ميدو يُحذّر الأهلي والزمالك قبل المشاركات الإفريقية

دعا نجم الزمالك السابق والإعلامي الحالي أحمد حسام ميدو، فريقي الأبيض والأهلي إلى الصحوة قبل المشاركات الإفريقية، مشيرًا إلى وجود أخطاء في أساسيات التدريب لدى مدربي القطبين. 

وخسر الزمالك أمام الجونة، بثلاثة أهداف مقابل هدفين، في المباراة التي جمعت بينهما، أمس الثلاثاء، ضمن منافسات الجولة الـ15 لمسابقة الدوري بملعب خالد بشارة بالغردقة.

وفي إطار مباريات الجولة ذاتها، خسر الأهلي من البنك الأهلي، بنتيجة 4-3، في المباراة التي جمعتهما أمس أيضًا على ملعب استاد القاهرة الدولي. 

 و قد كتب ميدو عبر حسابه الرسمي بمنصة "إكس": "الزمالك والأهلي محتاجين يفوقوا قبل المشاركات الإفريقية أخطاء في أساسيات التدريب من الاتنين مدربين سواء في نهائي الكأس أو في ماتشين إمبارح".

وأوضح: "طبعا مش بقارن بين الاتنين مدربين لإن كولر صنع تاريخ مع الأهلي عكس جوميز إللي لسه في أول المشوار".

وشدد: "جوميز لازم يثبت التشكيل ويدي ثقة للمجموعة الأساسية ويستحملهم ونستحملهم لحد ما يوصلوا لمرحلة كويسة".

واختتم: "لو كل ماتش هيغير 4 أو 5 لاعبين للأسف مش هينجح مع الفريق.. ده وقت ثبات التشكيل!". 

#الزمالك و#الاهلي محتاجين يفوقوا قبل المشاركات الأفريقية أخطاء في اساسيات التدريب من الاتنين مدربين سواء في #نهائي_الكأس أو في ماتشين إمبارح طبعا مش بقارن بين الاتنين مدربين لان #كولر صنع تاريخ مع الاهلي عكس #جوميز اللي لسه في اول المشوار! #جوميز لازم يثبت التشكيل ويدي ثقه…

— Mido (@midoahm) March 13، 2024

المصدر: بوابة الفجر