راجل لطيف جدًا.. رد مفاجئ من هشام عاشور على تصريحات باسم سمرة

أثارت تصريحات باسم سمرة حالة من الجدل خلال ظهوره في الحلقة الأولى من برنامج "رامز جاب من الآخر"، بعدما هاجم نيللي كريم وزوجها الفنان هشام عاشور.

وأكد باسم سمرة، أن "نيللي" رفضت مشاركته في عمل معها من أجل قيام زوجها بالدور، ما دفع هشام عاشور للخروج عن صمته والرد في مقطع فيديو لأول مرة، قائلا: «الناس بتحب الأكشن، تموت تتفرج على اثنين بيموتوا بعض، علشان أرد على قصة الأستاذ باسم السمرة، ده راجل ممثل محترف وراجل لطيف جدًا، وقلبه أبيض وجدع، وأنا عن نفسي بحبه جدًا وبإذن الله هشتغل معاه في يوم من الأيام».

https://www.instagram.com/reel/C4c-x_FN1gx/

وتابع عاشور قائلا: «هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش».

وأضاف: يعني بصراحة قمةـ مش عارف أقول ايه بيئة جدا وصفيقة جدا، ورخيصة جدا، الله يكون في عونك يا معلم، يعني هو دا الضحك هتجيب فلوس كدة؟ الدم الخفيف مفهوم، يعني دا لا دم خفيف ولا لذاذة، معرفش، الله يكون في عونك وزعلان منك.

ودار في برنامج "رامز جاب من الآخر" المذاع عبر قناة MBC مصر، حوارا بين مقدم البرنامج رامز جلال والفنان باسم سمرة، حول تصريح سابق له عن الفنانة نيللي كريم.

وقال باسم، إن نيللي كريم تعلمت منه التمثيل، مضيفا: "كان فيه دور وأنا كنت فرحان أوي إن إحنا هنشتغل راحت جايبة جوزها".

وعقب رامز جلال قائلا: "وجوزها بيمثل ليه أصلا"، وهو ما رد عليه باسم بقوله: "بتاع إسكواش".

وأضاف رامز مازحا: "يعني كان بيمرنها في التصوير؟"، ليعقب باسم سمرة: "إتجوزها وكان عايز يمثل فا بطل الإسكواش وعايز يمثل".

اقرأ أيضاً«مبقفش قدام رزق حد».. أمير كرارة يرد على اتهامه باستبعاد فنان من أحد أعماله

رامز جلال ساخرًا من «أوس أوس»: أخرك بتاع كشري

أحمد السقا وباسم سمرة أول ضحايا برنامج «رامز جاب من الآخر»

نازلك يا باسم ولقاءنا حاسم.. أبرز لقطات أحمد السقا وباسم سمرة في «رامز جاب من الآخر»

المصدر: الأسبوع