أحمد حسام ميدو: 'صاحبت ملكة جمال بلجيكا ومراتي أحلى منها'

علق الكابتن أحمد حسام ميدو على تصريحاته الأخيرة بخصوص لعبه للكرة من أجل البنات قائلًأ: "حافز لعب الكرة عشان البنات كنت ساعتها صغير وعندى 17 سنة، وكلامي ده كان خلال قصة لان البنات اللي شفتها هناك حلوين ومش معنى كده اني كنت في مصر واقع يعني".

وقال أحمد حسام ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "حلمي اتحقق وصاحبت ملكة جمال بلجيكا، وسبتها لان حياتنا مختلفة ومحبتهاش بس كانت حلوة، ودلوقتي هي ممثلة مشهورة في بلجيكا، كان مشكلتي على صورها اللي على المجلات، ويسرا مراتي احلى منها وقمر، وكل ما الوقت بيعدي بحبها اكتر، اي راجل وست عشان يعرفوا يعيشوا محتاجين لغة حوار، مش عيب ان الراجل يعبر عن حبه لمراته والعكس صحيح، مبدأ الرجالة بتاع الست للبيت ده مش عندي، انا عندي اخرج معاها واسهر ونرقص سوا ونلبس احلى لبس، وقفشتني كتير، واللي بيحللي مشاكلي معاها هي حماتي وامي".

وأضاف ميدو قائلًا: "الست الجدعة اللي تحافظ وتبقى باقية على بيتها ومش معنى كدة إنه ا تبقى مهزقة، لأن فيه صحاب كتير وحشين أوي، متسمعيش ليهم، وبرامج الستات اللي بتنصح الستات كلهم مطلقات، طيب ماتسبيهم، ليه تنصحيهم وبتخربي بيوتهم، وهما اربعة أو خمس ستات بينصحوا الستات كلهم مطلقات متسمعهومش لان هدفهم مش انتي ولكن شغلها فقط، مفيش ست يبقى عندها شخصية قدام جوزها، لازم يبقى فيه تنازلات من الطرفين

 

مواعيد برنامج أسرار 

برنامج “أسرار” تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

المصدر: بوابة الفجر