عشان تاكل عيش.. لماذا ذكر تامر حسني الفلاحة المصرية في رده على منتقدي إعلان شيبسي؟

تعرض المطرب تامر حسني، لموجة كبيرة من الهجوم عليه بسبب إعلان شيبسي الأخير الذي تم عرضه في أول رمضان الحالي، وتوجيه اتهامات له بتساهله مع قضية غزة.

وتُعد شركة شيبسي من الشركات المقاطعة دعما لقضية غزة، واعتبر البعض أن قيام تامر حسني بهذا الإعلان استهانة منه بقضية غزة.

تامر حسني يعلق على أزمته بسبب إعلان شيبسي

وقال تامر حسني من خلال حسابه الشخصي بموقع التواصل الاجتماعي «فيسبوك»: مساء الخير عليكم.

. بقالي يومين بتابع اللي بيحصل واحتراما للجميع أنا بوضح حاجة بخصوص إعلان شيبسي الأخير.

تامر حسني

وتابع تامر حسني قائلا: أولا.. أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش أحيانا الكلام عند بعض الناس بيبقى سهل وتحديدا لما بيكون بدون علم بالعقود وبحيثيات الموضوع كله".

اعلان تامر حسني

وأضاف تامر: ثانيا.. أنا مضيت على عقد مكتوب فيه إن شيبسي شركة مصرية ولها سجل تجاري ضريبي مصري منفصل والبند قدامكم أهوه لصدق كلامي".

وتابع تامر: ثالثا.. والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية ومش كلام وأغاني بس لاااااا. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجاملة مثلا…!!.

اعلان تامر حسنيشيبسي منتج مصري

وأكمل أخيرا.. أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم إن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان”.

اعلان تامر حسني

واختتم قائلا: ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام.. وشكرا لكل اللي ردوا عني وهما مغمضين حقيقي انتوا نعمة كبيرة من ربنا ألف شكر ورمضان كريم على الجميع.

المصدر: الأسبوع