«امشي وابعد عن نادي الزمالك».. محمد صلاح يوجه رسالة نارية لـ مرتضى منصور

وجه محمد صلاح نجم نادي الزمالك الأسبق، رسالة نارية إلى مرتضى منصور، رئيس نادي الزمالك المعزول بحكم قضائي.

أخبار متعلقة

نجم الزمالك السابق: أحمد عيد من حق إنبي

عيد عبدالملك: هذان اللاعبان سيكون لهما دور مع الزمالك في البطولة العربية

وقال محمد صلاح، خلال حواره ببرنامج «بلس 90»: «هناك مشكلة بين مرتضى منصور وممدوح عباس، الاتنين لو طلعوا بره مشاكل الزمالك كلها هتتحل، هو مش عِند في الزمالك عِند في الأشخاص، النادي هو المتضرر هو والجمهور».

ووجه محمد صلاح، رسالة إلى مرتضى منصور، قائلًا: «انت معندكش حاليًا إمكانية انك تسير النادي، دي حقيقة مفيش فلوس، تعمل إيه؟ مصلحة الزمالك إنك تمشي وتبعد عن النادي».

وواصل: «من 2015 كان هناك مشاكل في نادي الزمالك، ولكن كان في فلوس وبتتحل، دلوقتي هيجيلكً فلوس قليلة، مش هتعرف تقيد الصفقات الجديدة بسبب القضايا في الفيفا».

وأردف: «نادي الزمالك واقف مبيتحركش للأمام، من وجهة نظري، أصحاب المشاكل يبعدوا شوية أو يحلوا مشاكلهم بره النادي ونادي الزمالك هيفوق».

وأتم: «الدكتور أشرف صبحي، وزير الشباب الرياضة، لازم يبقى عنده حل. صعب وعيب تسيبوا نادي الزمالك كده».

الزمالك مرتضى منصور اخبار الزمالك

المصدر: المصري اليوم