بالإثبات..أول رد صريح من تامر حسني بعد تعرضه للانتقادات اللاذعة بشأن إعلانه الأخير

تعرض نجم الجيل تامر حسني لإنتقادات لاذعة بشأن إعلانه لإحدى الشركات التجارية وذاك بسبب المقاطعة وأحداث غزة، وخسر مقابل ذلك مليون متابع.

أول رد من تامر حسني بشأن الإعلان

وخرج تامر حسني عن صمته بعد عدة أيام من طرح الإعلان، وذلك من خلال حسابه الشخصي بموقع التواصل الاجتماعي فيسبوك معلقًا: "مساء الخير عليكم.

. بقالي يومين بتابع اللي بيحصل واحترامًا للجميع.. انا بوضح حاجة بخصوص إعلان شيبسي الأخير

 

اولًا.. أنا  على قوة الشركة من سنتين قبل اي أحداث وده مش أول إعلان ده ثالث إعلان في عقدي، معلش احيانًا الكلام عند بعض الناس  بيبقى سهل وتحديدًا لما بيكون دون علم بالعقود وبحيثيات الموضوع كله".

واستكمل:"ثانيًا.. أنا مضيت على عقد مكتوب فيه إن  الشركة مصرية ولها سجل تجاري ضريبي مصري منفصل والبند قدامكم اهوه لصدق كلامي "

تامر حسني يوضح موقفه من القضية الفلسطينية

وأوضح:"ثالثًا.. والأهم  لاي حد بيشكك في انتمائي للقضية الفلسطينية هقوله  انا من ٢٠ سنه وانا في ضهر القضيه ومش كلام واغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة    معتقدش في حد هيخاطر بحياته ويروح بنفسه معبر رفح اثناء الضرب مجامله مثلًا …!!"

تامر حسني يبرر سبب اختياره للاعلان 

واختتم:"اخيرًا  …. انا لما قررت اكون الوجه الاعلاني  من سنتين لإنه منتج مصري كل المصريين بيحبوه  و البطاطس من الفلاحه المصرية وبيتباع في مصر بس واتربينا عليه والاهم ان الشخص البسيط يقدر يشتريه في  ظل ظروفنا الاقتصاديه واظن ده واضح في الاعلان  .. ده كان شعوري الشخصي اتجاه الحمله وانا بمضيها من سنتين  عشان كده كان واجب عليا التوضيح للجميع وللّي مش واصلاله الصوره بكل احترام "..

تامر حسني يوجه رسالة شكر لجمهوره

ووجه رسالة شكر قائلا:"و شكرًا لكل اللي ردوا عني  و هما مغمضين حقيقي انتوا نعمه كبيره من ربنا  الف شكر ورمضان كريم على الجميع"

المصدر: بوابة الفجر