تامر حسني يدافع عن نفسه من تهمة التعاون مع شركة تدعم الصهاينة
تاريخ النشر: 14th, March 2024 GMT
وقع الفنان تامر حسني في فخ التريند، حيث تعرّض لهجوم عنيف مع أول أيام الشهر الفضيل، بعد عرض الإعلان الذي يقدّمه لصالح إحدى شركات المنتجات الغذائية، التي يقاطعها كثيرون بسبب دعمها للكيان الصهيوني، رغم أنه أعلن في وقت سابق عن توقف نشاطه الفني لدعم الشعب الفلسطيني.
. شاهدة عيان تكذب نجل سامي مغاوري في واقعة السكر هجوم شرس على تامر حسني
ظهر تامر حسني في إعلانه الجديد، وهو يقلّد المسحراتي، كما قدّم وبمشاركة عدد من النجوم أغنية راقصة فيها مشاهد من أجواء رمضان في الشارع المصري.
وشن الكثيروم الهجوم على تامر حسني، بسبب دعم شركة البطاطس الشهيرة للكيان الصهيوني، حيث ألغى أكثر من مليون شخص متابعته على السوشيال ميديا، فيما تحدّث آخرون عن الأجر الخيالي الذي تقاضاه تامر عن الإعلان، وتردد أنه حصل على مليون دولار تقريباً، مقابل تصوير الإعلان.
قام المطرب تامر حسني برد فعل غريب على هجوم الجمهور عليه، بسبب إعلانه لإحدى شركات المقاطعة، ضمن إعلانات رمضان 2024.
وتجاهل تامر الهجوم عليه واهتم بتهنئة طليقته بسمة بوسيل على أغنيتها بتتر مسلسل نعمة الأفاكاتو، وهو ما أثار الجمهور بشكل أكبر، ليتعرض المطرب لهجوم أعنف.
وقال متابع: "علشان ماحدش يطلع يضحك عليكم، الوضع الوحيد إلى مقبول فيه الاعلان ده انه يكون صوره تحت تهديد السلاح، طيب هيقولك اصل الاعلان اتصوره من 5 سنين، من حقه يطلب من الشركة ما تنشرش الاعلان ويديهم حقه ويفسخ التعاقد للضرر المعنوي والمادي اللي هيقع عليه، او يطلع يتبرأ منهم".
بعد أن طاله الهجوم الشرس، كتب تامر حسني بيانا على مواقع التواصل الاجتماعي، جاء فيه: "مساء الخير عليكم، بقالي يومين بتابع اللي بيحصل، واحتراماً للجميع انا بوضح حاجه بخصوص إعلان شيبسي الاخير، اولاً.. انا على قوة الشركة من سنتين، قبل أي أحداث، وده مش اول اعلان، ده ثالث اعلان في عقدي، معلش احياناً الكلام عند بعض الناس بيبقى سهل وتحديداً لما بيكون بدون علم بالعقود و بحيثيات الموضوع كله".
وأضاف: "ثانياً.. انا مضيت على عقد مكتوب فيه ان شيبسي شركة مصرية ولها سجل تجاري ضريبي مصري منفصل، والبند قدامكم اهوه لصدق كلامي، ثالثاً.. الاهم لاي حد بيشكك في انتمائي للقضية الفلسطينية هقوله انا من 20 سنة وانا في ضهر القضية، ومش كلام واغاني بس، لأ انا رحت بنفسي معبر رفح اثناء الضرب لمساندة اهالينا هناك بأكبر حملة، معتقدش في حد هيخاطر بحياته ويروح بنفسه معبر رفح اثناء الضرب مجامله مثلاً!!".
واختتم: "اخيراً.. انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه، والبطاطس من الفلاحة المصرية، و بيتباع في مصر بس، واتربينا عليه، و الاهم ان الشخص البسيط يقدر يشتريه في ظل ظروفنا الاقتصادية، واظن ده واضح في الاعلان، ده كان شعوري الشخصي تجاه الحملة وانا بمضيها من سنتين، عشان كده كان واجب عليا التوضيح للجميع، و للّي مش واصلاله الصورة بكل احترام، وشكراً لكل اللي ردوا عني وهما مغمضين، حقيقي انتو نعمة كبيرة من ربنا، الف شكر، ورمضان كريم على الجميع".
المصدر: صدى البلد
كلمات دلالية: تامر حسني دعم الكيان الصهيوني تامر حسنی
إقرأ أيضاً:
تامر حسني يوجه رسالة مؤثرة لجمهوره عن الصلاة
خاص
شارك الفنان المصري تامر حسني جمهوره برسالة مؤثرة عبر خاصية “الستوري” على حسابه الرسمي بموقع “إنستجرام”.
وقال تامر حسني: «والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي وكانت من أسباب وصولي لحلمي التمسك بالصلاة أيا كنت بتعمل إيه واوعى تقول ربنا مش هيقبل صلاتي.. واوعى تصدق اللي يقولك كده إوعى تحكم انت على ربنا وتشك في رحمته إنه مش هيقبل لا لااااااا دا غلط كبير ربنا أكرم وأرحم من ما تتخيل».
وأضاف: «مهما أي غلط بتعمله مسير صلاتك تخليك تقلل أخطاء وواحده واحده لحد ما تبقى في المسار السليم اللي برضوا هيكون فيه أخطاء ولكن أقل ويتبعها إستغفار وتصدق وتوبه حتى لو رجعت تاني لنفس الأخطاء ورجعت عاشر ومليون ارجع تاني ومليون لربنا وأطلب منه العفو والمغفرة المهم تخليه قدام عينك طول حياتك».
وتابع: «خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده».
وأختتم: «بس إحنا لازم نقاوم النوع ده من الفكر ونفتخر إننا بنصلي وبنركع لواحد بس وهو الله سبحانه وتعالى ومهما علا شأننا ومهما عملنا ذنوب بنركع برضو وبنتوب ونستغفر ونشكره على كل حال ونطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه والنملة في جحرها والطيور في السما».
العراق: جدل حول تأجيل انتخابات 2025 بسبب تعديل قانون الانتخابات