرين لـ جنازة والدة محمود الليثي من مسجد الحصري
عمرو يوسف عن «دينا الشربيني»: قعدت اسخَّن فيها لحد لما لطشتلي
ليفربول يخطط للتعاقد مع نجم نيوكاسل يونايتد